Монголын "The Hu" хамтлаг Их Британийн хөгжмийн наадам болох "Heavy Music Awards"-т нэр дэвшжээ. Тус наадам нь 2017 оноос хойш зохион байгуулагдаж байгаа бөгөөд амьд хөгжим тэр дундаа хүнд хөгжмийн урсгал рок, хард рок урсгалын шилдэг уран бүтээлчдийг шалгаруулдаг аж.  

Хөгжмийн наадам тавдугаар сарын 21-нд Лондон хотноо болох аж. Та энэ хугацаанд САНАЛ өгөх боломжтой юм.  

"The Hu" хамтлаг "Амжилттай цойлж буй олон улсын хамтлаг" номинацид нэр дэвшжээ. Нэр дэвших уран бүтээлчдэд өгөх саналыг цахимаар авч байгаа ба та энэхүү https://vote.heavymusicawards.com/ линкэд хандан өөрийн саналаа дараах зааврын дагуу өгөх боломжтой. Бүх номинацид дэвшсэн уран бүтээлчдээс аль нэгэнд саналаа өгсний дараа санал эцэслэн баталгаажна.

Өөрөөр хэлбэл нийт 11 номинацид нэр дэвшсэн уран бүтээлчдийн аль нэгийг сонгохдоо "Best International Breakthrough Band" номинацид нэр дэвшсэн "The HU" хамтлагтаа саналаа өгөх боломжтой юм. 

Та номинаци бүрт санал өгөх боломжтой юм. 

Санал өгөх заавар:

• Номинаци бүрт аль нэг хамтлаг, уран бүтээлчийг сонгоно.

• "Best International Breakthrough Band" номинацид The HU хамтлагийг сонгоход SELECTED: THE HU гэсэн бичиг гарч ирэх болно.

• Хамгийн сүүлд өөрийн овог нэр, и-мэйл хаягаа бичнэ.

• Эцэст нь Submit Votes буюу Санал өгөх хэсгийг дарна.

Хэрэв наадмын зохион байгуулалтын талаар үргэлжүүлэн цахим хаягаар мэдээлэл авах болон өөрийн мэдээллээ наадмын зохион байгуулах комиссд хуваалцахыг зөвшөөрч, эхний хоёрыг чагталж болох юм. 

"The HU" хамтлаг нь Монголын уламжлалт хөгжмийн зэмсгүүд болох морин хуур, товшуур, цуур, лимбэ, төмөр хуур, хөөмий хархираа зэргийг рок урсгалтай хослуулан дэлхийд Монгол онцлог бүхий "Хүннү" рок гэх урсгалыг бий болгоод байгаа юм. Тус хамтлагийг хүннү рок урсгалыг үүсгэж, дэлхий дахинаа эх орноо сурталчлан таниулах үйлсэд үнэтэй хувь нэмэр оруулж буйг өндрөөр үнэлж Монгол Улсын Төрийн тэргүүн зэргийн "Чингис хаан" одонг гардуулсан билээ.