Лев Толстойн "Анна Каренина", "Дайн ба Энх" болон өөр таван зохиолоор бүтээгдсэн шилдэг кинонууд...

Аугаа сонгодог зохиолыг дэлгэцэнд буулгах хэцүү. Ном нь ямагт киноноос дээгүүр гэж олон хүн маргана. Энд мэтгэлцэж болох юм гэдгийг доорхи кинонууд харуулж өглөө. Лев Николаевич Толстойн  зохиолоор сэдэвлэн хийгдсэн дэлгэцийн эдгээр кинонууд нь жинхэнэ урлагийн бүтээлүүд болж чадсан юм. Суут зохиолчийн 192 насны ойг тохиолдуулан эдгээр кинонуудыг танилцуулж байна.

Оросын агуу зохиолч Лев Николаевич Толстой 1828 оны есдүгээр сарын 9-нд төржээ.

Их зохиолчийн онч үгнүүдээс:

• “Хийсэн сайн үйлсээр нь хүмүүсийг бид хайрлаж, хийсэн муу үйлдлээрээ тэднийг бид үзэн яддаг”
• “Үзэсгэлэнтэй эмэгтэй тэнэг зүйл ярихад чи түүнийг ухаантай болгон сонсдог. Тэр ярьж, хийж байх нь чамд эелдэгээр харагдана. Түүнийг тэнэг юм ярихгүй, бузар зүйл хийхгүй байхад нь чи түүнийг яасан сайхан, ямар ухаантай, ёс төртэй вэ гэнэ”
• “Яах ч аргагүй болоод ирэхэд үхэл ирж байгаа юм шиг л гэрлэх ёстой”
• “Дарь нь биш түүнийг зохиогч нь асуудлыг шийднэ”
• “Хүний хамгийн гайхалтай төөрөгдлийн нэг нь юу ч хийхгүйгээр аз жаргалтай байна гэдэг төөрөгдөл юм”

«Анна Каренина», 2012

"Анны Каренина" романыг дэлгэцнээ буулгасан нь хамгийн үзүүштэй кино болсон. Гайхалтай дэгжин хувцасласан Кира Найтли, Вронскийн дүрд тоглосон сайхан эр Аарон Жонсон, харьцуулах аргагүй Жуд Логийн тоглосон Каренин, тансаг найр наадам, орднуудын интерьер маш гоё буугдсан байгаа. Бид Оросыг XIX зуунд өөрөөр мэддэг. Гэхдээ энэ талаар ярьснаас гоо зүйн төгс бүтээлийг үзэн таашаал авах хэрэгтэй бус уу?

«Анна Каренина», 1967

Кине матографын сонгодог болсон бас нэг кино. Александр Зархийн бүтээл номын бичлэгт их ойр. Татьяна Самойлова, Василий Лановой хоёр номын баатруудыг дэлгэцнээс шилдгээр амилуусныхаа төлөө хэдэн үеийн бишрэл байлаа.

«Дайн ба энх», 2016

Британийн мини-сериалыг туульсийн цар хүрээгээр бүтээсэн. Хувцасны зураач, тайз чимэглэгчдийн бүтээл мөн хөгжмийн сонголтууд нь шилдэг. Зургаан хэсгээр романы өргөн утга санааг гаргаж чадсан ба найруулагч романы уур амьсгалыг бүрэн гаргахаар ихээхэн хичээжээ.

«Дайн ба энх», 1965

Романыг хамгийн шилдгээр, өргөн цар хүрээгээр дэлцнээ буулгасан кино энэ байх. Сергей Бондарчук киногоо бүтээхдээ зургаан жилийг зарцуулсан ба үр дүнд гадаад хэлний шилдэг кино номинацийн Оскар ба Алтан бөмбөрцөг шагналууд. Тэр цагийн Зөвлөлтийн киноны гол одод Людмила Савельева, Вячеслав Тихонов, Олег Табаков, Сергей Бондарчук, Ирина Скобцева нар гол дүрийг бүтээжээ.

«Крейцерийн эгшиглэнт аялгуу», 1987

Энэ бүтээл Толстойн туужаар хийгдсэн шилдэг кино яахын аргагүй мөн. Замын хань нь эхнэрээ хардснаас болон хэрхэн хөнөөснөө ярьдаг сэдэв нь сонгодог бүтээлийн хувьд баймааргүй ердийн сэдэв. Гэхдээ Василий Позднышевйн дүрийг бүтээсэн Олег Янковский хожим ярихдаа түүнийг өөрийн шилдэг дүр гэсэн юм.

«Лам эцэг Сергий », 1978

Толстойн драмын тууж хөөрөнгүй залуу Степан Касаткины тухай өгүүлдэг. Дээдсийн амьдралаас уйдсан тэр лам болохоор шийднэ. Хүмүүсээс зугтаж болно. Харин өөрөөсөө?... Гол дүрийг нь Сергей Бондарчук бүтээжээ.

«Кавказад олзлогдсон хүн», 1996

Толстойн ийм нэртэй өгүүллэгийн орчин үеийн чөлөөлт сэтгэмжид Сергей Бодров, Олег Меньшиков хоёрын бүтээсэн хүчтэй хоёр эр хүний дүрийг онцолж болно. Сонирхолтой нь киноны зураг авалт Орос-Чеченийн дайны үеэр хийгдсэн нь түүнийг их үнэмшилтэй болгожээ. Кинонд мэргэжлийн бус нутгийн жүжигчин эмэгтэй Сусанна Мехралиева тоглож байсныг мэдсэн Чеченийн дайчид киночдыг олзлон авсан байв. Гэвч яриа хэлцлийн явцад тэднийг чөлөөлж зураг авалт үргэлжилжээ.

М.ЦОГТ