Израиль, Палестины хооронд эмх замбараагүй байдал үргэлжилж байгаа тул АНУ-ын төлөөлөгч Тель-Авивт нөхцөл байдлыг бууруулах асуудлаар яриа хэлэлцээр хийхээр иржээ.

АНУ-ын дипломат ажилтан Хади Амр НҮБ-ын албаны хүмүүстэй хийх яриа хэлэлцээнд Израиль, Палестинийг нэг ширээнд суулгаж чадвал "тогтвортой тайван байдал" хэрэгтэй гэж хэлснийг бодит болгох боломж илүү нээгдэнэ.

Өнгөрсөн бямба гаригт Израиль Газын зурвас дахь объектууд руу халдсан нь 10 хүний ​​аминд хүрсэн бол тэнд байсан Палестины дайчид Израиль руу эргүүлэн пуужин харважээ.

Өнгөрсөн долоо хоногт Газа, Израильд гарсан хүчирхийлэл бол 2014 оноос хойш гарсан хамгийн харгис явдал болооод байна.

Үйл явдлыг дахиад нэг сануулбал, Зүүн Иерусалим дахь Израиль-Палестины хурцадмал байдал хэдэн долоо хоногоор үргэлжилсний дараа мусульман болон иудейчүүдийн хүндэтгэдэг ариун газарт мөргөлдөөн болсон.  ХАМАС - Газын захирагч зэвсэгт исламист бүлэглэл - Израилийг уг газраас гарахыг сануулсны дараа пуужин харваж эхэлсэн бөгөөд хариу цохилт өгөх агаарын довтолгоог эхлүүлжээ.

Мөргөлдөөн эхэлснээс хойш Газад дор хаяж 133 хүн, Израильд найман хүн нас баржээ.

Баасан гаригт мөргөлдөөн Баруун эрэг хүртэл тархаж, дор хаяж 11 палестин хүн алагдаж, олон зуун хүн шархаджээ. Палестинчууд бензин бөмбөг шидсэн тул Израилийн цэргүүд нулимс асгаруулагч хий, резинэн сум, амьд галыг ашиглажээ.

Бямба гариг бол Палестинчууд аль-Накба буюу сүйрэл гэж нэрлэдэг зүйлээ дурсдаг өдөр юм. Энэ нь 1948 онд Израилийн тусгаар тогтнолын жилийн ой болоход хэдэн зуун мянган палестинчууд гэр орноо орхин дүрвэж, эсвэл нүүлгэн шилжүүлсэн өдөр юм.

АНУ-ын элч юунд хүрэхийг эрмэлзэж байна вэ?

Дипломат ажилтан Хади Амр ням гаригт болох НҮБ-ын Аюулгүй байдлын зөвлөлийн хуралдааны өмнөхөн очсон байна. Израильд суугаа АНУ-ын Элчин сайдын яам түүний аяллын зорилго нь "тогтвортой тайван байдалд ажиллах хэрэгцээ шаардлагыг бататгах" гэж мэдэгдэв.

Гэвч Израиль, Палестины удирдагчдад хандан уриалга гаргасан нь одоог хүртэл гал зогсоох хэлэлцээрийг хийж чадахгүй байна.

Израилийн Газа дахь Хамас бүлэглэлд хийсэн агаарын цохилт нь Ойрхи Дорнодыг АНУ-ын Ерөнхийлөгч Жо Байдены мөрийн хөтөлбөрт оруулахад хүргэсэн юм. Түүний засаг захиргаа бүрэн бүрэлдэхүүнгүйгээр дипломат фронтод тоглолтоо хурдацтай нэмэгдүүлэх шаардлагатай болсон. Израильд элчин сайдад нэр дэвшүүлэх хүн одоогоор алга байна.

Дипломат ажилтан Хади Амр бол АНУ-ын өмнөх засаг захиргааны тусгай элч нарын авч байсан зэрэглэлгүй, дунд түвшний дипломатч гэж ВВС-ийн сурвалжлагч Барбара Плетт Ушер хэлэв.

Өнгөрсөн пүрэв гаригт Израилийн цэргийнхэн 7000 армийн нөөцийг татан авч, Газтай хиллэдэг хилийнхээ ойролцоо цэрэг, танк байрлуулсан байна. Газад хуурай замын довтолгоо хийх нэг хувилбарыг хэлэлцэж байгаа боловч шийдвэр хараахан гараагүй байгаа гэж мэдэгджээ.

Өнгөрсөн даваа гарагаас хойш мөргөлдөөний улмаас Газад байгаа 10,000 орчим палестин хүн гэр орноо орхин гарсан гэж НҮБ мэдээлэв.

Б.Бүжлхамаа

www.bbc.com