x

У.Хүрэлсүхээс аврагдаж байж амьд үлдэх МАН, түүний төлбөр

Манай нэрт нийтлэлч Б.Цэнддоо ах саяхан “Нам, нэр дэвшигч хоёр эхлээд өөрийнхөндөө ялагддаг” гэж бичсэн байсан. Энэ дүрмээр АН гишүүддээ, нэр дэвшигч нь намыхандаа аль хэдийнэ ялагдсан харагдана” хэмээн бичсэн байна лээ. Ялсан, ялагдсан эсэхийг сонгуулийн дүн харуулах биз. Харин МАН-ын дарга У.Хүрэлсүх /С.Эрдэнээс ялгаатай нь тэр одоо ч МАН-ын дарга хэвээр/ намынхаа гишүүдийн саналыг худалдаж авахаар болжээ. Нэг санал 200 мянган төгрөг.

Албан ёсны бүртгэлээр 240 мянган гишүүнтэй гэдэг тус нам энэ сонгуулийн хугацаанд гишүүдийнхээ тоог 300 мянган гишүүнтэй болох зорилт тавиад байгаа. Сонгууль болгоноор намын батлах тараадаг тогтсон уламжлал байдаг даа. Ингэвэл нийт төлбөрийн дүн 60 тэрбум төгрөг болно. Жархан тэрбум...

Тэгэхээр намын дарга нь намынхаа гишүүдийн саналыг мөнгөөр худалдаж авч байгааг гишүүддээ ялагдсан гэх үү, ялсанд тооцох уу? Урьд өмнө ийм тохиолдол гарч байгаагүй учраас яаж үнэлэхийг хэлж мэдэхгүй юм. Сонгогчийн саналыг худалдаж авлаа гэж сонссоноос гишүүдээс санал худалдаж авах тухай сонсож байсангүй. Энэ хэмжээгээр нам нь ч, нэр дэвшигч нь ч гишүүдийнхээ итгэлийг алдсан гэсэн үг.

-Тэгвэл цаана үлдсэн сая сонгогчийн саналыг яаж авах гэж байна?

-Ялгаагүй, худалдаж л авна шт...

Энэ бол МАН-ын аппаратад хариуцлагатай алба хашдаг хүмүүс хоорондын яриа шүү. Сая сонгогчийн 200.000-ыг нэмбэл 260 тэрбум болж байна. /Өмнөх удаагийн Ерөнхийлөгчийн сонгуулиар эхний санал хураалтад 1,3 хүн санал өгсөн/ Таван жилийн өмнөх М.Энхболдын 60 тэрбумын сүлжээ дэргэд нь хүүхэд, нохойн наадам. Эндээс У.Хүрэлсүхийн хадгаламжинд байгаа тэрбум 700 саяыг хасвал  цаана нь 258 тэрбум 300 сая төгрөг үлдэнэ. Энэ мөнгийг хаанаас гаргаж болох вэ? Энэ зэргийн бодлогыг эрхэм уншигчид өөрсдөө бодчих чадвартай л даа. 

Үүн дээр хэвлэл мэдээлэл, соошл троллууддаа төлж байгаа мөнгө болон албан ёсны сурталчилгааны зардлыг тооцох гэвэл тооны машин гацах биз. МАН-ын даргын хувьд энэ сонгуульд ямар ч хамаагүй үнээр ялах зорилт тавьсан байгааг үүнээс харж болно. Ялагдвал яах вэ? гэдгээ тооцсон хүн л ийм тэнэг, бүдүүн зориг гаргадаг биз дээ. Тэгэхээр Х.Баттулга ганцаараа сонгуулийн үр дүнгээс айгаад байгаа нь юу л бол?!

Үнэндээ бол МАН-ын маш олон гишүүн У.Хүрэлсүх аль болох хурдхан зайлаасай гэж залбирч байгаа. Тэгэх шалтгааны үрийг ч мань өөрөө тарьсан. 2007 онд түүний байгуулсан Зүүний хүчний холбоо гэгч нам дамнасан байгууллага өнөөдөр У.Хүрэлсүхийн хувьд МАН-аас ч илүү нөлөөтэй, хүчтэй болсон. Нам дотор нам байгуулсан гэсэн үг. Яг Х.Баттулга шиг. Тэр тусмаа түүнийг Ерөнхий сайдад томилогдсоноос хойших албан тушаалын бүх томилгоонд Зүүний хүчний холбоо буюу найз нөхөд, ойр дотнын холбоо сүлбээтэй хүмүүс л өртсөн байдаг. Үүнд нь ил, далд гомдол тээж яваа намын гишүүд, намын дунд шатныхан болон дунд, ахмад үеийнхэн олон. 

Ашигт малтмал, газрын тосны газрын дарга Х.Хэрлэн /Хэнтийнх/, Зээлийн батлан даалтын сангийн захирал Ш.Алтанчимэг, Үндэсний хөгжлийн газрын дарга Х.Батжаргал, дэд дарга Б.Булганчмэг, Б.Дөлгөөн, Байгаль орчны дэд сайд Ц.Батбаяр, Сонгууулийн Ерөнхий хорооны дарга П.Дэлгэрнаран... гэх мэтчилэн жагсаавал дуусахгүй. Бүгд У.Хүрэлсүхийн "суганы үс", Зүүний хүчний холбооны хүмүүс. Хамаг залуу насаараа зүтгэсэн нам нь арай гэж, бүр хоёр дараалж сонгуульд ялсан чинь хэн ч танихгүй нэг Баагий орж ирээд "Хүрэлсүхийн хүн байна" гээд ажил, албан тушаалыг нь булаагаад эхлэхээр гомдохгүй ямар хүн байх юм бэ. 

Уг нь бол улс төрийн нам болгонд боловсон хүчний бодлого, хүний нөөц гэж зүйл байдаг. Нам ялж засгийн эрх авч гэмээн энэ хүмүүс ийм ийм албан тушаалд очих юм шүү гэсэн хүний нөөцийн бодлого. МАН бол бусад намуудтай харьцуулахад энэ тал дээр хамгийн хатуу чанга сахилгатай явж ирсэн нам. Харин У.Хүрэлсүх МАН-ын дарга болсноос хойш боловсон хүчний бодлого гээч зүйл нэгмөсөн алдагдаж, Удирдах зөвлөл хүртэл үүрэг рольгүй болсон. Энэ байдлыг ирэх сонгуулийн дүн өөрчилнө гэж олон хүн найдаж байгаа. Учир нь У.Хүрэлсүх Ерөнхийлөгчөөр сонгогдвол ирэх зургаан жилийн хугацаанд намаасаа түдгэлзэнэ. Дахиад зургаан жил өнгөрөхөд МАН дотор У.Хүрэлсүхийн орон зай нэгэнт байхгүй болсон байна. Сүгсэлзүүрээс салах МАН-ынхны цор ганц боломж энэ.

Нөгөө талаас 2007 онд түүний байгуулсан Зүүний хүчний холбоо гэдэг байгууллага өнөөдөр аймаг бүрт хөлтэй, өөрийн гэсэн бүтэцтэй, гишүүдтэй болсон. Өнгөрөгч 2019 онд “Монгол цэргийн нэгдсэн холбоо” гэгчийг аймаг болгонд айгуулж Засаг дарга нараар удирдуулсан. У.Хүрэлсүх МАН-аас явлаа ч Зүүний хүчний холбоо, Монгол цэргийн нэгдсэн холбоо гэж МАН-аас дутахгүй хөлтэй албан бус намууд У.Хүрэлсүхийг тосч авна. Одоо харсан ч Ерөнхийлөгчид нэр дэвшигчийн сурталчилгааг МАН биш, Зүүний хүчний холбоо, Монгол цэргийн нэгдсэн холбоо өөрсдийн сүлжээгээр хийж байна. Харин өртгийг нь МАН төлж байгаа. 

Б.ЗАЯА

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iШинэ мэдээ
Доминик де Вильпен Францын ерөнхийлөгчийн сонгуульд өрсөлдөнө 14 цаг 58 мин Дэлгэрмөрөн, Бэлтэс, Шишхэд, Үүрийн голуудын мөсний зузаан 5-15 см нэмэгджээ 15 цаг 11 мин Медведев, Зверев нар хагас шигшээд өрсөлдөнө 15 цаг 18 мин GTA VI тоглоомноос ганцхан өдрийн дотор 3.8 тэрбумын орлого олжээ 15 цаг 24 мин Монгол, АНУ-ын хооронд 2028 онд шууд нислэг үйлдэх зорилттой ажиллаж байна 16 цаг 10 мин Нийслэлийн 2027 оны төсвийн төслийг өргөн барилаа 16 цаг 16 мин “Хурандаа нарыг генерал болгосон” хурандаа У.Хүрэлсүхийг хэн шалгах вэ? 16 цаг 31 мин Д.Эрдэнэбаатар: Монголчууд хаанаас ч нүүж ирээгүй, хаашаа ч нүүгээгүй 16 цаг 46 мин Улаанбаатарт цас орно, өдөртөө 8-10 хэм хүйтэн 17 цаг 59 мин С.Бямбацогтыг хэн гэж дуудах вэ, бас намаасаа татгалзчихаар яах вэ 2026-11-20 Орон нутгийн замд үүссэн цас, мөсийг цэвэрлэж, аюулгүй байдлыг хангахаар 24 цагаар ажиллаж байна 2026-11-20 Хүрэлсүх Ерөнхийлөгчийн “хүрэл” мэт эр зориг 2026-11-20 У.Хүрэлсүх: Монгол Улсын нэр хүнд, байр суурийг бататган бэхжүүлэхэд онцгой анхаарч ажиллалаа 2026-11-20 Т.Ариунзаяа өсвөр, залуучуудын ДАШТ-д түрүүлсэн анхны монгол жүдоч боллоо 2026-11-20 Эрчим хүчний оргил ачааллыг бууруулах 100 МВт-ын батарей хуримтлуурын төслийг хэрэгжүүлнэ 2026-11-20 Баавгайн цацлага, амьдаар барих төхөөрөмжийг хамгаалалтын захиргаадад олгож эхэллээ 2026-11-20 ЧУУЛГАН: СЗХ-ны даргыг үүрэгт ажлаас чөлөөлөх асуудлыг хэлэлцэнэ 2026-11-20 Б.Заяабал: Мөнгөний бодлого эдийн засагт, ялангуяа инфляцийг бууруулахтай холбоотой гол нөлөөлөл үзүүлдэг 2026-11-20 С.Бямбацогт: Парламентад суудалтай намуудын дарга нараас ойлголцол, зөвшилцлийн Зөвлөл байгуулж ажиллана 2026-11-19 Ерөнхийлөгч У.Хүрэлсүхийг өөрийнх нь хүсэлтээр үүрэгт ажлаас нь чөлөөллөө 2026-11-19
iИх уншсан
Аймгийн заан Ц.Гонгорын нэрэмжит УАШТ-д Р.Омар түрүүллээ Монголын мөсөн сийлбэрчид Мадридын тэмцээнд түрүүллээ Юун Ялта, юун дэлхийг хуваах! З.Мэндсайхан: Тэтгэвэр, цалингийн нэмэгдлээр дамжуулан ажлын... Нөмрөгийн түймрийн хохирлын үнэлгээг хуулийн байгууллагад ши... Хууль зөрчиж хэрэг буцаасаар байгаа Дээд шүүхийг “байцаах” х... Шөнийн автобус 22:00-02:00 цагийн хооронд үйлчилж байна Дээд шүүхийн “дээвэр” нурчихсан уу? 1926-1930 онд Герман улсад суралцсан монгол залуучуудын боло... У.Хүрэлсүх: Гүтгэлэг худал болохыг нотлохын тулд ажлаа өгч б... Д.Трамп Хятадад Ким Жөн Унтай уулзаж магадгүй гэв Хятадын арбитр: Манай төрийн өмчит банкуудаас татсан зээлүүд... Энэ онд 51 байршилд 63.47 км авто замыг шинэчлээд байна Оюутны гольфийн ДАШТ-д М. Буян-Эрдэнэ амжилттай оролцлоо “Герман, Франц улсад суралцсан анхны эмэгтэйчүүд” үзэсгэлэнг... У.Хүрэлсүх эргэн ирэлт хийх үү? Гавьяат тамирчин Э.Цэндбаатар 16 дараалан яллаа Ерөнхий сайд аа, АТГ, УЕПГ Таны “Ажлын алба” биш! Энэ 7 хоногт Монгол Улсад Ч.Өнөржаргал: Цагдаагийн байгууллага хүний нэр хүндэд халдаж...
Top