МЕТРО МОЛЛ ХУДАЛДААНЫ ТӨВ, АЛЬФА ДЭЛГҮҮР

“АМЬДРАХУЙ”

Нэг ном уншсанаар нэгэн өөр амьдралаар амьдрах боломжийг олгодогт номын гайхамшиг нь оршдог гэдэг. Тэгвэл энэхүү ном таныг уйлуулж, зовоож, шаналгасан нэгэн амьдралаар утгаар нь амьдруулна гэдэгт итгэлтэй байна. Магадгүй номоо уншиж дууссаны дараа өөрийн бодит амьдралд буй асуудлууд, зовлон бэрхшээлийг “юу ч биш” гэж ойлгож ч мэдэх юм. Амьдрах, амьд явахын үнэ цэнийг ч хүссэн хүсээгүй бодох болно.

Ачлаганд зүтгэж буй үхэртэйгээ ярилцаж буй өвгөнтэй анх таарсан уншигчийн инээд аажмаар өөрчлөгдсөөр эцэст нь эхэнд буй энэ дүрслэл яаж өөр өнгөөр уншигдахыг мэдрэх тэр мэдрэмжийг өгөх Хятадын шинэ үеийн зохиолч Үй Хуагийн ертөнцөд урьж байна.

“Хүн хэмээгч нь жаргалыг дийлдэггүй хэрнээ яагаад зовлонг дааж дийлээд байдаг” юм бол гэж бодогдуулах уг номыг уншсан уншигч амьдралд улам ихээр хайртай болно гэдэгт эргэлзэхгүй нь.

Мөн уг номоос төрийн буруу бодлогын үр дагавар, тухайн цаг үеийн улс орны талаарх түүхэн мэдлэг, магадгүй “зовлонт амьдралаас чинь илүү гачлан бий шүү” гэдгийг утга зохиолоор дамжуулан ард олондоо хүргэж буй юм болов уу гэх зэрэг олон бодрол хөврөх байх хэмээн бодож байна.

Нус нулимсаа дуслуулж номын хуудсыг халтартуулж мэдэх тул бусдын биш өөрийн номтой болж аваад уншихыг мөн зөвлөж байна.  

“САЙН УУ, ГУНИГ МИНЬ”

“Цэцэг бэлэглээд яах билээ, удахгүй хатчихна шүү дээ” гэж зарим маань боддог. Гэвч үнэндээ цэцгийг биш цэцэг авч буй тэр мэдрэмжийг бэлэглэж буйг анзаардаггүйгээ ингэж боддог хэрэг. Яг түүн шиг хэн нэгэнд зориулж үл мартагдах мэдрэмж бэлэглэхийг хүсч буй хүнд “Сайн уу, гуниг минь” номыг санал болгож байна. Учир нь энэ бол арвандолоохон настай охин бичсэн гэхэд итгэмгүй, бодолд автуулж, сэтгэл догдлуулам мэдрэмжтэй ном юм.

Сул хэсэг өчүүхэн төдий ч байхгүйгээр үргэлжилсээр, тааварлашгүй эргэлт, санаанд оромгүй төгсгөл өгч, ер нь хөндөж болох сэтгэлийн утаснуудаа тэр жаахан зохиолч охиноор тоглуулчихна гэж төсөөлж ч амжилгүйгээр уран зохиолын номноос л мэдэрч болох тэр зүйлсийг мэдрэх болно.

Бороо ороход, цас будрахад сэтгэл догдлуулж орхидог тэр ойлгомжгүй зүйлсийг уншигч танд бэлэглэх болно. Зохиолын дүрүүдийг буруутгах, зөвтгөхөө ч мэдэхгүй бодлыг чинь төөрөгдүүлэх болно. Яг л номын нэр шигээ таныг гунигт автуулна. Мэдээж уг номыг уншсаны дараа дахин ийм хүчтэй мэдрэмжийг төрүүлэх номыг хайх биз.  

“CЕКСИ”  /ДУР БУЛААМ/

Уг номын нэр нь хавтсан дээрх нэр “Дур булаам”.  Номын хавтасны зураг нь монгол дээл өмссөн эрийн сүүдэрлэсэн дүртэй. Монголын ямар нэгэн роман мэт харагдах уг ном үнэндээ дэлхийн, тэр тусмаа 1990 оноос хойш бичигдсэн гадаадын зохиолчдын өгүүллэгийн анталоги түүвэр ном юм. Тухайн номноос дэлхийн уран зохиолын чиг хандлага хаана байна, ямар өгүүллэгүүдийг бидний цаг үеийн гадны зохиолчид бичиж буйг мэдэж, мэдрэх боломжтой.

Зохиол бүр үнэ цэнэтэй бөгөөд тус тусад нь задлаагүй нэгтгэсэн гэж бодох юм бол 21 номыг нэг номын үнээр авч буй гэдгээрээ уншигчдад ашигтай байх аж. Мөн номыг бүтээгчээс уг өгүүллэг бүрийн зохиолчтой холбогдон албан ёсны эрхийг нь авч, тэр бүрт цаг хугацаа зарцуулан орчуулсан, сорчлон нэгтгэсэн гэх хөдөлмөрийг тооцох юм бол уг бүтээлийг эх хэлээрээ уншина гэдэг тун ашиг завшаантай худалдан авалт гэдэг нь гарцаагүй юм.  

“Намтарчилсан болон уран зохиолын номын аль нь илүү үнэнд ойр байдаг бол” гэдэгт хариулж буй номын авторын подкастыг олоод сонсоорой. Нээрээ л бидний олонх намтарчилсан ном гэж хариулах байх. Гэтэл уран зохиолд хэн нэгнийг хэрхэн бодох бол гэж бодохын хэрэггүй тул олон олон үнэн өгүүлэгдэж байдгаараа намтарчилсан бүтээлээс ч илүү үнэн байдаг аж.

Яг л тийм үнэнийг, энгийн мэт хэрнээ секси тэр л  бүтээлүүдийг унших боломжтой байна гэдэг хичнээн гайхалтай.

Энгийн өдрийг гайхалтай өдөр болгон хувиргах  Тагтаа паблишингийн номууд ийнхүү Метромалл худалдааны төвийн гуравдугаар давхарт байрлах Альфа ном бичиг хэрэг, тоглоом бэлэг дурсгалын дэлгүүрт ирлээ.

МЕТРО МОЛЛ ХУДАЛДААНЫ ТӨВ, АЛЬФА ДЭЛГҮҮР