Тагнуулын байгууллагын алба хаагчид зэвсэг хэрэглэн ОХУ-ын иргэдээс их хэмжээний мөнгө /200 сая төгрөг, 50 мянган ам.доллар/ дээрэмдсэн талаар өнөөдөр мэдээллийн сайтуудаар цацагдсан билээ. Цагдаагийн ерөнхий газраас уг мэдээллийг баталгаажуулж, өнгөрсөн шөнө цагдаагийн байгууллага ажиллагаа явуулж, гэмт хэрэгтнүүдийг баривчилсан. Прокурорын зөвшөөрөлгүйгээр дэлгэрэнгүй мэдээлэл өгөх боломжгүй гэсэн юм.

Тэгвэл энэ хэргийн талаар  ТЕГ-аас албан ёсны мэдэгдэл гаргав. Уг мэдэгдэлд,

"ОХУ-ын иргэнийг зэвсэг хэрэглэн дээрэмдсэн тагнуулын байгууллагын ажилтнуудыг 2020 оны нэгдүгээр сарын 23-24-нд шилжих шөнө баривчилсан тухай мэдээлэл олон нийтийн сүлжээгээр цацагдсантай холбогдуулан дараах мэдэгдлийг хүргэж байна.

Тагнуулын байгууллагын алба хаагчид Монгол Улсын Эрүүгийн хуульд заасан гэмт хэрэгт холбогдсон байж болзошгүй асуудлын талаарх урьдчилсан мэдээллийн дагуу тус газраас цагдаагийн байгууллагад мэдээллийн дэмжлэг үзүүлж ажилласан болно. Эрүүгийн хэрэг шалгах ажиллагааг тагнуул, цагдаагийн байгууллага хамтран хэрэгжүүлж байна" хэмээжээ.