Эх сурвалж: Peter Seyfferth via Legion Media

Дэлхийн хоёр дахь жижиг орон бага зэргээр томров. Шинэ “нутаг дэвсгэрт” нь юу байна вэ гэдэг нь тодорхой боллоо.

Монако - дэлхийн хамгийн жижиг орнуудын хоёр дахь бөгөөд нутаг дэвсгэрээр түүнээс Ватикан арай  илүү. Хэмжээгээрээ  энэ орон  хот улсаас арай бага ч нутаг дэсгэрээ томсгож чадав.

Монако  улсад 39 мянга орчим хүн амьдардаг ба тэд бараг бүгд л саятнууд юм. Саяхан болтол тэд хоёроос арай бага кв.км татварын диваажиндаа амьдран чихцэлдэж байлаа. Одоо тэдэнд  арай чөлөөтэй амьсгалах боломж ирэв. Нутаг дэвсгэр нь 3%-иар нэмэгдсэн юм чинь.

Mareterra районд юу байна вэ?

CNN мэдээлснээр, улсын нутаг дэвсгэр нь  Газар Дундын тэнгист  босгосон шинэ Mareterraэко-районаар  томорчээ. Энэ төслийг  аль эрт 2013 онд  гаргаж иржээ. Түүнийг хэрэгжүүлэхээр  далайд шахах төхөөрөмжийг босгон усыг нь шахан гаргаад түүнийг 750 мянган тонн элсээр дүүргэсэн байв. Ингээд л 11 жилийн дараа Монакогийн нутаг дэвсгэр 0,06 км2 болон нэмэгдэв.

Шинэ тансаг цогцолборт зуун элитийн контор, 10 харш ордон байгаа. Дээр нь яхт завийн буудал, эргийн парк, унадаг дугуйн зам, дэлгүүрүүд байрлажээ. Тэр бүгд нь Тосканаас тусгайлан авчирсан мянгаад  модон дунд байрлана.

Эко районыг байгуулахад Помпиду төвийг байгуулалцсан уран барилгач Ренцо Пиано зэргийн нэртэй мэргэжилтнүүд гар бие оролцов Пиано  амьдарах районд нь өөрийн  компанийн LeRenzo  нэрийг өгчээ.

Mareterra дахь байр сууцны үнэ нь зарлагдаагүй ч тэнхийн  үл хөдлөх хөрөнгийн  мэргэжилтнүүд метр квадратын үнийг нь 100 мянган евроноос доошгүй гэж  гэж тооцож байна.

Монакод энэ арал ямар хэрэгтэй байв?

Орон сууцанд зориулан яагаад заавал хиймэл  арал байгуулах хэрэгтэй гэж? Гэвч энэ нь саятнуудын тансаглал хараахан биш юм. Зүгээр л тус улсад хуурай газар байхгүйд асуудал оршино. Монако эртнээс  далайг амьдрах газар гэж харж ирсэн. Харин хэн нэгэн нь, жишээлбэл экологичид барилгачдад саад хийгээд байв. Экологид Монакогийн ойр орчмын 60 төрлийн шүрэн колонийг хамгаалахаар Матросов шиг цээжээрээ хаана. Вантан Хоёрдугаар Альберт ч гэсэн далайн биолигийн олон төрөл янзыг  хамгаалахын төлөө тэмцэгч.

Далайгаас хуурай газрыг байлдан дагуулах нь нарийн ажил, бүтээн босгогчдод байгальд хор хөнөөлгүйгээр үүнийг хийх олон янзын журам зарчмыг сахих шаардлагатай. Mareterra-г бүтээгчид ам тангарагаа өгч байж үүнийг босгов. Ажлын үеэр нэг ч загас, ургамал хэлмэгдэх ёсгүй гэнэ. Мөн шинэ нутгийн халаалт хөргөлт ийн 80 хувь нь сэргээгдэх эрчим хүчээр ажиллах ёстой.