ОХУ-ын өдөөсөн дайн ерөнхийлөгч Владимир Путины хувьд хачирхалтай дипломат шалгалт болж байна. Урт хугацаанд төвийг сахисан Финлянд, Швед хоёр НАТО-гийн эвсэлд нэгдэх талаар хэлэлцэж байна.

Пүрэв гаригт Финландын ерөнхий сайд, ерөнхийлөгч нар НАТО-д элсэхийг дэмжиж байгаагаа мэдэгдэв. Парламентын санал хураалт даваа гаригт болох бөгөөд НАТО-гийн Ерөнхий нарийн бичгийн дарга Финландад элсэх үйл явцыг "хурдан бас хөнгөн” болно гэж амлажээ.

Энэ алхам бол гайхалтай өөрчлөлт юм.

Цэргийн эвсэлд нэгдээгүй олон жилийн түүхтэй Финлянд улс тулалдаанд бэлэн гэдгээ үүгээр мэдэгдсэн байна. Финландын стратегийн түнш Швед улс 200 гаруй жилийн турш төвийг сахисаар ирсэн. Хоёр улс аль аль нь НАТО-д элсэх өргөдлөө өгөх гэж байна, магадгүй хэдхэн хоногийн дотор байх...

Скандинавын өөрчлөлт НАТО-гийн бусад холбоотнуудад ч гэсэн асуулт тавьж байна. Украин яагаад болохгүй гэж? гэсэн байр суурь дуу дуугаа өндөрсгөж эхэллээ.

Финлянд улс НАТО-д гишүүнээр элсэх нь тодорхой аюул заналхийлж байгаа бөгөөд Оросын аюулгүй байдлыг хангахын тулд "нөхцөл байдлыг тэнцвэржүүлэхэд" бэлэн байна гэж Кремль мэдэгдсэн байна.

Финлянд, Швед улсууд НАТО-д элсэхэд нэг жил ба түүнээс дээш хугацаа шаардагдах бөгөөд энэ хооронд Оросын өшөө авалтад өртөх магадлалтай юм. Их Британийн Ерөнхий сайд Борис Жонсон лхагва гаригт энэ орон зайг нөхөхийг эрэлхийлж, хэрэв улс орнууд халдлагад өртвөл тэднийг хамгаалахад бэлэн байна гэжээ.

Дайны нөхцөл байдал:

• Дайн Украины зүүн хэсгийг сүйрүүлж, дэлхийн эдийн засгийг сөхрөөж байна.  
• Киев хотын захын бүс нутгаас 1000 гаруй цогцос олдсон гэж НҮБ мэдэгджээ.
• Их Британийн Консерватив намд хамгийн том хандивлагчдын нэг нь 2018 онд хандив цуглуулах ажиллагааны үеэр Оросын данснаас 630,225 долларыг нам руу нууцаар шилжүүлсэн хэрэгт сэжиглэгдэж байна.

Б.Бүжлхамаа

www.nytimes.com