x

С.Амарсайхан: Агаарын дүүжин тээвэр ирэх оны зургаадугаар сараас явж эхэлнэ

Нийслэлийн авто замын түгжрэлийг бууруулах, нийтийн тээврийг хөгжүүлэх цогц төслийг өнөөдөр олон нийтэд танилцуулах үеэр Нийслэлийн Засаг дарга С.Амарсайхан агаарын дүүжин тээврийн талаар сэтгүүлчдийн асуултад хариуллаа.

-Агаарын дүүжин тээврийг Улаанбаатар хотод нэвтрүүлэхэд ямар баталгаа өгөх вэ?

-Бид сонгуулиас сонгуулийн хооронд ямар нэг асуудлыг ярьдаг байж болохгүй. Бидний гаргаж буй шийдэл, танилцуулж буй асуудал хотын нийтлэг эрх ашиг, улс орны хөгжилтэй холбоотой. Тиймээс улс төрийн оноо авах гэж болохгүй, бүтэхгүй зүйлсийг ярьж иргэдээ хуурч мэхэлдэг цаг өнгөрсөн. Ялангуяа хотын удирдлагын хувьд явуургүй ажил хийх шаардлага байхгүй.

Түүнээс гадна Засгийн газраас Улаанбаатар хотын замын түгжрэлийг буруулах болоод нийтийн тээврийн шинэчлэлийг хийх тал дээр судалгаа, тооцоо хийх үүрэг даалгаврыг өнгөрсөн зургаадугаар сард өгсөн. Үүний дагуу судалж, ТЭЗҮ-г хийж, санхүүжилтийн асуудлыг тодорхой хэмжээгээр шийдвэрлэн өнөөдөр Засгийн газрын Хэрэг эрхлэх газрын дарга болон салбарын сайдуудад танилцуулж байгаа.

Өөрөөр хэлбэл, Агаарын дүүжин тээвэр Улаанбаатарт бүрэн хэрэгжих боломжтой. Бид тооцоо судалгаагаа хийсэн. Бид Улаанбаатар хотын оршин суугчдын замын дэд бүтцийн нөхцөл байдлыг зөвхөн такси, автобусаар биш бүрэн цогцоор нь шийдвэрлэж, олон төрөлт нийтийн тээврийн үйлчилгээг бий болгож байна.

Олон төрөлт болгоно гэдэг нь иргэдэд илүү сонголт бий болгож буй хэрэг. Сонголт байхгүй учраас л жилд 270 сая зорчигч тээвэрлэдэг байсан нийтийн тээвэр өнөөдөр 180 сая зорчигч тээвэрлэдэг болтлоо буурсан. Энэ бол одоогийн нийтийн тээвэр шаардлага хангахгүй байгааг харуулж байна.

-Яг хэзээнээс ажил эхэлж, ашиглалтад орох юм бэ?

-Агаарын дүүжин тээврийн ажлыг бид ирэх дөрөвдүгээр сард эхлүүлэхээр төлөвлөж байна. Дөрөвдүгээр сард эхэлсэн тохиолдолд 2021 оны зургаадугаар сард эхний маршрут буюу Баянхошуу, Ханын материал, 3,4  дүгээр хороолол чиглэл ашиглалтад орно.

-Ашиглалтад орсон тохиолдолд  хүчин чадал, зорчих үнийн хувьд ямар байх юм бэ?

-Одоо нийтийн тээвэрт мөрдөгдөж байгаа үнийн хэмжээнд байлгаж, иргэдэд аль болох боломжтой хэлбэрээр л үнээ тогтооно. Цагт 3,000 хүн тээвэрлэх хүчин чадалтай гэдэг нь өдөр дунджаар 40,000 орчим хүн тээвэрлэнэ гэсэн үг.

-Аюулгүй байдлыг хэрхэн хангах тал дээр тайлбар өгөхгүй юу?

-Агаарын дүүжин тээвэр бол бусад тээврийн хэрэгсэлтэй харьцуулахад хамгийн аюулгүй хэрэгсэл юм. Энэ тээвэр нь анхнаасаа цас ихтэй, уулархаг газруудад зориулагдсан технологи. Дэлхийн олон хот үүнийг нийтийн тээвэрт ашиглаж байгаа бөгөөд цаг агаарын хувьд -50, +50 градуст хэвийн ажиллана.

Мөн дотоод гадаадын олон мэргэжлийн хүн бүх талаас нь судалж аюулгүй байдлыг нь хангасан учраас бид хэрэгжүүлж болно гэж үзэж байгаа юм.

-Санхүүжилт нь Францын Засгийн газрын хөнгөлөлттэй зээлээр гэж сонссон. Эргээд төлөлт нь хэдэн жилийн дотор гэж тооцоолж байгаа вэ?

-Агаарын дүүжин тээврийн санхүүжилтийг Францын Засгийн газрын хөнгөлөлттэй зээлээр шийдвэрлэж, Засгийн газар сангийн яамаар дамжиж эцэслэгдэж зөвшөөрөл нь олгогдсон тохиолдолд бид дөрөвдүгээр сард ажлаа эхлэх бүрэн бололцоотой.

Эдийн засгийн хувьд ашиг олоход мэдээж урт хугацаа шаардана. Гэхдээ бид ашиг харж иргэдийн зорчих амьдрах эрхийг хохироож болохгүй учраас энэ бол хамгийн түрүүнд Стандарттай хот болох, бүх үйлчилгээг иргэдэд тэгш хүртээмжтэй болгох чиглэлээр хийгдэж байгаа ажил.

Агаарын дүүжин тээвэр Баянхошуунаас Ард Аюушийн өргөн чөлөө хүртэл 16 минут зарцуулахад иргэдийн зорчих хугацаа дөрөв дахин, 7 буудлаас хотын төв рүү зорчих хугацаа тав дахин багасна. Нэг кабин нь 8-10 хүний багтаамжтай, нийт 157 кабинтайгаар үйлчилгээ үзүүлнэ. Хүлээлгийн хугацаа нь 3-5 минут бөгөөд цагт 3,000 зорчигч тээвэрлэх хүчин чадалтай гэв.

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (3)

  • хагас чиргүүлтэй автобус
    2020 оны 01 сарын 24 | Хариулах
  • hyperloop хоолойн тээвэр
    2020 оны 01 сарын 23 | Хариулах
  • хөшгийн хөндий рүү давхар хурдны галт тэрэг япуул
    2020 оны 01 сарын 22 | Хариулах
iШинэ мэдээ
Н.Алтанхуяг: Болохгүй бол би Н.Багабанди даргад захиа бичье л дээ 1 цаг 0 минутын өмнө Дуучин Л.Сөрөлт, А.Түмэн-Өлзий нийслэлийн 381 жилийн ойд зориулан "Хотын уянга" дуу бүтээжээ 1 цаг 20 минутын өмнө Энхийг сахиулах ажиллагаанд оролцсон аврагч, гал сөнөөгчдийг шагналаа 1 цаг 56 минутын өмнө Г.Эрдэнэбат, Б.Хурц нарт холбогдох хэргийг анхан шатны шүүхэд буцаалаа 2 цаг 12 минутын өмнө Машины цонхоор тамхины иш хаявал Зөрчлийн тухай хуулиар торгоно 3 цаг 33 минутын өмнө ФОТО: Нийслэлийн туг мандуулах ёслол боллоо 3 цаг 53 минутын өмнө "ЭТТ" ХК тэтгэлэгт хөтөлбөрийнхөө мөнгөн дүнг нэмэгдүүлнэ 4 цаг 3 минутын өмнө Польшид үр хөндөлтийн эсрэг хуулийг эсэргүүцэж эмэгтэйчүүд ажил хаялаа 4 цаг 33 минутын өмнө АНУ: Ерөнхийлөгчийн сонгууль ба залуусын бодит оролцоо 5 цаг 25 минутын өмнө Нийслэлийн шилдэг 20 сургууль, 20 цэцэрлэгт урамшуулал олголоо 5 цаг 55 минутын өмнө Гэр хорооллын шинэ суурьшлын бүсийн 370 айл өрхийг эрчим хүчинд холбожээ 6 цаг 1 минутын өмнө Д.Амартүвшин: Осоржамаа оролцсон шоуны дугаарыг 260 мянган хүн үзсэн 6 цаг 23 минутын өмнө Ж.Батбаясгалан: Утаанаасаа салсан бахдам амжилттайгаар 381 жилийн ойтойгоо золголоо 6 цаг 56 минутын өмнө Харвардад Монгол судлалыг үндэслэсэн МАЛЧИН ЭРДЭМТЭН 7 цаг 47 минутын өмнө СЭРЭМЖЛҮҮЛЭГ: Орон нутагт гарсан ослын улмаас нэг хүн амиа алдлаа 8 цаг 1 минутын өмнө Улаанбаатар хотод “Дэлхийн экспортыг дэмжих форум” болно 8 цаг 2 минутын өмнө Нийслэлийн 2020 оны шилдэг дүүргээр Налайх дүүрэг тодорлоо 8 цаг 25 минутын өмнө Төрийн албаны хууль зөрчсөн томилгоо хийхгүй байхыг зөвлөв 8 цаг 46 минутын өмнө Нийслэлийн 381 жилийн ойг тохиолдуулан төрийн дээд одон, медаль гардуулав 9 цаг 1 минутын өмнө Г.Мөнхбаатар: “Хүүхдийн автобус” гэдэг худалдан авалт төдий биш ардаа асар том хариуцлагатай ажил 9 цаг 16 минутын өмнө
iИх уншсан
Д.Сумьяабазарыг нийслэлийн Засаг даргад дэмжсэнээр НИТХ Үндс... АРХИНЫ ТАЙЛБАР Ерөнхий сайдын үнэтэй Хотын даргын суудал АНУ-ын сонгууль 2020: Пенс Ковидыг үл харгалзан сонгуулийн с... О.Баасанхүү: Чимгээ, Содномдаржаа нар энэ хэргийг үйлдсэн гэ... “Галзуу” Со-гийн драма буюу Д.Сосорбарамын оршихуй Хүчирхийлэгчийг цаазлая гэхийн оронд хүчирхийллээс хамгаалда... Сонгууль, улстөрч үнэхээр хэрэгтэй юү? Ард түмэн бол цагаан цаас юм Д.Амартүвшин: Осоржамаа оролцсон шоуны дугаарыг 260 мянган х... Жой Байдэн яагаад баян хүмүүсээс их санал авч чадахгүй вэ? Д.Амартүвшин: Осоржамаа оролцсон шоуны дугаарыг 260 мянган х... Өөрөө холдож, өөрийг хөгжүүл Харвардад Монгол судлалыг үндэслэсэн МАЛЧИН ЭРДЭМТЭН Гэртээ цоожлуулсан дөрвөн хүүхэд галд амиа алдлаа Ой таван сартай хүүгийн аминд төрсөн эцэг нь хүрчээ Богдхан ууланд гарахад том хүн 300 төгрөгийн хураамж төлнө АН: Тэтгэврийн доод хэмжээг 500 мянган төгрөг болгох хуулийн... С.Шаарийбуу: Малайзад асуудалд орсон бараг бүх хүн надад хан... Ой таван сартай хүү хойд эцэгтээ хэрцгийгээр зодуулан нас ба...
Top