Байт харваан спортоор анхлан хичээллэж буй тамирчдын дунд дөрөвдүгээр сарын 15, 16-ны өдрүүдэд зохион байгуулагдсан "Debut Archery Cup 2023" анхдугаар тэмцээнд амжилттай оролцсон Увс аймгийн баг тамирчид медалиа хүлээн авлаа.
Хоёр өдөр үргэлжилсэн тэмцээнд тамирчид өөрсдийн байгаа бүсээс оролцох боломжтойгоороо онцлог байсан билээ.
Тэгвэл Увс аймгийн баг тамирчид медалиа хүлээн авсан байна. Залуу тамирчдын медалийг Монгол Улсын аварга С.Мөнхбат гардуулан өгчээ.
Мөн "Debut Archery Cup 2023" анхдугаар тэмцээнд амжилттай оролцсон Д.Нармандах дасгалжуулагчтай Р.Ууганхишиг /мөнгөн медаль/ Н.Энхжин /хүрэл медаль/ нарыг Рояаль ОУИС-ийн зүгээс 50 хувь хөнгөлөлттэй сурах эрхийн бичгээр шагнажээ.
"Debut Archery Cup 2023" анхдугаар тэмцээн өсвөр үе, залуучууд, насанд хүрэгчид ангиллаар, "Рекувр" болон "Компаунд" төрлүүдээр явагдсан юм.