Асуулт хариулт.
Хэрэв ус тунгалаг юм бол яагаад норсон хувцас бүдэг харагддаг вэ?
Усны гадаргаас гэрлийн дотоод ойлтын улмаас
Бид даавууг түүний сааруулсан гэрлээр хардаг. Хэрэв даавуу нь усны хальсаар бүтээгдсэн бол гэрлийн нугаралтын коэффициент нь агаарынхаас өндөр бөгөөд тэр гэрлийн гуравны хоёр нь уснаасаа агаарт гардаггүй. Усны гадаргын хальсыг нэвтлэн дотор орох туяа нь 41° өнцгөөр бүрэн дотоод ойлт гэх зүйлийг гарган буцаад даавуу руу эргэнэ. Үүний улмаас л тэр нь бүдгэрсэн харагддаг.
Хүний нүд яагаад зэрэг хөдөлдөг вэ?
Илүү сайн харахын тулд
Нүдний зохицсон хөдөлгөөн нь биетийн хэмжээг тогтоож, түүнд хүрэх замыг тодорхойлж өгдөг. Хөгжлийн утгаараа тэр нь модны оройгоор хурдан хөдлөх амьтад тухайлбал, хүн төрөлтнүүдэд маш чухал байлаа. Харин бага хөдөлгөөнтэй хамелеон, далайн морь зэрэг амьтдын нүд нь нэг нэгнээсээ хамааралгүй хөдөлж байдаг байна.
Хүний нүдний хөдөлгөөний зэрэг хөдөлгөөнийг төрснөөс хойш тохиргоо нь хийгдсэн мэдрэлийн тусгай механизм хангадаг. Механизмын өөрчлөлт нь солир нүдний хэлбэрийг үүсгэдэг.
Саван хэрхэн өөх тосыг задладаг вэ?
Гэрэл зураг: Олеины хүчил
Тусгай бүрэлдэхүүнтэйгээс
Савангийн гол орц нь натрийн давсны тослог шүлт. Усанд уусахдаа тэр давс нь натрийн ион ба хүчлийн үлдэгдлийн ион болон задардаг. Сүүлчийнх нь “толгой” ба нүүрс ус төрөгчийн урт “сүүлтэй”. Тийм ионууд нь мицелла гэх бичил бөмбөлөгууд болох ба түүний гадаргууд нь “толгойноос” бүрэлдэж, дотор нь “сүүлнүүд” нь байх бөгөөд нэг үгээр тойрон буй тослогийн хэсгийг цуглуулсан тосны жижиг дусал болдог байна. Гадна гадрага нь уусмалд хөвөн дараа нь усанд угаагдах чанарыг мицеллад өгдөг.
М.ЦОГТ
