Холли Херндон, Мэт Драйхерст «Судалгаа 1 ба 2-ыг дараалуулахуй». Фото: Reuters

Christie’s дуудлага худалдааны ордон  өөрийн түүхэнд анхных болох зохиомол ой санамжийн урлагийн бүтээлийн үзэсгэлэн арилжааг явуулахаар бэлтгэж байна.

Арилжаанд нейро сүлжээний тусламжтайгаар бүтээсэн 20 зургийг зарна. Дуудлагын анхны үнэ нь $10 мянгаас эхлээд $250 мянга хүрнэ гэж төлөвлөжээ. Харин зураачид үүний эсрэг байна.

Онлайн-аукцион хоёрдугаар сарын 20-ноос гуравдугаар сарын 5-ны хооронд явагдана. Арилжаа нь «урлаг, технологийн хөгжлийг  ЗОС-ийн эринд хүний нөлөөг оролцуулан судлах нь» гэдэг уриан дор явагдана гэж ордны сайтаар өгүүлжээ.

Лотуудын дунд орчин үеийн  зураачдын тухайлбал, Холли Херндон ба Мэт Драйхерст,  мөн зохиомол ой ухааны урлагийн анхдагч Гарольд Коэн нарын зургууд орж байна.

Британийн зураач 1960-аад онуудад  программчлалд  суралцахаар шийдээд хэдэн жилийн дараа ААРОН программ-зураачийг гарган иржээ. Гэхдээ Коэн өөрийн программыг  зураачийг орлохгүй ч түүний найдвартай туслагч болж чадна гэж байлаа.

Гарольд Коэн «Нэргүй». Үнэлгээ — $10–15 мянга. Фото: Christie's

Зохиомол ой санамжийн тусламжтайгаар  бүтээсэн бүтээлүүдийг худалдах санаачлага нь зураач нарт таалагдахгүй байна. Тэд энэ санаагаа орхихыг ордонд уриалжээ. Тэдний урианд 3500 гаруй зураачид гарын үсгээ зуржээ хэмээн The Guardian сонин бичжээ.

Пиндар Ван Арманы «Шинэ царай» зураг  $250 мянгаар үнэлэгджээ. Фото: Christie's