x

Оройтсон бодол буюу сонгуулийн зардлыг бууруулах нь

Ерөнхийлөгч Х.Баттулга дахин СЕХ-ны гишүүдийг дахин хүлээж авчээ. Уулзалтаар ирэх сонгуулиар нэр дэвшигчдээс гарах зардлыг тооцох зуураа СЕХ-ны гишүүдийг аяар аяархан ятгахаа мартсангүй. 

Тэрээр энэ удаа “2020 оны УИХ-ын ээлжит сонгуульд ойролцоогоор 470 гаруй орчим тэрбум төгрөг шаардахаар байгаа нь цар тахлын эсрэг одоогийн зарцуулсан төсвөөс хэдэн арав дахин их байгааг” шүүмжлэн хэлэлцсэн байна. УИХ-ын энэ удаагийн сонгуульд хамгийн олон буюу 800 орчим нэр дэвшигч өрсөлдөнө гэвэл нам, нэр дэвшигчдээс гарах нийт зардал 474 тэрбум /нэг нэр дэвшигч дунджаар 474.4 сая, сонгуульд оролцох хүсэлтээ гаргасан 19 нам, эвсэл нийлээд 95 тэрбум/ төгрөгт хүрэх тооцоог хийжээ.

Тиймээс дэлхийг хамарсан цар тахлын улмаас иргэдийн халаас нимгэрч, үйл ажиллагаа нь зогссон ААН-үүдийн санхүүгийн байдал улам хүндэрсээр буй энэ үед дээр дурдсан хэмжээний мөнгийг зарцуулан сонгууль явуулах нь зохистой эсэхийг бүх шатандаа бодож үзэхийг чухалчилсан байна.

Зардлыг тооцоог ЭНД-ээс үзнэ үү.

Ерөнхийлөгчийн "мэргэн буучид” ч бас энэ сэдвийг овоо хараандаа аваад ээлж дараагүй галлаж байна. Сонгуулийн сурталчилгааны хугацааанд нэр дэвшигчдийн сонгогчидтой хийх уулзалт, санал хураалтын байруудад иргэдийг олноор цуглуулах нь цар тахлын халдварын үед ямар их эрсдэл дагуулж болох талаар ятгаж, нэг үгээр “сонгуулиа хойшлуулья” л гээд байна.

Уг нь бол бид ч гэсэн дэлхий нийтэд үзэгдэж, харагдаж байгаа дэвшилттэй зүйлүүдээс суралцаж эхлэх хэрэгтэй л дээ. Өмнөд Солонгосчууд гэхэд санал өгөх байранд ирсэн сонгогчдыг 2 метрийн зайтай тэмдэглэгээ тавин дугаарлуулж байгаад саналыг нь авчихлаа. Манайхаас илүү хүнд нөхцөлд шүү. Сурталчилгааны тухайд нэр дэвшигчид заавал тэгж нэг бүрчлэн айл хэсч явах, Соёлын ордонд баахан хүмүүс шахцалдуулж байгаад шүлсээ үсчүүлэх шаардлагагүй. Ямар өнгөрсөн зуун биш.

Нөгөө дээр тооцоолсон их зардлаар хэвлэсэн мөрийн хөтөлбөр, танилцуулгаа айл айлын хашаа давуулж шидээд л боллоо биз дээ. Дээр нь телевиз, олон нийтийн сүлжээ гэж байна. Телевизүүдийнхээ цагийг аймаг, аймагт нь хувааж өгөөд л эфирээр нэр дэвшигчидтэйгээ уулзчихад болно.

Үнэхээр л УИХ-ын ээлжит сонгуулийг явуулахгүй гэвэл УИХ онц байдал зарлах хэрэгтэй. Үүний тулд цар тахлын аюул осол улс орныг бүхэлд нь хамарч, хүн амын эрүүл амь нас, эрүүл мэндэд ноцтой аюул заналхийлсэн байх учиртай. Арай ч үүнийг хүсэхгүй биз дээ.

Харин сонгуулийн зардлын тухайд бол нэгэнт өнгөрсөн, хожимдсон яриа. Үүнийг бүр оны өмнө УИХ-ын сонгуулийн тухай хуулийг хэлэлцэж байхдаа бодох ёстой байсан юм. Сонгуулийн тогтолцоогоо өөрчилье, хувь тэнцүүлсэн системийг хуульчилья, ядаж л 2012 оны сонгууль шиг холсолсон системээр сонгуулий явуулья гэж. Үүний тулд л өмнө нь гацаа, дараа болоод байсан Үндсэн хуульдаа нэмэлт хийж, “Сонгуулийн тогтолцоог УИХ хуулиар тогтооно” гэдэг заалт оруулсан.

Гэтэл яг хуулиа батлах дээрээ ирээд эрх баригч нам дахиад “мурисан”. Хамгийн үрэлгэн гэж тооцдог, хамгийн их мөнгөнөөс хамааралтай гэгддэг мажоритари сонгуулийг дахиад сонгосон. Тэр үед энэ тухай бодоогүй нь л харамсалтай.

Жалгын нэг сонгуульддаг мажоритари тогтолцооноосоо салахгүйгээр сонгуулийн зардлаа бууруулах ямар ч боломж байхгүй. Дээр нь нөгөө 76 нь тойрог тойрог руугаа зулгаасаар байгаад төсвийн нэгдсэн бодлого ч гэж байхгүй. Үүнээс болоод нэр дэвшигчдийн тулд хүч тэнцвэргүй тулаан болж, хэн нь хэнийхээ халаасанд орсон тухай л ярьж байна. Ардчиллыг булшиллаа, тэгш эрхийг устгалаа ч гэж байна.

Сануулахад, энэ удаагийн парламент хоёр ч гишүүнээ чөлөөлсөн. Дахиад нэгийнх нь асуудал яригдаж байгаа. Мэдээж нөхөн сонгууль явуулаагүй. Хэрвээ хувь тэнцүүлсэн буюу пропорционалиар сонгуулиа явуулсан байсан бол жагсаалтын ард бичигдсэн хоёр нэр дэвшигчийн гишүүний бүрэн эрхийг УИХ-аар баталгаажуулаад цаашаа явах байлаа. Яах вэ, эрх баригч нам хэт олонхи гэдгээрээ бардаж байгаа юм л даа. Хэрвээ парламент дахь хүчний харьцаа тэнцэж үлдсэн бол тэгээд дуусаа. УИХ-аас ямар ч шийдвэр гарахгүй. 

Одоо дээр нь Үндсэн хуулийн нэмэлт өөрчлөлт, "давхар дээлний" хязгаарлалттай холбоотойгоор Засгийн газрын бүрэн эрхийн асуудал яригдаж байна. Хэрвээ сонгууль хувь тэнцүүлсэн системээр явсан байсан бол У.Хүрэлсүх сайд нараа чөлөөлөхгүй гэж хэрэлдэж байхын оронд УИХ-ын гишүүнээс нь чөлөөлөөд, дараачийн шинэ гишүүдийг УИХ батламжлаад явчих байлаа. Сонгууль болоход сар үлдсэн гэдэгтээ ч гол нь биш. 

Дахин хэлэхэд сонгуулийн зардлыг хэмнэх тухай яриа одоо нэгэнт дууссан. Харин сонгуулиа яаж аль болох мөнгөний нөлөөнөөс холуур, дээр нь эрсдэл багатай зохион байгуулах вэ, ямар шинэ дэвшлийг ашиглах вэ гэдэг тухай л ярих ёстой.

Сонгууль гэдэг бол сонгох эрхээс гадна шинэчлэлт өөрчлөлт, шинэ боломжийн тухай асуудал. Сонгууль болгоноор сонгогчид шинэ боломжийг хайдаг. Алдсан бол алдаагаа засч залруулахыг хүсдэг. Нэг бэрхшээлээс болоод нөгөө боломжоо алдахыг хэн ч хүсэхгүй. Энэ бол аль нам ялах, ялагдахтай огт хамаагүй зүйл. 

Яах вэ, Х.Баттулгын хувьд энэ бүрэн эрхийн хугацаа нь дууссан УИХ, Засгийн газрыг санаснаараа хөдөлгөхөд амархан харагдаж байж болох ч иргэдийн хувьд тийм биш. Сонгууль гэдэг бол шинэ боломж.

Б.СЭМҮҮН

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (1)

  • Зочин (139.5.219.65)
    Ер нь бол тэд хэлэх үгээ хэд дахин бодож боловсруулж ярих ёстой.Оюун эрдэнэ сэвнэ сэвнэ гэхэд хэтэрнэ.
    2020 оны 05 сарын 06 | Хариулах
iРедакцийн сонголт
iШинэ мэдээ
Монгол Улс НҮБ-ын гишүүн бүх оронтой дипломат харилцаа тогтоолоо 2025-07-10 Монгол-Японы харилцаа1990-1998 2025-07-10 Улаанбаатар метро төслийн бараа, үйлчилгээг Их Британи улс нийлүүлнэ 2025-07-10 УИХ-ын дарга Д.Амарбаясгалангийн 2025 оны хаврын ээлжит чуулганыг хааж хэлсэн үг 2025-07-10 Монгол Улсын төрийн далбааны өдөр тохиож байна 2025-07-10 Такамүра: Бидний хувьд үүрдийн дурсамж үлдээх аялал байлаа 2025-07-10 Ж.Золжаргал: Эдийн засгаа өсгөхийн тулд төсөв тэлэх биш хөрөнгө оруулалт, бизнесийг дэмжих хэрэгтэй 2025-07-10 Нэгдүгээр шинэ тойрог замын төслийг УИХ-д танилцууллаа 2025-07-10 Наадмын өдрүүдэд 24 цагаар ажиллах эрүүл мэндийн байгууллагуудын утасны дугаар 2025-07-10 Улаанбаатарт өдөртөө 25 хэм дулаан 2025-07-10 Эзэн Хаан Нарүхито "Монгол Коосэн технологийн коллеж”-ид зочиллоо 2025-07-09 Төслийн нэгжүүдийн орон тоог 200-гаар багасгаж, 11.5 тэрбум төгрөг хэмнэнэ 2025-07-09 Х.Булгантуяа: Чех Улс манай улсын “гуравдагч хөрш”, Европ дахь итгэлт түнш 2025-07-09 Улсын Их Хурал өнгөрөгч долоо хоногт (2025.06.30-07.06) 2025-07-09 Бүсчилсэн хөгжлийн болон Ёс зүйн дэд хорооны бүрэлдэхүүнийг хэлэлцэн дэмжлээ 2025-07-09 Чех-Монголын парламентын бүлгийн дарга Станислав Берковецийг хүлээн авч уулзлаа 2025-07-09 ӨБХ-ны даргад гишүүн О.Номинчимэгийн нэрийг дэвшүүлэв 2025-07-09 УИХ-ын тухай хуульд нэмэлт, өөрчлөлт оруулах тухай хуулийн төслийг баталж, Байнгын хороодын бүрэлдэхүүнийг шинэчлэв 2025-07-09 Г.Занданшатар: Үндэсний сэргэн мандлын шинэ давлагаа эрч хүчтэй эхэлсэн гэдэгт итгэж байна 2025-07-09 Гандантэгчэнлин хийдийн төв талбайг байгалийн чулуун хавтангаар шинэчилжээ 2025-07-09
iИх уншсан
Эдийн засгийн форумд барьсан Хөгжлийн сайдын “бэлэг” Британид коронавирусний содон шинж тэмдэгтэй шинэ хувилбар т... Boom boom-гоо зүй дэлхийг эзэлж эхлэв Christie's дуудлага худалдаанд сүүлийн зуун жилийн ховор дар... Хөгжимчин Боб Дилан өөрийн зурсан зурагтай ном гаргана Тэтгэврийн зээлийн зохицуулалтыг цуцлав Такамүра: Бидний хувьд үүрдийн дурсамж үлдээх аялал байлаа Монгол-Японы харилцаа1990-1998 Ц.Дөчинесөнжил: Тэдний хүссэн үнээр газраа зарвал миний амьд... Монгол Улс НҮБ-ын гишүүн бүх оронтой дипломат харилцаа тогто... Ж.Золжаргал: Эдийн засгаа өсгөхийн тулд төсөв тэлэх биш хөрө... "Салхи Дамбий" МУГЖ цолоор энгэрээ мялаав Дайны дараах Монгол-Японы харилцааг хэвийн болгох хоёр талын... Монгол Улсын төрийн далбааны өдөр тохиож байна Ардчилсан хувьсгалын ойн баярыг улсын баяр наадамтай хамтатг... Ц.Төмөрбаатар: Аавынхаа араас Ардын жүжигчин болсондоо баярт... Эзэн Хаан Нарүхито "Монгол Коосэн технологийн коллеж”-ид зоч... Ерөнхий сайд Г.Занданшатарын Ажлын албанаас няцаалт гаргажээ... ДЦС-5 төслийн хувийн хэвшлийн түншлэгчийг сонгох урьдчилсан ... “Засгийн газрын өрийн баталгаа гаргах зөвшөөрөл олгох тухай”...
Top