Сар шинийн баярын үзэсгэлэн худалдаа зохион байгуулагдахтай холбоотойгоор нийтийн тээврийн чиглэлд өөрчлөлт орсон байна.
Тодруулбал, сар шинийн баярын нэгдсэн үзэсгэлэн худалдаа “Шинэ 100 айл” барилгын материалын төвд 2023 оны нэгдүгээр сарын 19-ний өдрөөс хоёрдугаар сарын 19-ний өдрийг дуустал зохион байгуулагдана. Үүнтэй холбогдуулан тээврийн үйлчилгээний Ч:51 “3-4 хороолол- Дүнжингарав худалдааны төв” чиглэлийг сунгаж, “3-4 хороолол- Дүнжингарав худалдааны төв- шинэ 100 айл худалдааны төв” болгосон байна.
Иймд тухайн чиглэлд үйлчлүүлэх бол доорх зураглалын дагуу зорчилтоо төлөвлөхийг зөвлөж байна.
Чиглэлийн үйлчилгээтэй холбоотой санал хүсэлтийг 70044040 дугаарын утсанд 24 цагийн турш хүлээн авч шуурхай шийдвэрлэж байгаа аж.
