• Төрөхөөсөө өмнө танай гэр бүлийн ариун цэврийн цаас хангалттай эсэхийг шалгаарай.

• Хоол хийх чадваргүй нөхөртөө зориулж бэлэн хоол бэлтгээрэй. 

• Усанд орохгүй явж байхдаа ч "царай зүс гундуу харагдахгүйн тулд" үсээ боогоорой.  

• Хүүхэд төрсний дараа "жижиг хэмжээтэй" даашинзыг сонгож байгаарай, биеийн жингээ хасах хэрэгтэй учраас танд дахиад нэг хазахгүй байх сэдэл хэрэгтэй болно.

Сөүлийн эрх баригчдын жирэмсэн эмэгтэйчүүдэд санал болгож буй эдгээр зөвлөгөө нь Өмнөд Солонгосын засгийн газар эмэгтэйчүүдийг илүү олон хүүхэд төрүүлж, дэлхийн хамгийн бага төрөлттэй орон гэгдэх гуншинг өөрчлөхөөр цөхрөнгөө барж буй энэ үед олон нийтийн дургүйцлийг хүргэлээ. 

Жирэмсэн эхчүүдэд зориулсан удирдамжийг анх 2019 онд засгийн газрын вэбсайт дээр нийтэлсэн боловч олон нийтийн анхаарлыг сүүлийн өдрүүдэд татаж эхэлжээ. Олон нийтийн сүлжээнд шуугиан тарьж, иргэдийн зүгээс "эцгийн эрхт ёсны гүн гүнзгий нийгмийн сегментүүдэд үлдэх хоцрогдсон үзэл бодлыг тусгасан" гэжээ. Мөн үүнийг арилгах тухай өргөдөл хүртэл гаргажээ. 

Улс төрч, хүний эрхийн идэвхтэн Ион Хи Ин удирдамжийн дагуу эмэгтэй хүний ​​хүүхэд асрах, хүмүүжүүлэх үүрэг нь нөхрөө бас халамжлах болж хоёр дахин нэмэгдсэн байна. Иймэрхүү муудсан хоолоо ч хаячих чадваргүй эрчүүдтэй гэрлэсэн хүмүүсийн хувьд илүү сайн тактик бол салах юм шүү гэж твиттер хуудсандаа жиргэжээ. 

Харин мэргэжилтнүүд засгийн газрын зөвлөгөөг алдсан боломж гэж нэрлэжээ.  "Үүнийг хэзээ ч төрөөгүй хүн бичдэг гэж би боддог" гэж Солонгосын эх барих эмэгтэйчүүдийн эмч нарын нийгэмлэгийн дарга, доктор Ким Жэ Ён хэллээ.  Тэрээр төрөөс хөхөөр хооллох зэрэг асуудлаар практик зөвлөгөө өгөх ёстой байсан, одоо нэмж өөрчлөх боломж гэж нэмж хэллээ. 

Өнгөрсөн долоо хоногт онлайнаар эхэлсэн өргөдөл, 21000 гаруй хүн гарын үсэг зурсан бөгөөд албан тушаалтнуудаас олон нийтээс уучлалт гуйх, түүнчлэн удирдамжийг гаргасан хүмүүст сахилгын шийтгэл ногдуулахыг уриалсан байгаа.

Сөүл хотын нийгмийн эрүүл мэндийн хэлтэс Нью Йорк Таймс сонинд бичсэн имэйлдээ "Тухайн үед батлагдсан агуулгыг нягт нямбай хянаагүй, мөн хяналт тавихгүй байх үүрэгтэй" гэдгээ мэдэгджээ.  Мөн онлайн контентоо хянан үзэж, хотын бүх ажилчдад зориулсан жендэрийн мэдрэмжийг дээшлүүлэх сургалтыг сайжруулах болно гэжээ.

Удирдамжийн хамгийн доромжилсон хэсгүүдийг хассан боловч зарим зөвлөмжүүд онлайн хэвээр байгаа бөгөөд эх текстийн скриншотууд олон нийтийн сүлжээгээр тарсаар байна. 

Иргэдийн зүгээс өөрийн үзэл бодол, бухимдлаа хуваадцсаар байна. "Төрөлт бага байгаа шалтгааныг бид яагаад холоос хайж байгаа юм бэ?  Яг энд байна" гэж нэг хүн твиттертээ бичжээ.  Мөн өөр нэгэн эмэгтэй "Энэ удирдамжийг хэн гаргасан бэ?  Засч залруулах зүйл зөндөө байна" гэлээ.

Харин зарим хууль тогтоогчид энэхүү мессежийг Өмнөд Солонгосын нэр хүндэд халтай гэж шүүмжилжээ.

Өнгөрсөн долоо хоногт удирдамжийг нь хасахаас өмнө "Жирэмсэн эмэгтэйчүүд гэр бүлдээ хэрхэн үйлчлэх ёстой гэсэн анахронист зөвлөгөөг одоо хүртэл тарааж байгаа нь тун эвгүй байна" гэж эрх баригч Ардчилсан намын гишүүн Ву Санг Хофэйсбүүк хуудсандаа бичсэн байжээ.

Бусад нь харин онлайн шүүмжлэл хэрээс хэтэрлээ гэж мэдэгдсээр байна. 

Гэр бүлээ эхлүүлэхээр карьераа орхисон, Сөүлд ажиллаж байсан өмгөөлөгч асан, 42 настай Кюн Жин Ким "Эмэгтэйчүүдэд хоолоо бэлдэж, гэрээ цэвэрхэн байлгахыг санал болгох нь тийм ч инээдтэй зүйл биш гэж би бодож байна" гэжээ.  Гэхдээ тэр удирдамж нь "хэрвээ өнгө нь дунд насны солонгос залуу эсвэл хөгшин солонгос хадам ээж шиг биш байвал илүү ашигтай байж болох байсан" гэсэн байна.

Түүнчлэн эмэгтэйчүүдэд гэр бүлийнхээ гишүүдийг "тухгүй байдалд оруулахгүй" байхын тулд гэр ахуйн хэрэгцээт зүйлээ шалгаж үзэхийг бусад эмэгтэйчүүд далимдуулаад зөвлөв.  Түүнчлэн хөргөгчөө цэвэрлэж, хоолоо хийж, бусад хүүхдүүддээ анхаарал тавих хүн хайж олохыг зөвлөжээ. Энэ нь нөхрийн өмнө хүлээх хариуцлагын талаар дурдаагүй болно.

Удирдамжинд "Гэрлэхээсээ өмнө өмссөн хувцасаа эсвэл төрсний дараа өмсөх хүсэлтэй жижиг хэмжээтэй хувцасаа амархан харагдахуйц газар байрлуулж өлгө" гэж сайтын эх бичвэрт бичигджээ.  Түүнчлэн "Та хэрэгцээтэй хэмжээнээсээ илүү их зүйл идэхийг хүсч байгаа юм шиг санагдах эсвэл дасгал хийхээ бүр больчихсон үед хувцасаа хараад урам зоригтой болдог" гэж нэмж бичсэн байжээ.

Өмнөд Солонгос нь эдийн засаг, соёлын хүчирхэг улс болсон хэдий ч олон эмэгтэйчүүд буруу ойлголтыг практик талаас нь мэдэрсээр байгаа.

Эдийн засгийн хамтын ажиллагаа, хөгжлийн байгууллагын 2017 оны тайланд дурдсанаар Өмнөд Солонгос дахь хүйсийн цалингийн ялгаа нь гишүүн 37 орны дунд хамгийн өндөр үзүүлэлт болжээ.  Хөдөлмөр эрхэлж буй эмэгтэйчүүд эрэгтэйчүүдээс бараг 40 хувиар бага цалин авдаг бөгөөд ихэнх нь гэр бүл, ажлын байрандаа дарамт шахалт үзүүлж, хүүхэдтэй болсон үедээ ажил хийхээ больжээ.

Бүс нутгийн бусад улс орнууд, түүний дотор Япон нь хүн амын хөгшрөлт, төрөлтийн түвшин багатай нь жендэрийн ялгаа, ялангуяа жирэмслэлттэй холбоотой байдаг.  Япон улсад төрсний дараа ажлын байраа дээрэмдүүлсэн гэх эмэгтэйн нэхэмжлэлийг тус улсын Дээд шүүх 2014 онд хэлэлцэх үед Японд "матахара" гэдэг нэр томъёо (жирэмсний болон жирэмсний дарамтыг богиносгодог үг) ашиглагдаж эхэлжээ. 

Эдгээр хүн амын тоо буурч байгаа нь улс орнуудын эдийн засагт аюул занал учруулж байгаа тул засгийн газрууд эмэгтэйчүүдийг хүүхэдтэй болох урамшуулалд анхааралтай хандах нь илүү чухал болж байна.

Өнгөрсөн жил Өмнөд Солонгосын хүн ам түүхэнд анх удаа буурсан үзүүлэлт гарчээ.  Төрөлт 10.5 гаруй хувиар буурч, нас баралт 3 хувиар өсчээ.  Дотоод аюулгүй байдал, аюулгүй байдлын яам түгшүүртэй үр дагаврыг хүлээн зөвшөөрч “Төрөлт эрс буурч байгаа энэ үед засгийн газар холбогдох бодлогодоо үндсэн өөрчлөлт хийх шаардлагатай байна” гэж мэдэгдэв.

Хэдийгээр Сөүлийн захиргаа зөвлөгөөндөө дургүйцсэн байж болох ч хариу арга хэмжээ авах хандлага өөрчлөгдөж байгааг зарим нь үйлдэл дээр нотлогдож байна.

Пусанд арван жилийн турш амьдарч байсан, төрсөн Итали иргэн Адель Витале "Энэ бол зүгээр л хоцрогдсон зөвлөгөө юм" гэжээ. Тэрээр голчлон солонгос эрчүүдтэй гэр бүл болсон гадаад эмэгтэйчүүдтэй ажилладаг бөгөөд Солонгосын нийгэм уламжлал ёсоор жирэмсэн эмэгтэйчүүдийг "чадваргүй" гэж үздэг байсан ч нөхрүүд нь төрөлт ба хүүхдийг хүмүүжүүлэх тал дээр илүү тэгш эрхт үзэл баримтлалтай болох нь ихэссэн гэж хэлжээ.

Тэрээр "Гэр бүлийн динамик хувьсан өөрчлөгдөж ирсэн. Эмэгтэйчүүд ийм байдлаар хандах хүсэлгүй болсон" гэлээ.

Б.Бүжлхамаа