Казахстан улсад ОХУ-д гарган авсан "Спутник V" коронавирусийн эсрэг вакциныг үйлдвэрлэх эрхийг өгчээ.
Казахстаны Ерөнхий сайд Аскара Мамина өнөөдөр Ерөнхийлөгч Касым-Жомарт Токаевт бараалхаж, коронавирусийн эсрэг вакцин боловсруулах ажлын явцын талаар мэдээлсэн байна.
Энэ үеэр Касым-Жомарт Токаев ОХУ-ын Ерөнхийлөгч Владимир Путинтэй хийсэн тохиролцооны дагуу ОХУ-ын "Спутник V" вакциныг Казахстанд үйлдвэрлэж эхэлнэ гэдгийг мэдэгджээ.
Вакцины үйлдвэрлэл энэ сараас буюу 12-р дугаар сарын 22-ноос эхлэх аж.
Түүнчлэн хүн амыг сайн дурын үндсэн дээр вакцинжуулах ажлыг ирэх оны эхэн үеэс эхлүүлэхээр төлөвлөж байгааг мэдээлэв.
Казахстаны Ерөнхийлөгчийн хэвлэлийн албаас "Эхний ээлжинд эмч, багш нар, хууль сахиулах байгууллагуудын ажилтнууд зэрэг халдвар авах эрсдэл ихтэй бүлгийг вакцинд хамруулна" гэж мэдээлсэн байна.
