Ерөнхийлөгч Х.Баттулга эдийн засаг, улс төрийн хямралд орсон монголчуудын чихэнд цэцэг ургуулж, “60 тэрбум”, “Монгол ялна” уриагаар тоглолт хийж Ерөнхийлөгчөөр сонгогдсон нь дөрвөн жилийн өмнөх түүх. Тэрээр Ерөнхийлөгч болсон цагаасаа УИХ-ын хуулиудад хориг тавьж, 21 аймгаар тойрохоос өөр гавьтай ажил хийсэнгүй.

Түүний хувьд Үндсэн хуулийн өөрчлөлтөөр нэр дэвших эсэх нь эргэлзээтэй байгаа ч сонгуулийн кампанит ажлаа хэдийн эхлүүлж, УИХ-ын гишүүн Сү.Батболдыг гол байгаа болгожээ. Яг л 2017 оны сонгууль шиг. Тухайн үед М.Энхболдыг 60 тэрбумын хэрэгтэн, хятад үндэстэн гэсэн хар технологиор ялалт байгуулсан. Харин 2021 оны Ерөнхийлөгчийн сонгуулийн гол пиар оффшор луу чиглэжээ. Сү.Батболд болон нэр бүхий хүмүүсийг Нью-Йоркийн шүүхэд өгч тоо томшгүй хөрөнгөтэй гэх мэдээллийг судлаач Ганаа гэх мэт тойрон хүрээлэгчдээрээ сэвүүлэх болов. Ерөнхийлөгчийн эрх мэдлийн хүрээнд томилогддог прокурор Ц.Насанбат гэгч БЗД-ийн шүүхэд “Маш нууц” гэсэн далбаан дор нэхэмжлэл гаргаж, энэ нэхэмжлэлдээ үндэслэн гадаадын шүүхэд хандахаар үнэ өртөг өндөртэй хуулийн фирм хөлсөлсөн байгаа юм.

Төрийн бодлого зохицуулалтын газар, “Эрдэнэт” үйлдвэр, Эрдэнэс Оюутолгой, Засгийн газар Сү.батболдтой холбоотойгоор ямар нэгэн гомдол хэрэг зарга үүсгээгүй гэдгээ албан бичгээр гаргаж өгсөөр байтал Ц.Насанбат прокурор төрийн байгууллага, Засгийн газрын нэрийг барьж “хуурамч” нэхэмжлэл гаргасан гэх. Хуулийн фирмд мэдээлэл боож өгсөн эзэн нь  “MDS” хуулийн компанийн үүсгэн байгуулагч хуульч Ж.Майзориг. Тэрээр  2013 онд Монголын төмөр зам ТӨХК-д төмөр замын зөвлөх үйлчилгээ нэрээр 6 сая ам.долларын хэрэгт холбогдож Женкогийн төмөр замын хэргээр хамт шалгагдаж байсан хүний нэг.

Ингэж Ерөнхийлөгчийн даалгавартай Нийслэлийн Прокурорын орлогч Ц.Насанбат нэхэмжлэл гаргаж, тухайн нэхэмжлэлийг нь үндэс болгож Ж.Майзориг “King and Spalding” хуулийн фирмид материал бөөгнүүлж өгч, энэ гүтгэлгээ тролчдоороо сэвүүлж байна.

Сонгуулийн өмнөх улс төр улайсч гадны шүүх гэсэн нэрэн дор өрсөлдөгчөө харлуулах "оффшор" гүтгэлэг улам төгөлдөржсөөр байна.

Б.Анхмаа