Украины Ерөнхийлөгчийн зөвлөх Михаил Подоляк Украины Зэвсэгт хүчний  сөрөг довтолгоон эхэлсэн, украины арми Бахмутад (Артемовск) санаачлагыг гартаа авч эхэллээ гэж өнгөрсөн долоо хоногт мэдээлсэн. Мөн тэрээр Орост "Сөрөг байлдааны ажиллагаа" эхэлнэ гэсэн юм.

Подоляк яг юу хэлэв, түүнд итгэж болох уу?!

Подоляк юу хэлэв?

Германы Bild сэтгүүлд ярихдаа, Украин цэргийн тусгай ажиллагааны явцад  санаачлагыг гартаа авч байна. Бахмут дахь байлдаан сөрөг довтолгооны зөвхөн урьдатгал нь. Украины сөрөг довтолгоон олон тооны үйлдэл, зорилгоор бүрэлдэнэ. Украины Зэвсэгт хүчин тэдний заримыг нь Донецк мужид хэрэгжүүлж байна гэжээ. Оросын БХЯ тэр мэдэгдлийн талаар тайлбар өгөөгүй байна.

Украин санаачлагыг гартаа авлаа. Тэр нь Бахмут маргааш чөлөөлөгдөнө гэсэн үг биш. Хүнд тулалдаанууд үргэлжилнэ. Илүү өргөн утгаар Бахмут нь сөрөг довтолгооны урьдатгал гэж Подоляк хэлжээ.

Тавдугаар сарын 13-нд Браянск мужид оросын онгоцнуудыг унагасан мэдээнд тэр тайлбар хийхдээ, Орост “Украины ЗХ-ний сөрөг тусгай ажиллагаа эхлэн хүчээ авч магадгүй” гэжээ.

Ямар үйл явдлыг Подоляк сануулав?

Тавдугаар сарын 13-ны өдөр Брянск мужид Су-34, Су-35  хоёр сөнөөгч, Ми-8 хоёр нисдэг тэрэг унасан тухай мэдээлэл гарсан юм. Мужийн захирагч Александр Богомаз нэг нисдэг тэрэг унах үеэр нэг эмэгтэй хэлмэгдсэн гэж байв. Запорож мужийн захиргааны зөвлөлийн гишүүн Владимир Рогов сүлжээгээр бичихдээ сөнөөгч онгоцнууд нисдэг тэрэгнүүдийг сөнөөгдсөн, нисдэг тэрэгнүүд, Су-34 бөмбөгдөгчийн багийнхан, Су-35 онгоцны нисэгч амиа алдсан гэжээ.

Хожим Украины Зэвсэгт хүчний спикер Юрий Игнат Клинцовскийн район байлдааны таван техник унасан гэв. Түүний хэлснээр нисэх техникийг Оросын агаараас хамгаалах хүчин сөнөөжээ.

Оросын БХЯ уг хэрэг явдлыг үгүйсгээгүй гэхдээ текникийн төрөл ангилал, тоо, хохирогчидын талаар мэдээллээгүй. "Коммерсант" сонин өөрийн эх сурвалжийн мэдээний дагуу агаарын хөлгүүд нисэхийн бүлэг болж байсан байх гэж бичив.

Подолякын үгийг оросууд хэрхэн хүлээн авав?

Крымыг төлөөлсөн сенатор Сергей Цеков сөрөг тусгай ажиллагааг эхлүүлсэн гэдэг Подолякын үгийг "Барууны мөнгийг саах арга" гэв. Украины улстөрчид ийм мэдээлэл их гаргаж байсан нь дараа нь батлаагүй байсан түүхтэй “Америкчуудын хувьд сөргөлдөөнийг удаах нь ашигтай бол Украинд мөнгө саах нь чухал. Подляка бид сөргөлдөөнийг удаашруулна гэж хэлэхгүй л дээ. Тэгээд л тэр сөрөг тусгай ажиллагааг ярьж байна" хэмээн Цеков ярьжээ.

М.ЦОГТ