Телевиз, кино тэр дундаа телевизийн цуврал дээр ажиллана гэдэг тийм ч амаргүй. Зарим телевиз, кино компаниуд терапист эмч нарыг кино багтаа хөлсөлж ажиллуулдаг болоод байгаа гэж Алекс Маршалл хэллээ.
Терапист эмч зураг авалтын багт ямар шугамаар ажиллах нь тухайн төслөөс хамаараад өөр өөр байна. Зарим төслүүд зохиолчдыг хүнд сэдэвтэй материалтай ажиллан кино зохиолд нь туслах зорилгоор зураг авалт хийхээс өмнө терапист эмч нарыг авчирдаг. Бусад үед зураг авалт эхэлмэгц трепаст эмч нарыг жүжигчид болон багийнхан авах боломжтой байдаг. Амазоны боолчлолоос зугтсан хүмүүсийн тухай "Газар доорх төмөр зам" цуврал киног Жоржиа мужид зураг авалт хийж байх үед терапист эмч Ким Уайт зураг авалтын талбайд гарч байжээ.
Тэрээр "Зарим жүжигчид болон багийн гишүүд тухайн агуулгад санаа зовж байгаа тухайгаа хуучилдаг. Энэ чинь зөвхөн боолчлолын тухай болохоор сэдэв нь өөрөө нэлээн шантрамаар, хэцүү. Гэхдээ кино зураг авалтын талбай ч гэлээ ар гэрийнхээ асуудлыг тойрч шаналдаг, тэрийгээ надтай хуваалцах ч хүн байна. Ингэж багийн гишүүд сэтгэлээ уудалж хөнгөн сэтгэлтэй ажиллах нь баг тэр чигтээ хурдан хөдлөхөд тустай байдаг" гэж хэллээ.
Энэ бол кино үйлдвэрлэлийг эрүүл ажлын байраар хангах хүчин чармайлтын нэг хэсэг юм. Зургийн дарга Сью Куинн сонинд ярилцлагадаа "Зураг авалтын талбай дээр, ер кино бүтэх явцад бид хүн болгоныг тултал нь шахдаг, илүү хий илүү хий түргэн хий гэж хязгаарт нь тултал, зарим үед хязгаараас нь давтал түлхдэг. Төслүүд төсөвт хэвээр үлдэх эсэхийг баталгаажуулах нь нэн тэргүүний зорилт болдог. Багийнхан болон жүжигчдийг ихэвчлэн дээрэлхэж, ядарсан ч хамаагүй цагаар ажиллахыг шаарддаг" гэсэн юм.
Зохиолч, продюсер Жой Гароро Акпожотор Их Британид орогнол хүссэн туршлагынхаа талаар богино хэмжээний кино бичихдээ анх терапист эмчтэй хамтран ажиллаж байсан гэжээ. Дараа нь тэр эмчийг хэд хэдэн продакшны жүжигчид болон багийн гишүүдтэй ажиллуулж үзэхээр шийдсэн байна. Тэрээр "Энэ бол бид бүгд хэрхэн ажилладаг стандартын нэг хэсэг байх ёстой. Хэн ч юу туулж, юу зольж үүнийг хийж байгааг бид мэдэхгүй" гэсэн юм.
А.Долгор
www.nytimes.com
