x

УИХ-ын гишүүдийн ажлын тайлан амьдралд нийцсэн үү?

"Ардчилал Таймс" сонин долоо хоног бүрийн пүрэв гаригт иргэдийнхээ дуу хоолойг сонсдог "Иргэний индэр" булан ажиллуулдаг билээ. Өнгөрөгч дөрвөн жил парламентад ард түмнээ төлөөлөн сонгогдож ажилласан УИХ-ын гишүүд тайлангаа ард түмэнд тавиад байгаа. Тиймээс бид энэ удаагийн "Иргэний индэр" буландаа дээрх асуудлыг хөндлөө. Уншигч та бүхэн 86106009 дугаарт холбогдон өөрийн үзэл бодлоо илэрхийлэх боломжтой.

Тайлангаар нь ядаж гал түлж болдог бол хэрэгтэй байлаа

БЗД-ийн иргэн Б.Ганболд: Миний өмнө УИХ-ын гишүүн, УИХ дахь МАН-ын бүлгийн дэд дарга Б.Саранчимэгийн тайлан манайд ирсэн. Уг тайлан нийт 74 хуудастай, дандаа өнгөтөөр хэвлэсэн ажлын тайлангаа ирүүлсэн. 2016-2019 онуудад 457 тэрбум төгрөгийн хөрөнгө оруулалтыг хийсэн гэнэ. Уг нь энэ мөнгө өөрөөс нь гарсан бол юм хийжээ гэж харагдахаар байна. Даанч татвар төлөгч бидний төлсөн татвараар ажил хийснийгээ өөрийнхөө тайланд оруулжээ. Энэ ажил нь Баянзүрх дүүргийн Засаг дарга, хороодын хийх ажил юм шүү дээ. Энэ жил хичээлийн жил эхэлснээс хойш Ерөнхий боловсролын сургуулийн сурагчид сурах бичиггүй хэдэн сарыг үдэв. Зарим ангийн сурах бичиг худалч хүнд одоо болтол хэвлэгдээгүй л байгаа. Гэтэл энэ сэтгүүлийг хэчнээн төгрөгөөр хэдэн хувь хэвлүүлж тараасан бол?

Эрдэмтэн багш нар нь 20-30 хуудастай эрдэм шинжилгээний бүтээл, ном хэвлэл гаргах гээд хэвлэлтийн зардлаа дийлэхгүй, мөнгөгүй болохоор чаддаггүй.

Ийм үр ашиггүй зүйлээр иргэдийн толгойг эргүүлж олигтой ажил хийгээгүй байж нэг их ажил хийсэн болж харагдах гэдэг нь ард түмний мөнгийг гарын салаагаараа урсгаж байгаа хэрэг. Улс орноо саарал жагсаалтаас гаргах ёстой УИХ-ын гишүүд юу ч хийлгүй байсаар Европын холбооны хар жагсаалтад амжилттай оруулах шив. Энэ л эдний хийсэн ажлынх нь бодит үнэлгээ, тайлан. Өөр эрээн цаасны хэрэг байхгүй.

Улс орны бараан байдал гишүүдийн ажлын тайлангийн бодит үнэлгээ болж байна

СХД-ийн иргэн О.Сайханцэцэг: Өнгөрсөн дөрвөн жилийн хугацаанд хэрхэн ажилласан бэ гэдгээ УИХ-ын гишүүд сонгогчдоороо дүгнүүлдэг. Дүнгээ тавиулахын тулд хийсэн ажлынхаа тайланг хүргүүлсэн. Миний хувьд тэдгээр тайлангаас харахад хангалттай гэж дүгнэхгүй. Уг нь УИХ-ын гишүүний үндсэн үүрэг бол хууль санаачилж, хууль батлах ёстой.

Гэтэл өнгөрсөн дөрвөн жилийн хугацаанд ганц ч хууль санаачлаагүй гишүүн дахиад нэр дэвшсэн байх жишээний. Энэ цар тахлын үед эдийн засаг хэцүү байгаа үед өчнөөн сая төгрөг зарлагадаж, ажлын тайлан гэж хэнд ч хэрэггүй зузаан ном сэтгүүл хэвлүүлж айл өрхөөр тараасан. Түүнийг нь хэн ч нээж үзэж харахгүй шүү дээ. Энэ улс орны бараан байдал гишүүдийн ажлын тайлангийн бодит үнэлгээ болж байна. УИХ-ын гишүүд халамжаар биш бодлогоор уралддаг баймаар байна. УИХ-ын 2020 оны сонгуулийн хугацаа дөхөөд хөл хөдөлгөөн ихтэй байна.

Намууд нэр дэвшигчдээ тодруулж, нэрийг нь олон нийтэд зарлажээ. Одоо тэдгээр нэрсийг СЕХ баталгаажуулах байх. Гэхдээ дахин нэр дэвших эрхгүй гишүүд бол харагдаж байсан. Учир нь эрүүгийн хэрэгт холбогдсон сэжигтэн, яллагдагч байна. Тойрогтоо юу ч хийгээгүй хэрнээ дахиад нэр дэвших эрхтэй бил үү гэж бодох хэрэгтэй шүү дээ. Тиймээс монголчууд бид алс хэтийн зорилгоо сайн харж, зөв сонголт хийе. Зөвийг нь дэмжье.

Сүхбаатарчууд Ч.Улаан гишүүнийг сонгосондоо харамсдаг

Баянзүрх дүүргийн 13 дугаар хорооны иргэн Б.Даваажав: Миний хувьд хоёр жилийн өмнөөс Улаанбаатар хотын Баянзүрх дүүргийн албан ёсны харьяалалтай болсон. Баянзүрх дүүргээс УИХ-ын гишүүн Ж.Батзандан гарсан. Хүнийх нь хувьд шударга, улс төрд байх ёстой хүн гэж боддог. Хийсэн ажил, амласан амлалтынх нь талаар сайн мэдэхгүй байна. Энэ жил дүүрэгтээ нэр дэвшиж буй хүмүүсийг сайн судалж байгаад нам харгалзахгүй, зөв сонголт хийхийг бодож байгаа.

Би өөрөө Сүхбаатар аймгийн хүн. Манай нутгийн иргэд 2016 оны сонгуулиар УИХ-ын гишүүн Ч.Улааныг сонгосонд харамсдаг. Энэ хүн төрд 30 шахам жил ажилласан ч нутаг орныхоо хөгжлийн төлөө олигтой зүйл хийгээгүй. Эцэст нь өнөөдөр "улайдаггүй Улаан" гэдэг нэртэй болоод байна. Өчнөөн концесс, бондоос хувь хүртэж, төрийн мөнгөөр халаасаа зузаалсаар байгаа. Гэтэл аймгийн засаг дарга асан Ж.Батсуурь 2008-2016 онд ажиллахдаа Сүхбаатар аймгийг хөгжлөөр тэргүүлэгч, жишиг аймаг болгож чадсан. Төр түшилцэж буй УИХ-ын гишүүн хүн аймгийн засаг даргын дайтай ажиллаж чадахгүй, долоон дор байгаа нь харамсалтай.

Сонгогдсон тойрогтоо нүүр царайгаа харуулахгүй явсаар дөрвөн жил болдог хүн байгаа шүү дээ

СБД-ийн иргэн Д.Лхагвадулам: УИХ-ын гишүүний хийх ажил хууль батлах. Өөрөөр хэлбэл, тэд ямар ямар хууль баталсан, хуралдаа хэрхэн оролцсоноо тайлагнах ёстой. Харин гишүүд Улаанбаатарын утаа буурсныг хүртэл хийсэн ажлаа болгоод биччих жишээтэй. Тэгээд сонгогдсон тойрогт нь ганц гялтайх юм байвал бүгдээрээ булаацалдаад өөрөө хийсэн мэт ажлын тайландаа биччихсэн байгаа нь инээдтэй. Бүр болоогүй шинээр хогийн сав байрлуулсан нь хүртэл УИХ-ын гишүүний гавьяа гэнэ. Хариуцлага ярих болохоор надад бол ёстой хамаагүй шүү гээд гүрийчихдэг. Би биш тэр сайд, дарга мэднэ. Миний хариуцсан ажил биш гээд л... Татвар төлөгчдийн мөнгөөр хийсэн бүх хөрөнгө оруулалтыг өөрсдөдөө наана.

Угтаа төрийн бодлого, зарчим нь тодорхой улсад тус тойргоос хэн сонгогдохоос эс хамааран төсвийн шаардлагатай хөрөнгө оруулалтууд хийгдэж л таараа. Тэгтэл дахин дөрвөн жил тойргоосоо сонгогдохын тулд улс орны том эрх ашгийг харахаас илүү жалга довныхоо эрх ашгийг үргэлж нэгд тавина. Монгол Улс мөнгөгүйдээ биш, бодлогогүйдээ хөгждөггүй гэдгийн нэгээхэн шалтгаан нь энэ.

Ажлын тайлан сэтгүүл тараах нь битгий хэл сонгогдсон тойрогтоо нүүр царайгаа харуулахгүй явсаар дөрвөн жил болдог хүн байгаа шүү дээ.

Эх сурвалж: "Ардчилал таймс" сонин

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iШинэ мэдээ
Баруун болон төвийн аймгуудын нутгаар аадар бороо орно 5 цаг 11 минутын өмнө Foreign Policy: Цар тахлын дараах хүйтэн дайны явцад америкчууд Европыг алдана 5 цаг 24 минутын өмнө Ардчилсан намаас УБЕГ-т сонгогчдын нэрсийн жагсаалтын асуудлаар шаардлага хүргүүллээ 5 цаг 36 минутын өмнө Улаанбаатар-Арвайхээр чиглэлийн авто замын засварыг энэ сард эхлүүлнэ 5 цаг 45 минутын өмнө Нийслэлийн хэмжээнд Гал түймрээс урьдчилан сэргийлэх зорилгоор хөдөлгөөнт эргүүл ажиллаж байна 6 цаг 1 минутын өмнө Жорж Флойд коронавирусээр халдварласан байжээ 6 цаг 12 минутын өмнө Аймгуудад 45 фургон автомашиныг хуваарилан өглөө 6 цаг 44 минутын өмнө Сарын өмнө хулгайлагдсан Мексикийн парламентын эмэгтэй гишүүний цогцос олджээ 9 цаг 11 минутын өмнө Эрүүл мэндийн яам сүсэгтэн олныг рашаан, утлага зэргийг дамжуулж хэрэглэхгүй байхыг зөвлөлөө 9 цаг 19 минутын өмнө Он гарсаар 8 том хүн, 5 хүүхэд усны ослоор энджээ 9 цаг 31 минутын өмнө Монгол орны бат цайз зүүн хязгаараас бичсэн тэмдэглэл 9 цаг 49 минутын өмнө Д.Нямхүү: Москва-Улаанбаатарын онгоцоор ирсэн хүний давтан шинжилгээнээс коронавирусийн халдвар илэрч батлагдсан тохиолдол 186 боллоо 9 цаг 51 минутын өмнө С.Ононбаяр: Үүрч явсан тогоо аминд орж дутуу ичсэн баавгайн савраас мултарсан 9 цаг 55 минутын өмнө Угаартсан байж болзошгүй иргэдийг эмнэлэгт хүргэжээ. 9 цаг 59 минутын өмнө Баянзүрх эмнэлэг цар тахлын үеийн бэлэн байдлыг хангаж, 100 ортой эмнэлэг бэлджээ 10 цаг 3 минутын өмнө Коронавируст халдварын цар тахлаас урьдчилан сэргийлэх хууль хэрэгжиж байна 10 цаг 10 минутын өмнө "Хар Пиар" хар мөртэй л байдаг юм шүү, дүү нар минь! 10 цаг 38 минутын өмнө Татварын байгууллагын албан хаагчид нэг өдрийн цалингаа хандивлалаа 11 цаг 12 минутын өмнө УОК-т ард иргэдээс цугласан хандиваас гэр бүлийн хүчирхийллийн хохирогчдыг хамгаалах байруудад 100 сая төгрөг өгнө 11 цаг 21 минутын өмнө Эдийн засагч, санхүүчид УИХ-д бодлого тодорхойлно 11 цаг 23 минутын өмнө
iИх уншсан
Д.Эрдэнэбат: Аливаа юм үнэнээрээ байх шиг үнэ цэнэтэй зүйл ү... Чингэлтэй дүүрэгт “Өрхийн хөдөлмөр эрхлэлтийг дэмжих төв” үү... Дэлхийг өөртөө нээсэн нэр дэвшигч хэрэгтэй! Хэрэв энэ хотод усан парк байсан бол... Жинхэнэ шарк, Шоуны шарк Ч.Мангалжалав: ШУТИС дэлхийн шилдэг 1000 их сургуулийн нэг б... Дотооддоо тав тухтай, зөв аялцгаая Төмөр хүний бээлийг бодит болгожээ Александр Лукашенко хувьсгал хийхийг зөвшөөрөхгүй гэв Б.Цэрэнчунт: 17 настай охины биеийг хүчээр үнэлүүлж байсан т... Бонд тойрсон болчимгүй улс төр Н.Мөнхсоёл: Нэг ч гэсэн зүйлээрээ хүнд хэрэгтэй байхыг хүсдэ... ​​​​​​​Их Британийн ерөнхий сайдыг яагаад "Борис" гэж нэрлэс... М.Оюунчимэг: Хөдөлмөрлөж буй хүнийг дэмжиж байж улс орон хөг... АН 100 саяараа зодуулаад, МАН тэрбумаа оймсондоо хавчуулаад ... Тэнэг улс ЛУСЫН ХИШГЭЭР хөгждөггүй аж Х.ТЭМҮҮЖИН: Эрх мэдэлтнүүд нь иргэдтэйгээ нэг адил хуулийн д... Эдийн засагч, санхүүчид УИХ-д бодлого тодорхойлно "Хар Пиар" хар мөртэй л байдаг юм шүү, дүү нар минь! Ш.Тэргэл: Зургадугаар сард олон жилийн дунджаас дулаан байна...
Top