Энэтхэгт коронавирусийн цар тахлын үеэр нас барсан хүний ​​тоо гурван сая давсан байх магадлалтай байгаа нь вирусын нас баралтын албан ёсны тооноос бараг 10 дахин их байна гэж шинэ судалгаа гаргажээ.

Вашингтоны эрдэм шинжилгээний хүрээлэн болох Дэлхийн хөгжлийн төв нь цар тахлын үед нас барсан хүний ​​тоо, шалтгааныг улсын мэдээлэл, олон улсын тооцоо, өрхийн судалгаанд үндэслэн тоолжээ.

Судалгааны үр дүнд 2020 оны Нэгдүгээр сараас 2021 оны Зургаадугаар сар хүртэл ердийн хүлээгдэж байснаас 3.4-4.4 сая хүн илүү нас барсан гэж тооцоолсон бөгөөд зөвхөн Ковид-19-ийн үхэл дөрвөн саяд хүрсэн байж болзошгүй гэж үзжээ.

Мэргэжилтнүүд нэгэн дуугаар засгийн газрын албан ёсны тоо мэдээг ул суурьгүй, бүдүүлэг, тоололгүй доогуур гэж үнэлэв.

Сүүлийн үеийн тоон мэдээгээр Энэтхэгийн нийт хүн амын 6.3 орчим хувь нь бүрэн вакцин хийлгэсэн байна. Нью-Йорк Таймс сонины мэдээлснээр тус улсад өдөрт дунджаар 40,000 орчим шинэ тохиолдол бүртгэгдэж, 500 орчим хүн нас барсаар байгааг мэдээлсээр байна.

Дэлхийн өөр бусад хэсэгт ковидтой холбоотой: 

• Зүүн Африкийн эргийн ойролцоо олон зуун далайчид вирусын халдвар авсан нь батлагдсан тул Өмнөд Солонгос тэнгисийн цэргийнхний бүх бүрэлдэхүүнээ нисэх онгоцоор татан авч байна.

• Индонез улс лалын шашны хамгийн чухал баяруудын нэг болох Eid al-Adha-ийг “чимээгүй” тэмдэглэж байгаа тул коронавирусийн хязгаарлалтыг дор хаяж даваа гариг хүртэл сунгаж байна.

• Шинэ судалгаагаар Жонсон ба Жонсоны вакцины зөвхөн нэг тун нь Дельта хувилбарын эсрэг үйлчлэхгүй байж болохыг харуулж байна.

• Delta хувилбар нь АНУ-ын нийт тохиолдлын 83 орчим хувийг эзэлж байна гэж Нэгдсэн улсын Халдварт Өвчин Хяналтын хорооны захирал хэлэв.

Б.Бүжлхамаа

www.nytimes.com