Гар утас дэлбэрснээс болж 45 настай иргэн гэмтсэн хэрэг Дорноговь аймгийн Айраг суманд гарчээ. Энгэрийн халаасанд авч явсан гар утас нь дэлбэрч, цээж хэсэг, зүүн гартаа гэмтэл авсан байна.

Хэргийн шалтгаан нөхцөлийг тогтоохоор цагдаагийн байгууллага ажиллаж байгаа бөгөөд ард иргэдийн хэрэглэж буй цахилгаан бараа, техник хэрэгслийнхээ бүрэн бүтэн, аюулгүй байдалд анхаарч, болзошгүй аюулаас сэргийлэхийг зөвлөлөө.