x

Монголыг хорлодог монгол ленинчүүд

...Манай багшийн багш

Манлай Ленин багш...

Социализмд өссөн монгол хүн бүхний цээжилж өссөн дуу

"Марзан" хэмээх Б.Шарав зурсан В.И Лениний хөрөг. "Марзан" гэдэг нь одоогийнхоос арай өөр ойлголт байжээ.

Ленинээр хүмүүжсэн монголчууд Ленинээсээ ч илүү Монголыг хорлож ирлээ. Тэд сүүлийн 30 жил биесээ өөр өөрөөр нэрлээд бүлэглэн хуваагдаж Монголын төрийг дангаараа, эс бөгөөс хамтран барьж ирсэн ч зам мөр нь багш Ленинийхээсээ огт дээрдсэнгүй. Шавийн эрдэм багшаасаа гэдэг. Ардчилсан Монголын улстөрчдийн араншинг Ленинээс олж харах шиг амар юм алга. 

Үзэл онолгүй Ленин

Ленин ямар нэг улс төрийн үзэл баримтлалгүй явсан. Яг манай өнөөгийн улстөрчид шиг. Ленин зөвхөн яаж засгийн эрхийг авах билээ л гэж бодсон. Тиймээс нам байгуулах санаа оноо байсангүй. Харин цэрэгжсэн байгууллага төсөөлж явжээ. Яагаад гэвэл Думд эрүүл саруул маргаан өрнөдөг, тэр бүү хэл хаант засгийн эсрэг үзэлтэй улс төрийн радикал хүчин, зүтгэлтнүүд ч ид ном хаялцаж байсан цаг. Ленинд парламентад ярьж хэлэх зүйл үнэндээ байсангүй, гагцхүү засаг авах шунал нь л буцална. Тийм хүнд төрийн эрх авах зохион байгуулалттай бүлэг л хэрэгтэй. Ленин төрийн эрх авахыг л хүссэнээс нийгмийн асуудлыг шийдэх талаар онцын бодолгүй явсан юм. Карл Маркс “Үгээгүү пролетариуд засгийн эрхийг авна” гэснийг тогтоогоод дараа нь яах, юу хийхээ огт мэдэхгүй байлаа. Засаг авна, хөрөнгөтнүүдийг зайлуулна, үйлдвэрүүдийг нийгэмчилнэ, тэгээд..? Манай ленинчүүд ч ялгаагүй. Төрийн эрх л авч байвал юу ч хийхээс сийхгүй. Сонгуулийн амлалт, намын үзлээ сонгуулийн маргааш татаад дууссан тамхины иш шигээ нясалчихна. Тэдний багш Ленин нь ленинч билээ. 

Ленинч зарчим

Ленин нөхцөл байдал яаж ч өөрчлөгдсөн огт самгардалгүй юу ч гэж залж чадах улс төрийн торгон мэдрэмжтэй. Бүр маш энгийн бааргаар, тэгээд уран цэцэн хэлнэ гээч. Бусад хүн ядаж юу гэх билээ хэмээн бодож тунгаадаг бол Ленин урсгаж гарна. Ерөөсөө түүнд ямар нэг дотоод итгэл үнэмшил, давшгүй хязгаар гэж байсангүй. Жишээ нь, төрийн эрхийг айлын авгайд, газрыг тариачдад, үйлдвэрийг ажилчдад өгнө гээд хэлчихнэ. Яагаад ингэж хэлж байгаа билээ, дараа нь яах билээ гэж боддог ч үгүй. Энэ чанараараа үеийн бусад улстөрчөөсөө эрс ялгардаг. Ленинээс 700 жилийн өмнө Чингис “Морин дээрээс дэлхийг байлдан дагуулах амархан, мориноосоо буугаад төрөө төвхнүүлэх хэцүү” гэж сургасан гэдэг. Гэтэл Казаний их сургуулийн Хуулийн факультетийг Алтан медальтай төгссөн Ленин огтхон ч бодож эргэцүүлэлгүйгээр бурсан. Хэлсэн и гүйцээ. Гэхдээ эцсийн бүлэгт газар, үйлдвэр, төрийн эрх мэдлийг ч өөрөө авчихсан байлаа. Монгол шавь нар нь ч өөрцгүй. Хүүхэд бүрт 10 мянга, шинэ гэр бүлд 500 мянга, хүн бүхэнд сая, сая таван зуун мянган төгрөг өгнө; иргэн бүрт 1072 хувьцаа тараана, тэтгэврийн зээл тэглэнэ, ваучер олгоно... гэхчилэн аманд орсноо л хэлнэ. Улсынх нь өр хэд билээ, төсөв ямар билээ, тэр мөнгийг яаж олох билээ... падлийгүй. Төрийн эрх мэдлийг гартаа оруулж байвал барав. Тэгсэн цагт бусдыг нь цөлмөчихнө. Тэдний багш Ленин бол зарчимгүй нөхөр.

Хулчгар Ленин

Ленин буруу зөвгүй бурж явснаас зориг зүрхтэй хувьсгалч огтхон ч биш. 1917 оны зун Петроград (Санк-Петербург 1914-1924 он) даяар большевикууд Германаас санхүүжиж, төрийн эргэлт хийх нь гэдэг мэдээ таран “Правда” сониныг хаахад Ленин ганцаараа зүсээ хувилгаж хамаг юмаа хаяад зугатсан. Троцкий тэргүүтэн хууль цагдаатай заалдаад нутагтаа үлдсэн байдаг. Харин төрийн эрх булаах боломж бүрдмэгц гуяа алгадан гэгээн дүрээрээ гүйгээд ирсэн дээ. Монгол шавь нар нь Америк ч бил үү, Австрали ч бил үү явсан бил үү? Ленин бол хулчгар. Тиймээс төр авсан хойноо эрх мэдэл булаацалдаж мэдэх бүх аюулыг зайлуулах алхам хийж эхэлсэн. Шавь нартаа “Хөрөнгөтөн, нударганы хөрөнгийг хураагаад авчихаар анги аяндаа устана” гэж сургасан. Ачир дээрээ шууд утгаар нь тэднийг алсан, хядсан, устгасан. Үзэл онолтой, түүндээ итгэдэг хүнээс үүгээрээ Ленин ялгардаг. Ингэж иргэний дайн дэгдээсэн. Бусад намтай сонгуулиар өрсөлдөхийн оронд шууд хаасан. Чөлөөт хэвлэл мэдээллийг тас хориглож ганц “Правда”-аагаа үлдээсэн. Сонгох сонгогдох, үг хэлэх эрх чөлөө; ер нь өөрийн үзэл бодолтой, эрх чөлөөт иргэн бүрээс үхэтлээ айж байлаа. Монгол ленинчүүд ч мөрөөр нь замнасан. Зугатна, ирнэ, хаана, бооно, шүүнэ, тууна, цаад шалтгаан нь айдас. 

Хууль дүрэмгүй Ленин

Иргэний дайн эхэлмэгц өгсөн Лениний тушаал 1991 оноос ил боллоо. Бууд, дүүжил... л гэснээс стратеги, тактикийн ач холбогдолтой шийдвэр байхгүй. Хуульт ёс, эрхзүй, хүний эрхийн эсрэг гэмт хэргийн гарын авлага. Ленин уул нь хуулийн сургууль төгссөн хүн. Гэхдээ төрийн эрх аваад хуульт ёсыг сүйтгэсэн. Хамгийн анхны тогтоолоороо хуучин бүх хуулийг хүчингүй болгосон. Төр авсан большевикууд хууль дүрэм өөрчлөлгүй яахав, гэтэл үгүй шүү. Шүүх, прокурор, өмгөөлөл гээд хуулийн тогтолцоог бүхлээр нь нураагаад бас нэмээд хуулийн сургуулийн хаалгыг ч түгжсэн байдаг. Энэ бүхнийг “Хувьсгалт шүүх” гэгчээр орлуулж хуулийн мэдлэггүй, бүр огтоос боловсролгүй хэдэн товарищд бүх асуудлыг дураараа шийдэх эрх олгосон. Төр авсан нь хэн гэм буруутайг тогтоогоод баривчлаад, яллаад явна гэсэн үг. Ленинээс өмнө ч Орост хувьсгал гарсан, дэлхийн дайн ч хийсэн гэхдээ эрх зүй, хууль дүрэм хэвийн үйлчилж л байлаа. Монголын ленинчүүд төр аваад л өөртөө эсвэл зөвхөн “түүнд” зориулж хууль гаргана. “Шударга бусын хонгил” барьж бусдыг тийш чирнэ. Тэдний багш Ленин хууль эрхзүйг уландаа гишгэсэн товарищ.

Дангаар ноёрхогч Ленин

Ленин хамтран зүтгэгчдээ толгой мэдэн томилсон. Тэдэнтэйгээ оров ч гарав ч хамтдаа. Тэгсэн мөртөө “Правда” сониноороо бүгдийг нь ил цагаан баална, бүр балбана. “Би л энэ улс орныг удирдаж чадна, манай товарищуудад итгэж болохгүй шүү” гэж байгаа нь тэр. “Надаас бусад нь чадваргүй улсууд шүү” гэж ард түмэндээ ойлгуулж байгаа хэрэг. Диктатур гэдэг төрийн хамгийн энгийн тогтолцоо. Энгийн зүйлс хүмүүний сэтгэлийг татдаг. Амьдралыг төвөгтэй болгож яах юм бэ. Сурч боловсорно, өөрийнхөө төлөө тэмцэнэ, бодно сэтгэнэ, хуульд захирагдана гэхгүй амар хялбар амьдрал гэж ард түмэн хардаг. Тиймээс ч тэд бурханд бүхнээ даатгаж ирсэн юм. Ленин бурхны үүргийг өөртөө авсан. Монголын баастай бурхад ч адил. Телевизийн дурангийн өмнө танхимын гишүүдээ хэлэх хэлэхгүйгээр нь дуудаж загнана. Бүр цохиод авахад ч бэлэн харагдана. Энэ нь иргэдэд таалагдана гэж. Ленин бол хүнийг хүн биш болгодог тоталитар дэглэм үндэслэгч. Монгол шавь нар нь багшийнхаа энд хүрэхгүй ч диктатур тогтоох чин хүсэлтэй. Ленин бол дангаар ноёрхох хэнээтэн.

Буянтны дүртэй Ленин

Ленин төрийн эргэлт хийхээс өмнө Оросын эдийн засаг тавдугаарт эрэмбэлэгдэж байлаа. Зах зээлийн жам ёсны амийг таслахад улсынх нь эдийн засаг аяндаа нураад уначихав. Шалтгааныг нь Ленин амархан “олсон”. “Гадна, дотны дайснууд хорлоод байна”, гүйцээ. Энгийн болоод ойлгомжтой тайлбар. Дайсан нь харин дотроо олон төрөл: хувьсгалын эсэргүүчүүд, өмч хөрөнгөтөнгүүд, хувиа хичээгчид, хорлон сүйтгэгчид, хумслагчид, шамшигдуулагчид... Эднийг устгах ёстой... Төрийн царай харахгүй амьдралаа аваад явчих иргэн Ленинээр яах юм?!? Хэдэн зуун жил болоод ирсэн юм болж л таарна. Харин Ленинд тийм хүн шиг хэрэггүй юм үгүй. Бүгд Лениний гарыг харах ёстой. Тэгж гэмээн нь тачаадан байж булаасан эрх мэдлээсээ жаргалыг амсана. Авдаг цалин нь аманд ч үгүй, хамарт ч үгүй, хувиараа бизнес эрхлэх эрхгүй, үргэлж гарыг нь хардаг хүн сүрэг л Ленинд таашаал өгнө. Тиймээс бүх өмчийг нь хурааж аваад буцаагаад дусал дуслаар амсуулна. Ленинийг тойрон хүрээлэгчид "номинклатур" хэмээх нийгмийн шинэ давхарга болж хаад ноёдоос ч илүү эрх ямба эдэлж явлаа. Монголын ленинчүүд багшийнхаа үлгэр дууриаллаар. МАНАН, БУДАН, ЗИЖЭНЭН... Төр авах тоолондоо хувьдаа хууль гаргаж хулгай хийсээр өдий хүрлээ. Эрдэнэт, Таван Толгой, Ноён уул, Салхит, Асгат... уурхай, лицензүүдийг хурааж хөрөнгө зоорио зузаатгасаар... Ардуудад ойн медаль, одон тэмдэг, алдар цол л хаваасаг... Тэдний багш Ленин өгч чадахгүй цалин мөнгөө өнгөтэй төмрөөр орлуулах мэргэн ухаан бодож олсон юм.

Төгсрөл

Долоон жил төр барьсан Лениний ёс бусын арга барилыг далан жил заалгасан Монголын улстөрчид Ленинд эргүүлээд лекц уншсан ч чадахаар туршлага хуримтлуулжээ. Багш Ленин нь “Сур сур бас дахин сур” гэж сургасан юм хойно арга байж уу... Эрт гарсан чихнээс хожуу ургасан эвэр урт гэж... Өөрийгөө хэн ч гэж нэрэлдэг бай хамаа алга, Монголын улстөрчид мөн чанараараа бүгд ленинчүүд. Хөшөөг нь зайлуулсан ч хүмүүжил нь хэвээрээ... Ленин всегда с ними... 

Долой ленинисты!

Д.Батбаяр /baabar.mn/

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (1)

  • Үнэнийг хэлээ... Монголчууд архаг коммунимз-ийн бүтээгдэхүүн гэдэг нь төрөлхийн хэвээрээ бгаа шүү дээ... Монголд байгаа, Ардчилсан коммунизм нам, Архаг коммунизм нам хоёр, нэг тэрэгний хоёр дугуй юугаар аа ялгарах бэ???
    2020 оны 01 сарын 18 | Хариулах
iШинэ мэдээ
ЦААШ ҮЗЭХ
iШинэ мэдээ
Жүжигчин Ж.Баясгалан АН-ын гишүүн боллоо 8 минутын өмнө Коронавирус: Долоон сартай нярай бүрэн эдгэрчээ 31 минутын өмнө Урт цагааны барилгыг нураах эсэх асуудлыг НИТХ-аар шийдэгдэнэ 1 цаг 0 минутын өмнө “Иргэний тэтгэвэр барьцаалсан зээлийн төлбөрийн үүргийг үнэт цаасаар төлөх тухай гэрээ”-нд гарын үсэг зурлаа 1 цаг 37 минутын өмнө И Ёо Хун: Хоёр орны харилцааг стратегийн шинэ түвшинд хүргэхийн төлөө ажилна 1 цаг 56 минутын өмнө Ардчилал шинэчлэлийн нам Монгол улсад бүртгэлтэй 36 дахь нам боллоо 3 цаг 33 минутын өмнө Х.Алтанхуяг: У.Хүрэлсүх ээ, хэзээ сэлмээ сугалж, хулгайч гишүүдийнхээ толгойг цавчих гэж байна 3 цаг 43 минутын өмнө Сар шинийн баярын өдрүүдэд цахим гүйлгээний шимтгэл авахгүй гэв 3 цаг 58 минутын өмнө Урт цагааны үйл ажиллагааг ЗОГСООХ шийдвэр гарлаа 4 цаг 13 минутын өмнө С.Чинзориг: Тэтгэврийн зээл олгож эхэлсэн нь хорио цээрийн дэглэмд саад учруулахгүй 4 цаг 21 минутын өмнө Говь-Алтай аймгийн засаг даргыг ажлаас нь чөлөөлжээ 4 цаг 39 минутын өмнө Тавантолгойн ордын хөрөнгө оруулалтын гэрээ “хорлон сүйтгэх ажиллагаа” байсан уу? 4 цаг 40 минутын өмнө Шинэ гүүрэн гарцыг “ОЛИМПИЙН ГҮҮР” хэмээн нэрлэхээр боллоо 4 цаг 54 минутын өмнө Бага насны хоёр хүүхэд гэртэйгээ шатаж нас баржээ 5 цаг 23 минутын өмнө Эрдэмтдийн үзэж буйгаар хоёрдугаар сарын сүүл үед вирусийн тархалт оргил цэгтээ хүрнэ 5 цаг 44 минутын өмнө ҮАБЗ алт цэвэршүүлэх нэрээр мөнгө угаах төслийг мэдсэн үү? 6 цаг 19 минутын өмнө Элчин сайд Т.Жанабазар Шведийн Цог Жавхлант Хаанд итгэмжлэх жуух бичгээ өргөн барив 6 цаг 35 минутын өмнө Би дундажаас дээгүүр 6 цаг 44 минутын өмнө Импортоор авах улаан буудайг 100 мянган тонноор нэмэв 7 цаг 7 минутын өмнө Сайншанд хотод 3D кино театр ашиглалтад орно 7 цаг 33 минутын өмнө Чай Вэньруй: Хятадын ард түмэн хүний ач тусыг мэддэг, ачийг нь ч хариулдаг 7 цаг 46 минутын өмнө Хөл хорионы ХАТУУ ДЭГЛЭМ халдварын тоо буурахад нөлөөлж байна 8 цаг 3 минутын өмнө Хууль бусаар мод бэлтгэсэн 13 үйлдлийг илрүүлжээ 8 цаг 12 минутын өмнө ХНХ-ын сайд С.Чинзориг цаг үеийн асуудлаар мэдээлэл хийнэ 8 цаг 32 минутын өмнө Ихэнх нутгаар цасан шуурга шуурч, хүйтэн байна 8 цаг 52 минутын өмнө Хамба лам Д.ЧОЙЖАМЦ: Хуурч мэхэлсэн, худал амласан, залилсан хүн ХУЛГАНА жилд хол явахгүй 22 цаг 21 минутын өмнө Амгалан амаржих төвд ӨББ-ын сургалт зохион байгуулав 22 цаг 46 минутын өмнө Гарааны бизнес, энтрепренерийн хөгжлийн хүрээлэнгийн төлөөлөгчидтэй уулзав 22 цаг 59 минутын өмнө Орос, Герман эрдэмтэдтэй Монгол эмч нар хамтран ажиллав 23 цаг 52 минутын өмнө МИАТ компани Бангкок болон Токио чиглэлийн зарим нислэгүүдээ цуцаллаа Өчигдөр 16 цаг 54 минутад Өнөөдрөөс тэтгэврийн зээлийг ЗУРГААН сараар олгож эхэллээ Өчигдөр 16 цаг 45 минутад Газраа бэлэн орон сууцаар сольсон эхний айлууд ТҮЛХҮҮРЭЭ гардаж авлаа Өчигдөр 16 цаг 25 минутад Хот руу орж, гарч байгаа хөдөлгөөнийг бүрэн автомат системээр хянаж байна Өчигдөр 16 цаг 11 минутад Байгалийн хийн хоолойг Монголын нутгаар дамжуулах асуудлаар ажлын хэсэг байгуулжээ Өчигдөр 15 цаг 54 минутад “Амгалан дулааны станц”-ийг төрийн өмчит компани болгожээ Өчигдөр 15 цаг 46 минутад Онцгой байдлын алба нисэх нэгж шинээр байгуулж, 12 нисгэгч бэлдэнэ Өчигдөр 15 цаг 25 минутад Улс, хот хоорондын замын хөдөлгөөнийг ТҮР ХААХ шийдвэр гарлаа Өчигдөр 14 цаг 42 минутад Онцгой комисс ХААЛТТАЙ хуралдаж байна Өчигдөр 14 цаг 12 минутад Их тойрууд 25000 машины авто зогсоол барина Өчигдөр 14 цаг 02 минутад Сүхбаатар аймаг ОРОХ, ГАРАХ хөдөлгөөнийг хязгаарлах шийдвэр гарлаа Өчигдөр 13 цаг 28 минутад Улаанбаатар хотод “Эргүүл” арга хэмжээг эхлүүллээ Өчигдөр 13 цаг 10 минутад ЭМЯ: Халдварын шинэ тохиолдол буурч байгаа ч тайвширч болохгүй Өчигдөр 12 цаг 43 минутад БНСУ-д коронавирусийн халдварын тохиолдол огцом өсчээ Өчигдөр 12 цаг 21 минутад Шалган нэвтрүүлэх дээр ажиллаж буй албан хаагчдыг амны хаалт, витаминаар хангана Өчигдөр 11 цаг 55 минутад Дорнод аймагт 4.27 магнитудын хүчтэй газар хөдөлжээ Өчигдөр 11 цаг 38 минутад Коронавирусийн халдвараас сэргийлэхэд зориулж ЗГНС-гаас 5.5 тэрбум төгрөг гаргажээ Өчигдөр 11 цаг 24 минутад Ялахгүй гэсэн сонгуулиасаа ялж гарах нь улс төр юм Өчигдөр 11 цаг 14 минутад С.Мөнхбат: 38 бөхөөс допинг илэрсэн гэдэг нь худлаа байгаасай Өчигдөр 10 цаг 55 минутад Коронавирусийн шинэ халдварын тоо огцом буурчээ Өчигдөр 10 цаг 25 минутад Дараах алхмуудыг хэрэгжүүлбэл зээлийн хүү гарцаагүй буурна! Өчигдөр 10 цаг 05 минутад
iИх уншсан
Х.Тэмүүжин: Монгол улсад хуулийн гэхээсээ илүү хувь хүний за... З.Энхболд, Сү.Батболд нарын “зассан зам” Ялахгүй гэсэн сонгуулиасаа ялж гарах нь улс төр юм Н.Энхболд: Аймаг дангаараа зам хаах шийдвэр гаргах эрх байхг... Эрүүдэн шүүх улс төрийн шоглоом М.Оюунчимэг: Байгалийн баялгийг тэгш хуваарилах нь ардчиллын... Хэдэн хүн шоронд хийгээд сонгогдоно гэвэл үгүй шүү, Ерөнхий ... Японы уран зохиолын 7 гол бүтээл Цагаан сарын аатай, адтай, аагтай яриа "Эрүүл ухаантай удирдагч нар бий бол эмнэлгийн талаар зөв ши... Сэтгэл байвал утаанаас ч сална Хамба лам Д.ЧОЙЖАМЦ: Хуурч мэхэлсэн, худал амласан, залилсан... Ерөнхий сайдын толгой хаана вэ? Х.Тэмүүжин: Хонгилыг нураах боломж Ц.Элбэгдоржид байсан, одо... Тавантолгойн ордын хөрөнгө оруулалтын гэрээ “хорлон сүйтгэх ... ҮАБЗ алт цэвэршүүлэх нэрээр мөнгө угаах төслийг мэдсэн үү? Зургаан аймаг ОРОХ, ГАРАХ хөдөлгөөнийг хязгаарлалаа Бурхан ба үрэл Ухань хотын эмнэлгийн дарга коронавирусийн халдвараар нас ба... Хятадын академич улсынхаа иргэдийг "Монгол үндэстнээс суралц...
Top