Засгийн газраас гаргасан шийдвэрийг танилцуулж байна.
Энэ үеэр Улсын Онцгой комиссын гишүүд сэтгүүлчдийн асуултад хариулж байна.
НЗД-ын нэгдүгээр орлогч Ж.Сандагсүрэн нийслэлийн хэмжээнд 17-оос доош градустай согтууруулах ундаа худалдах талаарх асуултанд хариулав.
Тэрээр "Нийслэлийн хувьд согтууруулах ундаа хэзээ ч нэгдүгээр асуудал байгаагүй. харин хамгийн түрүүнд кофегоор үйлчлэх үйлчилгээг согтууруулах ундаанаас түрүүнд авч хэрэгжүүлэх гэж байна. Гэхдээ үйлдвэрлэлүүдийн үйл ажиллагааг нээхтэй холбоотойгоор аль болох үндэсний үйлдвэрлэлээ дэмжих, эрсдэл багатай салбараа нээхээр ажиллаж байна. Үүнтэй уялдуулан спиртын агууламж багатай төрлийг борлуулах эрхийг дэмжих эхний шийдвэр гараад байна" гэлээ.
Харин Шадар сайд Я.Содбаатар "Засгийн газарт хэлэлцсэн. Энэ асуудлын нөгөө талд хууль бусаар шагийн архи зарах, худалдаа хийх, стандартын бус "Азийн чоно" гэдэг шиг үйлдлүүд асар ихсэж байгаа учир градус багатай согтууруулах ундааг борлуулах талаар яригдсан. Хуулиараа үүнийг Нийслэлийн засаг дарга шийднэ. Болоод байгаа явдал нь гэрээрээ шагын архи хийж байгаа явдал ихсэж байгаа юм. Үүнээс болоод архинд хордох гэх мэт эрсдлүүд гарч болзошгүй тул энэ талаар ярилцсан" гэлээ.
