Израилын Ерөнхий сайд Биньямин Нетаньяху ХАМАС бүлэглэл барьцааны хүмүүсийг ирэх бямба гаргийн үд дунд гэхэд суллахгүй бол Газын зурваст ширүүн тулалдаан үргэлжлэх болно гэж анхаарууллаа. Гэхдээ тэрбээр бүх барьцааны хүмүүсийг эсвэл зөвхөн бямба гаргад суллагдахаар төлөвлөгдөж байсан гурван хүнийг дурдсан эсэх нь тодорхойгүй байна.

ХАМАС: Израил хэлэлцээрийн заалтуудыг зөрчсөн

ХАМАС бүлэглэл даваа гарагт мэдэгдэл хийхдээ:

• Израил хэлэлцээрийн үндсэн заалтуудыг зөрчсөн
• Үүний улмаас бямба гарагт суллахаар төлөвлөж байсан гурван барьцааны хүнийг суллах шийдвэрийг цуцалсан гэж мэдэгдэв.

Энэ нь гал зогсоох тохиролцоонд эргэлзээ төрүүлж байгаа юм.

Израил нэмэлт хүч байршуулна

Б.Нетаньяху онц байдлын засгийн газрын хуралдааны дараа:
"Хэрэв ХАМАС барьцаанд байгаа хүмүүсийг бямба гаргийн үд гэхэд буцааж өгөхгүй бол гал зогсоох хэлэлцээр дуусгавар болж, ХАМАС зайлшгүй ялагдах хүртэл Израилын Батлан хамгаалах хүчин ширүүн тулалдааныг үргэлжлүүлнэ" гэж мэдэгдэв.

Израилын арми үүний дараа өмнөд хэсэгт нэмэлт хүч байрлуулахаа зарлаж,

• Бэлтгэл цэргүүдийг дайчлан хүчээ зузаатгах шийдвэр гаргасан
• Энэхүү байршуулалт нь "янз бүрийн хувилбаруудад бэлэн байх зорилготой" гэж мягмар гарагт мэдээлжээ.

Эх сурвалж: DW