ЗУНЫ ТЭРГҮҮН ЦАГААГЧИН МОГОЙ САРЫН
ГУРВАН ХӨХ УЛААН НОХОЙ ӨДӨР
Үс засуулвал: Идээ ундаа элбэг олдоно
Наран ургах, шингэх: 04.53-20.51
Барилдлага:
Шүтэн барилдлага:
Суудал: Мод
Наран ургах, шингэх: 04.53-20.51
Барилдлага:
Шид
Аливаа санасан үйлс сэтгэлчилэн бүтмүй.Шүтээн босгох, хот балгадыг барих, тариа тарих, худалдаа наймаа хийх зэрэг дэлгэрүүлэх үйлд хичээвэл сайн. Бүтээл туурьвал үйлдэх зэрэг дэлгэрүүлэх үйлд ч сайн.
Шүтэн барилдлага:
Төрөхүй
Гэрийн үйл хийгээд угаал үйлдэх, хувцас шинээр өмсөх, эсгэх тэргүүтэнд сайн. Түүнд төрсөн хүмүүн таван хоног хийгээд есөн сар, арван сар, арван жилд эс үхвээс номын явдалт, ядуувтар, үнэн өгүүлэгч, төрөл садандаа асрахуй сэтгэлт, урлахуй ухаанд мэргэн, өвөрчилөн сайн. Зуу наслана гэж номлосон. Өвдвөл найм арав хоногтоо хүчир, түүнээс хэтэрвэл амархан амирлана. Замд гарвал эд олно, тус бүхэн бүтнэ. Хулгайд алдвал дотнын нэгэн хүмүүн нь гадны хоёр хүмүүнтэй гурвуул хулгайлж аваад одсон, олдох нь нэн бэрх. Зүүн нүд татвал хувцас олно. Баруун нүд татвал жуулчин ирнэ. Баруун чих хангинавал баясгалантай болно. Зүүн чих хангинавал муу. Нохой уливал магалан болно. Хэрээ дуугарвал сайн муугийн ялгаагүй. Тагнай эрвэгнэвэл дээрэмчнээс болгоомжил. Бүх бие таталдвал аймшиг болно. Шилбэ татвал өвчний нигууртай гэж номлосон.
Суудал: Мод
Аргын тооллын 6 сарын 12, Сугар гараг. Билгийн тооллын 22, Чөдөр одтой, улаан нохой өдөр. Өдрийн наран 4 цаг 53 минутад мандан, 20 цаг 51 минутад жаргана. Тухайн өдөр морь жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлд шамдах, бүтээл туурвил эхлэх, худалдаа арилжаа хийх, бизнэс эхлэх, зэрэг дэвших, лус тахих, хүүхэд үрчлэн авах, гэр, байшингийн суурь тавихад сайн. Нүүдэл суудал хийх, хэрүүл тэмцэл хийх, цөөрөм байгуулахад муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулбал эд, эдлэл, идээ, ундаа олно.