x

Өвчтөний оношилгооны мэдээллийг улсын Дата төвд хадгална

Ерөнхий сайд У.Хүрэлсүх өнөөдөр Эрүүл мэндийн хөгжлийн төв, Улсын нэгдүгээр төв эмнэлэг болон Эрүүл мэндийн яаманд ажиллалаа.

Эрүүл мэндийн сайд санаачлан “1800-0119” дуудлагын төв буюу цаг бүртгэлийн нэгдсэн системийг Эрүүл мэндийн хөгжлийн төвд ажиллуулж байна. Энэ нь иргэд эмчид үзүүлэх гэж цаг, дугаар авахын тулд өглөө 05.00 цагаас эхлэн гадаа дугаарлаж зогсдог, цаг авч чадаагүй бол маргааш нь дахин ирдэг хүндрэлийг халах зорилготой юм. Энэ сарын нэгнээс хойш өнөөг хүртэл 8,000 гаруй дуудлага хүлээн авсан бөгөөд иргэдийн 90 гаруй хувь нь шаардлагатай үйлчилгээгээ авсан тухай төвийн дарга Б.Нарантуяа танилцуулав. “1800-0119” төвд есөн эмнэлэг, есөн дүүргийн нэгдсэн эмнэлгийг холбосон бөгөөд ирэх сард багтаан 21 аймгийн Нэгдсэн эмнэлгийг холбохоор төлөвлөжээ.

Өвчтөний оношилгооны мэдээллийг улсын Дата төвд хадгална

Ерөнхий сайд У.Хүрэлсүх Улсын нэгдүгээр төв эмнэлэгт ажиллах үеэрээ эмнэлгийн оношилгоо, эмчилгээний дүрс архивлан хадгалах, солилцох “PACS” системтэй танилцав. Улсын нэг, гуравдугаар төв эмнэлэг, Гэмтэл, согог судлалын үндэсний төв, Хөвсгөл, Увс аймгийн нэгдсэн эмнэлгийг энэ системд холбоод байна. Ингэснээр дүрс оношилгооны төхөөрөмжөөр авсан зургийг анхан шатны эмнэлгээс дээд шатны эмнэлэгт дүрсний чанарыг нь алдагдуулалгүй дамжуулах боломж бүрджээ.

Мөн тухайн өвчтөний оношилгооны мэдээллийг улсын Дата төвд хадгалах бөгөөд өвчтөн, эмч хаана байхаас үл хамааран мэргэшсэн эмч онош тавьж, цаг хугацаа, зардал чирэгдэлгүй үйлчлэх юм. Энэ төслийг Дэлхийн банкны 1.8 сая ам.долларын санхүүжилтээр хэрэгжүүлж байна.

Монгол Улсын Ерөнхий сайдыг Эрүүл мэндийн яаманд ажиллах үед сайд Т.Мөнхсайхан КОВИД-19 цар тахлын халдварыг дотооддоо алдахгүй байх, алдсан тохиолдолд ямар арга хэмжээ авч, хохирол багатай даван туулах чиглэлээр хийж байгаа ажлаа товч танилцуулав.

ХӨСҮТ-ийн орны нөөцийг 450 болгон нэмж, Биоаюулгүй байдлын гуравдугаар зэрэглэлийн лабораторийг 12 дугаар сар гэхэд ашиглалтад оруулах бөгөөд Сэлэнгэ, Замын-Үүд, Дорнод аймгийн лабораторийг өргөтгөх юм байна.

1,000 ортой эмнэлэг дэлгэн ажиллах нөхцөл бүрдүүлнэ

Мөн ХУД-т байрлах 300 ортой төрөх эмнэлэг, АШУҮИС-ийн дэргэдэх сургалтын эмнэлэг, Улсын гуравдугаар төв эмнэлгийн Мэдрэлийн тасаг, есөн дүүрэг, 21 аймгийн нэгдсэн эмнэлгийг 1,000 орчим нэр төрлийн 11,500 гаруй тоног төхөөрөмж, эм, эмнэлгийн хэрэгсэл, хувийн хамгаалах хэрэгслээр хангаж, 1,000 ортой эмнэлэг дэлгэн ажиллах нөхцөл бүрдүүлнэ.

Цар тахлын халдварын тархалтыг удаашруулах, хязгаарлах, яаралтай тусламж, үйлчилгээний бэлэн байдлын чадавх болон хууль эрхзүйн орчныг бүрдүүлэхийг зорьж байна. Энэ хүрээнд:

  • Иргэдийг өвдсөний дараа бус өвдөхөөс нь өмнө урьдчилан сэргийлэх, өвчнийг хүндрэхээс нь өмнө эрт илрүүлж эмчилдэг байх

  • Бүх шатны эмнэлэг, эмийн сан, эрүүл мэндийн салбар, иргэнийг холбосон цахим сүлжээ бий болгох

  • Хөнгөлөлттэй эмийг бүх эмийн сангаар олгох

  • Гүйцэтгэлд суурилсан санхүүжилтийн тогтолцоо бий болгох

  • Эмнэлгүүдийг хагас бие даасан байдалд үе шаттай шилжүүлэх зэргийг 2020 оноос хийж эхэлжээ.

Дэлхий дахинд тархаад байгаа КОВИД-19 цар тахлаас иргэдийнхээ эрүүл мэндийг хамгаалах гэж бүх хүчээ дайчлан ажиллаж байгаа ажилтан, албан хаагчдад Ерөнхий сайд У.Хүрэлсүх Монгол Улсын Засгийн газар, ард иргэдийн нэрийн өмнөөс талархал илэрхийлэв.

Цар тахлаас үүдэн эдийн засаг хүндэрсэн ч эрүүл мэндийн салбарт 200 гаруй тэрбум төгрөгийн санхүүжилт олгож байгааг тэмдэглэв. 55 эмнэлгийг ашиглалтад оруулсан, нийслэлийн эрүүл мэндийн байгууллагуудын паркийг 400 гаруй автомашинаар шинэчилсэн, ажилтан, албан хаагчдын нийгмийн асуудлыг нь шат дараатай шийдвэрлэж байгаа зэргийг дурдав.

КОВИД-19 цар тахлын үед хариуцсан ажлаа нэр төртэй гүйцэтгэж байгаа нэр бүхий гурван хүнд тус бүр таван сая төгрөг олгосон батламж гардуулав

Иргэдээ жилд нэг удаа эрүүл мэндийн урьдчилан сэргийлэх үзлэгт заавал хамруулах, таван дүүрэгт Яаралтай түргэн тусламжийн төв ажиллуулах, эмнэлгүүд үзсэн, эмчилсэн хүний тоогоор Эрүүл мэндийн даатгалын сангаас санхүүжилт авдаг байх, зүрх, судас, хавдар, эрхтэн шилжүүлэх суулгах эмнэлэгтэй болох, 238 сумын эмнэлгийг төвлөрсөн дулаан хангамжид холбох зэрэг томоохон зорилт тавин ажиллаж байгааг хэлэв.

Хөл хориог цуцалж хэвийн горимд нь шилжүүлсэн энэ үед сонор сэрэмжээ бууруулахгүй байхыг чиглэл болгов

  • КОВИД-19-тэй холбогдуулан тогтоосон хориог цуцалж хэвийн горимд нь шилжүүлсэн энэ үед сонор сэрэмжээ бууруулахгүй байх

  • Шаардлагатай нөөцөө тооцож бэлэн байдлаа хангах

  • Иргэдэд мэдээлэл, сургалт, сурталчилгаа, зөвлөмжийг тасралтгүй хүргэж байх

  • Иргэдэд эрүүл мэндийн боловсрол олгох

  • Иргэн бүр эх орондоо оношлуулах, эмчлүүлэх боломжийг бүрдүүлэхийн тулд шинэ тоног төхөөрөмж нэвтрүүлэх, эмч, ажилтнуудаа бэлтгэх, давтан сургах чиглэлээр санаачилгатай ажиллах

  • Эмнэлгийн мэргэжилтэй хүн бэлтгэхдээ ЭМЯ болон БШУЯ хамтран шийдвэрлэдэг байхтай холбоотой саналаа Засгийн газрын хуралдаанаар хэлэлцүүлэх

  • Сувилагчдын тоог нэмэх

  • Эмийн чанар, аюулгүй байдалд анхаарах

  • Төсөл, хөтөлбөрүүдийн хэрэгжилт, хөрөнгийн зарцуулалт, үр өгөөжид анхаарах зэргийг чиглэл болголоо.

Ерөнхий сайд У.Хүрэлсүх Эрүүл мэндийн яамны ажилтан, албан хаагчидтай уулзсаны дараа КОВИД-19 цар тахлын үед хариуцсан ажлаа нэр төртэй гүйцэтгэж байгаа нэр бүхий гурван хүнд тус бүр таван сая төгрөг олгосон батламж гардуулав гэж Засгийн газрын Хэвлэл мэдээлэлтэй харилцах хэлтсээс мэдээллээ.

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iШинэ мэдээ
Бэрхийн уурхайн дор 5 тэрбумаар музей байгуулснаар аялал жуулчлал хөгжих үү? 20 цаг 21 минутын өмнө ОХУ-ын хоёр иргэнээс коронавиусын халдвар илэрсэн тул хилийн зарим боомтыг хаалаа 20 цаг 49 минутын өмнө Сэтгэл зүйч Ц.Энхтөр: Айдсаас салж болно 21 цаг 8 минутын өмнө Нэн ховор амьтдын эд эрхтэн хууль бусаар хадгалж байжээ Өчигдөр 13 цаг 37 минутад “Үндэсний хуримтлалын хөтөлбөр”-т 200 мянган иргэн нэгдэж, хуримтлалтай болжээ Өчигдөр 12 цаг 57 минутад "Энтерпрайзинг эрэл-зорилгоо тодорхойлж хэрэгжүүл" сэдэвт сургалт болно Өчигдөр 12 цаг 02 минутад Франц улсад оршин суугаа иргэдийн АНХААРАЛД! Өчигдөр 11 цаг 46 минутад Жилд 120-150 автобус дотооддоо үйлдвэрлэх боломжтой гэв Өчигдөр 11 цаг 40 минутад Шөнийн гэрэлтүүлгийн хор уршгийг сансраас судалжээ Өчигдөр 11 цаг 28 минутад Нийслэлийн 381 жилийн ойн хүндэтгэлийн тоглолт боллоо Өчигдөр 10 цаг 56 минутад Пянзны яармаг худалдаа хоёр өдөр үргэлжилнэ Өчигдөр 10 цаг 28 минутад АНУ ба СОНГУУЛЬ: Залуу иргэд яагаад саналаа өгдөггүй вэ? Өчигдөр 09 цаг 48 минутад Олон нийтийн телевизээ буцаах уу? Өчигдөр 09 цаг 27 минутад “Хамтдаа хамгаалъя” аянд оролцсон хүүхдүүдийн бүтээлээр үзэсгэлэн гарна Өчигдөр 09 цаг 03 минутад Ерөнхий сайд У.Хүрэлсүх байгаль орчин, аялал жуулчлалын салбарын үйл ажиллагаатай танилцлаа Өчигдөр 09 цаг 00 минутад Нийслэлийн 381 жилийн ойд зориулсан хүчит бөхийн барилдаанд Улсын заан М.Бадарч түрүүллээ Өчигдөр 08 цаг 53 минутад Тендерийн урилга Өчигдөр 08 цаг 38 минутад "Петровис" компаний ТУЗ-ын дарга, шарк Ж.Оюунгэрэл хүнд өвчний улмаас таалал төгслөө Өчигдөр 08 цаг 27 минутад “Өвөлд бид бэлэн-2020” өдөрлөг зохион байгуулна Өчигдөр 08 цаг 18 минутад Цас орж, ихэнх нутгаар хүйтэрнэ Өчигдөр 08 цаг 06 минутад
iИх уншсан
АРХИНЫ ТАЙЛБАР Ерөнхий сайдын үнэтэй Хотын даргын суудал АНУ-ын сонгууль 2020: Пенс Ковидыг үл харгалзан сонгуулийн с... АНУ ба СОНГУУЛЬ: Залуу иргэд яагаад саналаа өгдөггүй вэ? О.Баасанхүү: Чимгээ, Содномдаржаа нар энэ хэргийг үйлдсэн гэ... “Галзуу” Со-гийн драма буюу Д.Сосорбарамын оршихуй Хүчирхийлэгчийг цаазлая гэхийн оронд хүчирхийллээс хамгаалда... Сонгууль, улстөрч үнэхээр хэрэгтэй юү? Д.Амартүвшин: Осоржамаа оролцсон шоуны дугаарыг 260 мянган х... Жой Байдэн яагаад баян хүмүүсээс их санал авч чадахгүй вэ? Д.Амартүвшин: Осоржамаа оролцсон шоуны дугаарыг 260 мянган х... Өөрөө холдож, өөрийг хөгжүүл Харвардад Монгол судлалыг үндэслэсэн МАЛЧИН ЭРДЭМТЭН Гэртээ цоожлуулсан дөрвөн хүүхэд галд амиа алдлаа Богдхан ууланд гарахад том хүн 300 төгрөгийн хураамж төлнө Ой таван сартай хүүгийн аминд төрсөн эцэг нь хүрчээ АН: Тэтгэврийн доод хэмжээг 500 мянган төгрөг болгох хуулийн... С.Шаарийбуу: Малайзад асуудалд орсон бараг бүх хүн надад хан... Ой таван сартай хүү хойд эцэгтээ хэрцгийгээр зодуулан нас ба... АНУ-ын ерөнхийлөгчийн сонгуулийн өмнөх өдөр СОЛИР УНАЖ магад...
Top