Монголын Бүх ард түмний спортын XV их наадам Байт харвааны төрлөөр эхэллээ. Байт харваан шигшээ тэмцээнийг Долдугаар сарын 28-31-ны хооронд Үндэсний цэцэрлэгт хүрээлэнгийн "Дайчин Чанар-Тэсвэрийн талбар 360" талбайд амжилттай зохион байгууллаа. 

Шигшээ тэмцээнд Архангай, Булган, Дархан-Уул, Дорноговь, Дорнод, Дундговь /Алдар спорт хороо/, Завхан, Орхон /Эрдэнэд үйлдвэр ТӨҮГ-ийн Хангарьд клуб/, Өвөрхангай, Сүхбаатар, Сэлэнгэ, Төв, Увс, Ховд, Хэнтий аймаг болон Нийслэлийн Баянгол /Нийслэл өргөө клуб/, Баянзүрх /Алдар спорт хороо/, Сонгинохайрхан, Хан-Уул, Чингэлтэй дүүргийн 19 байгууллагын, 120 гаруй тамирчид оролцлоо. 

Шигшээ тэмцээн ганцаарчилсан харваа, багийн харваа, холимог багийн харваа төрлөөр маш өрсөлдөөнтэй болж өнгөрсөн бөгөөд Бүх ард түмний наадмын хамгийн залууд тооцогдох 16 настай тамирчин хувийн харвааны төрөлд аваргын алтан медалийг зүүлээ.

Дундговь /Алдар спорт хороо/ аймгаас оролцсон Спортын дэд мастер Б.Буянтүшиг энэ жил 16 нас хүрч байгаа ба тэрээр 8 настайгаасаа Алдар спорт хороонд харьяалагдаж, дасгалжуулагч багш Б.Ганзоригийн удирдлага дор бэлтгэлээ хийж буй юм.

Харин эмэгтэй хувийн харваанд Өвөрхангай /Эрдэнэд үйлдвэр ТӨҮГ-ийн Хангарьд клуб/ аймгийн тамирчин ОУХМ Ж.Дагийнжанчив аваргын алтан медалийг зүүлээ. Тэрээр 10 жил Байт харваан спортоор хичээллэж байгаа бөгөөд түүний анхны Бүх ард түмний наадмын алтан медаль ажээ. 

Байт харвааны шигшээ тэмцээн нь эрэгтэй, эмэгтэй ганцаарчилсан болон холимог баг, эрэгтэй, эмэгтэй багийн төрлүүдээр 5 багц медалийн төлөө өрсөлдсөн юм. 

Тэмцээний дүнг танилцуулж байна. 

Эмэгтэй баг

I байр - Орхон аймгийн баг /Г.Оюунгэрэл, Ө.Халиун, А.Энхтуяа/

II байр - Чингэлтэй дүүргийн баг /Б.Урантугалаг, Ш.Бямбасүрэн, Д.Сэлэнгээ/

III  байр - Төв аймгийн баг  /Б.Оюун-Эрдэнэ, Б.Өлзийдэлгэр, Б.Буд-Алтай/

Эрэгтэй баг

I байр - Баянзүрх-Алдар баг /Ө.Нэхийт, Б.Отгонболд, Б.Тэнгисболд/

II байр - Орхон-Хангарьд баг /Ж.Гантөгс, Д.Дашнамжил, Ц.Цэнгүүн/

III  байр - Өвөрхангай аймаг баг /Л.Баярсайхан, Э.Нармандах, У.Чулуунбаатар/

Холимог баг

I байр - Чингэлтэй дүүргийн баг /Б.Урантунгалаг, Д.Өсөхбаяр /

II байр - Орхон-Хангарьд баг  /А.Энхтуяа, Ц.Цэнгүүн/

III  байр - Дундговь-Алдар баг /Н.Ариунбилэг, М.Энхбаяр/

Эмэгтэй /ганцаарчилсан/

I байр - Өвөрхангай аймгийн тамирчин ОУХМ /Ж.Дагийжанчив /

II байр - Чингэлтэй дүүргийн тамирчин ОУХМ /Б.Урантунгалаг/

III  байр - Өвөрхангай аймгийн тамирчин СМ /М.Гэгээн/

Эрэгтэй /ганцаарчилсан/

I байр - Дундговь-Алдар багийн тамирчин СДМ /Б.Буянтүшиг/

II байр - Орхон-Хангарьд багийн тамирчин СМ /Ц.Цэнгүүн/

III  байр - Чингэлтэй дүүргийн тамирчин СМ /Д.Өсөхбаяр/ нар тус тус шагналт байранд шалгарлаа.

Байгууллагын дүн 

I байр - Орхон аймаг /Эрдэнэд үйлдвэр ТӨҮГ-ийн Хангарьд клуб/

II байр - Чингэлтэй дүүргийн баг

III  байр - Өвөрхангай аймаг /Эрдэнэд үйлдвэр ТӨҮГ-ийн Хангарьд клуб/-ийн тамирчид шалгарлаа.

Тэмцээний хаалтын үйл ажиллагаанд Монголын байт харвааны холбооны Ерөнхийлөгч С.Эрдэнэболд, Биеийн тамир, спортын улсын хорооны Төрийн захиргааны удирдлагын газрын дарга О.Баттулга, Зэвсэгт хүчний Жанжин штаб Алдар Спорт Хорооны дарга Г.Өсөхбаяр, Биеийн тамир, спортын улсын хорооны Спортын бодлогын хэрэгжилтийн хэлтсийн дарга Б.Нямсүрэн, Бодлого төлөвлөлтийн газрын мэргэжилтэн Д.Эрдэнэсүрэн, Хан-Уул дүүргийн Биеийн тамир, спортын хорооны дарга Д.Жаргалсайхан, Спортын сургалт, дасгалжуулалтын бодлогын хэрэгжилтийн асуудал хариуцсан мэргэжилтэн Д.Номинчулуун Монголын байт харвааны холбооны Ерөнхий нарийн бичгийн дарга А.Мөнхнаст, Удирдах зөвлөлийн гишүүд, баг тамирчид, дасгалжуулагч, шүүгчид оролцов.