УИХ-ын гишүүн Сү.Батболдыг шалгаж, тагнаж байгаа гэх гүтгэлэг буюу "хар пиар"-ын учиг тайлагдаж эхэллээ. Түүний тухай гадаадын хэвлэлүүдэд гарсан, манайхны эх сурвалж болгосон нийтлэлүүдийн хариуд Ерөнхий сайд асан Сү.Батболд “Надтай холбоотой ямар нэгэн хууль бус асуудал байхгүй. Зориудын захиалгатайгаар үнэнээс зөрсөн ташаа мэдээллүүд тарааж байна” хэмээн өгчээ.

Ерөнхий сайд асан Сү.Батболд хэвлэлд өгсөн саяхны ярилцлагадаа  “Хэрвээ нам маань итгэл хүлээлгэвэл би хариуцлага үүрэхэд бэлэн” гэсэн ирэх зургадугаар сард болох Ерөнхийлөгчийн сонгуульд нэр дэвшихэд бэлэн гэдгээ шууд бусаар илэрхийлсэн байна. Үүнтэй холбоотойгоор өрсөлдөгчдөөс нь урьдчилсан дайралт хийж эхэлсэн байна.

Улстөрчийн хувьд рейтинг өндөртэй, УИХ-ын гишүүн, Ерөнхий сайд гэх мэт төрийн өндөр албан тушаал хашиж байснаас гадна тус намаас Ерөнхийлөгчийн сонгуульд нэр дэвших хамгийн их магадлалтай кандитатын хувьд Сү.Батболдыг өрсөлдөгчөө гэж үзэн зайлуулах гэсэн хар пиарын дайралт эхэлжээ. Оффшортой, Оюутолгойтой холбоотой, гадаадад өндөр үнэтэй хаустай гэх мэт Сү.Батболдыг тойрсон гүтгэлгүүд нь Ерөнхийлөгчийн сонгуулийг угтсан өрсөлдөгчөө зайлуулах хар технологийн нэг хэсэг болох нь тодорхой болов.

Б.Саруул