Кино урлагийн салбарын уран бүтээлчдийн зөвлөгөөн өчигдөр /2024.11.14/ болов. Зөвлөгөөнийг Кино урлагийн зөвлөлөөс зохион байгуулж, 200 гаруй уран бүтээлч оролцов. Оролцсон уран бүтээлчдээс "Боролдой" студийн захирал С.Мягмар дараах мэдэгдлийг хийжээ. 

“Боролдой” студийн захирал С.Мягмар:

-Би кино контент гэдгийг ямар төрөл жанр гэдгийг ойлгодоггүй. Кино урлаг, театр гэж байдаг. Хоёр жилийн өмнө Кино урлагийн тухай хууль батлагдсан. Хуулийг дагаж гарсан журмаар хуулийнхаа мөн чанарыг нь арилгасан. Уг нь Кино урлагийн зөвлөл хараат бус бодлого гаргах ёстой. Гэтэл хараат зөвлөл байгуулагдсан. Монголын кино урлаг социализмын үеэсээ салаагүй. Би социализмд 35 жил, капитализмд 35 жил амьдарсан хүн. Соёлын яам оюун ухааны нэгдэл бус хэдэн дарга нарын авчирч тавьсан хүмүүс байна. Би өөртөө харамсч байна. Амьдралынхаа гурав, дөрвөн жилийг Кино урлагийг дэмжих тухай хууль баталж, зөвлөл байгуулах гэж үрсэндээ харамсч байна. Энэ салбар социалист үзэл суртлын зэвсэг рүүгээ 90 хувьтай орсон байна. Энэ салбар харанхуй байна.