Чөлөөт Орос легион бол Украины цэргийн анги бөгөөд бүхэлдээ эх орон нэгтнүүдтэйгээ тулалдаж, хөнөөж буй оросуудаас бүрддэг байна.

Оросын цэргүүд ангид элсэхээсээ өмнө полиграфийн шинжилгээг багтаасан өргөн хүрээний суурь шалгалтанд хамрагддаг. Оросын тагнуулчид легион руу нэвтрэхийг удаа дараа оролдсон гэж Украины цэргийн тагнуулын албаны төлөөлөгч мэдэгджээ.

Гэсэн хэдий ч легион Украины арми дахь байр сууриа эзлэхэд Украины командлагчдаас хангалттай итгэлийг хүлээсэн бөгөөд одоо хэдэн зуун легион гишүүд Украины зүүн хэсэгт орших стратегийн ач холбогдолтой Бахмут хотын ойролцоо төвлөрч байна.

Цэргүүд ёс суртахууны уур хилэн, өргөж авсан эх орноо хамгаалах хүсэл эрмэлзэл эсвэл ОХУ-ын ерөнхийлөгч Владимир Путинд дургүйцсэний улмаас зэвсэг барьсан байна.

"Жинхэнэ орос эр ийм түрэмгий дайнд оролцдоггүй, хүүхэд хүчирхийлдэггүй, эмэгтэйчүүд, хөгшин хүмүүсийг алдаггүй. Тийм учраас надад гэмшсэн зүйл байхгүй. Би ажлаа хийж байна, тийм орос цэргүүдийг олныг алсан" хэмээн нэгэн Орос легион хэлжээ.

Б.Бүжлхамаа