x

Б.Дашдондог: "The Hu" хамтлагийг гаргаж ирэхийн тулд есөн жил зүтгэсэн

Дуучин продюсер, гавьяат жүжигчин Б.Дашдондогтой ярилцлаа.

-Урлагийн салбарт тэр дундаа монголын өв соёлыг урлагаар дамжуулан дэлхийд Монгол улсыг таниулж яваа танд монголчуудынхаа өмнөөс талархал илэрхийлье. Ингэхэд "Эх оронч хүн" гэж ямар хүнийг хэлдэг юм бэ? Та өөрийгөө ингэж хэлж чадах уу?

-Өөрийнхөө хийж чадах зүйлээр эх орондоо хувь нэмэр оруулж байгаа хүнийг би "эх оронч хүн" гэж хэлнэ. Аль ч салбар байж болно, ажиллаж байгаа тэр салбартаа л дэвшил хөгжлийг авчирч, хийж чадах бүх зүйлээ хийж байгаа хүн л эх оронч шүү дээ. Хий хоосон цээжээ дэлдээд орилоод байхдаа биш юм.

Би 38 жил урлагийн салбарт ажиллаж байна. Ажиллах хугацаандаа Монголын хамгийн анхны “Сонор” студийг Халиун бид хоёр байгуулсан. Хамгийн анхны CD-г өөрийн гэсэн тоглолттой гаргаж ирснээрээ анхдагч байлаа. Хамтлаг болгон цомог гаргадаг, түүндээ зориулж тоглолт хийдэг болсон ч гэсэн хувьсгал шүү дээ. Дараа нь өөрийнхөө студийг тусад нь байгуулахдаа “Дижитал” студи протус системийг Монголдоо хамгийн анх оруулж ирсэн. Үүн дээрээ үндэслээд дуулаачийн курс байгуулсан. Одоо 200-300 шавь байна. Рок поп дуучдын 60-70 хувийг манай шавь нар бүрдүүлж байна. Сүүлд The HU хамтлаг гарч ирлээ. Энэ бол хувь хүн эх орондоо оруулж ирж байгаа хамгийн том хувь нэмэр юм даа.

-Рок попын урсгалаар уран бүтээл хийж байгаа The HU хамтлаг 2018 онд байгуулагдсан. Шинэ бүтээл, шинэ урсгалыг бий болгож чадсан. Бий болгохын тулд их хөдөлмөр, их цаг зарцуулсан байх. Яаж хөдөлмөрлөсөн тухайгаа яривал...

-Есөн жилийн өмнөөс эхэлсэн. Санаа олох, олсон санаагаа бодоход хугацаа их ордог. Яг яаж хийвэл гоё вэ? гэх мэтчилэн. Тийм амархан учраа олчихгүй шүү дээ. Судалгаа ч их хийсэн. Монгол туургатан улсууд дотор хархираа хөөмийтэй улс олон бий. Өвөр монгол, Тува гээд олон улсад ийм чиглэлийн хамтлагууд байгаа. Яаж ялгарч, яаж өөр байх вэ гэдгийг бодсон. Өөр байх, өөрийн гэсэн хөгтэй байх, хөгжмийн зэмсгүүдийг ямар байлгах, шинэ түвшинд гаргаж ирэх гэдэг талаас нь бодож нэлээд их цаг зарсан.

Харин хамтлаг байгуулахад гурван жилийн хугацаа зарсан. Хамтлаг нэг дор бүрдээгүй, хамтлагийн гишүүдийг цуглуулж явсаар байгаад гурван жилийн нүүр үзсэн. Европын аялал хийхээс зургаан сарын өмнө ар талд тоглодог дөрвөн цахилгаан хөгжимчнөө олж авсан. Маш их санаа зовж байсан. Залуучууд анх удаа дэлхийн тайзан дээр гарч байгаа, анх удаа шинэ төрөл жанраар тоглож байгаа, анх удаа нийлж тоглох гэж байгаа шүү дээ.

Үндэсний урлагийн чиглэлийн хүмүүс чинь өөр. Анх удаа тайзан дээр гараад тоглох гэж байгааг харахад аймаар байсан. Яаж хүлээж авах бол, гараад алдах вий гэж санаа зовж байсан.

-Дэлхийн хамтлаг болгох зорилго тавьсан гэж харж байна. Дэлхийн рок попын урсгалыг шингээх тэдэнд хүлээн зөвшөөрөгдөх тал дээр хэр судалсан бэ?

-Тэд нараас өөр байх гэдэг чанарыг л илүү барьсан. Яагаад гэхээр хөг нь өөр байх ёстой, тоглох арга барил нь түүнээ дагаад бас өөр хэлбэртэй болсон. Ингээд ирэхээр өөрийн тоглох арга барил, тембер, өнгө төрх, дуугаралтын онцлог, чанар гараад ирэхээр цоо шинэ зүйл болж хувирч байгаа нь харагдсан. Тийм учраас би дотроо итгэлтэй байсан. Түүнийгээ төгс сайн хийе гэж шулуудаад орсон. Хархираа, шахаа хөөмий дотор рок урсгал өөрөө байж байгаа юм.

-Есөн жилийн хугацаа зарцуулсны дараа өмсгөл зүүсгэл, хувцас, хөгжмийн зэмсгүүдийх нь хийц загвар дээр шинэ тэсрэлт хийсэн. Хүннү гэдэг нэрнээс гарал үүслийг авч The HU гэж хамтлагаа нэрлэсэн гэсэн. Энэ тал дээр хэр судалгаа хийв?

-Яагаад гэхээр товшуур гэдэг хөгжим Хүннүгийн үед үүссэн. Хуурны өвөг дээдэс нь, тэр үед хуур гараагүй байсан. Товшуурын дараа нум бий болж байж хуур бий болсон гэж үздэг. Тэгэхээр Хүннү үеэс эхлэх нь зөв юм байна гэж харсан. Тийм учраас "Хүннү рок" гэж нэрлэх нь зөв. Хувцасны загварын хувьд Ариунаа Сүригийн загвар таалагдаж, түүн дээр нь саналаа хэлээд загвараа гаргасан. Хөгжмийн зэмсгүүдийн тухайд Сандагдорж гэдэг залуутай хамтарч ажилласан. Загвар маш сайхан болсон.

-Бидэнд өсөхөөс эхлээд сонссон хөгжим дотно сонсогдож байгаа ч дэлхийн хэмжээний үзэгчдийг бий болгоно гэдэг хэцүү?

-Барууныхан бол рокын асар олон жилийн түүхтэй улсууд. Тэд рок гэдэг жанрыг гаргаж ирсэн, хөгжлийнхөө хэд дэх шатанд явж байгааг ч мэдэхгүй. Харин бидний энэ урсгал тэдний сонсож байгаагүй цоо шинэ зүйл учраас анхаарал хандуулаад байгаа юм. Дууны цаад талын дуугарч байгаа тэнгэрлэг байдал, өвөг дээдсийн минь хүч байна. Үгийг нь орчуулаад сонсож байна, гүн ухаантай уран бүтээл болсон юм байна гэдэг талаас нь ярьж байна. Өвөг дээдсийн минь өвлүүлж өгсөн тэнгэрийн л зүйл. Өвгөдийн соёл. Бидний ялгарах ганц юм бол өв соёл, түүх.

-Сайтын сэтгэгдлүүдийг шүүж үзэхэд хамтлагийн хийж байгаа үйлдэл, гаргасан амжилтыг сөрөг талаас нь бичсэн зүйл нэлээд байсан. Та үүнд хэр анхаарал тавьж байгаа вэ?

-Хааяа уншдаг. Одоо тийм сөрөг сэтгэгдэл бага болсон. Эхэндээ бол их байсан. Оросуудын сэтгэгдэл дээр “эд нар бол үндэсний нацистууд” гэж монгол хүн гаднын хүнд монголоо муулж байхыг анх удаа олж харсан. Их сонин санагдсан. Урагшаа хараад хийх ажлаа хийгээд ирээдүй рүүгээ хараад, монгол улсыг илүү их хүчирхэг болгох ажлыг л одоо хийх хэрэгтэй.

-Хамтлаг одоо хаана яваа вэ? Хичнээн удаагийн тоглолт хийв, дэлхийн анхаарлын аль хэсэгт явна гэж та харж байна?

-Дөч гаруй тоглолт хийгээд явж байна. Америкийг бүтэн хоёр тойрох гэж байна. Бүх тоглолт маш амжилттай сайн болсон. Үзэгчид тэндээс маш их зүйлийг олж сонссон. Гадны үзэгчид бие биедээ "Энэ хамтлагийг амьдаар нь ирж сонсох хэрэгтэй юм байна" гэдгийг сэтгэгдлээр маш их үлдээж байгаа. Нийт жар гаруй тоглолт хийх ёстой. Тоглолтуудаа хийчихээд арванхоёрдугаар сарын дундуур Монголдоо ирэх байх.

-Шинэ жилээр эх орондоо байх уу?

-Шинэ жилээр эх орондоо байна. Нэгдүгээр сараас буцаад европын аялал эхлэнэ.

-Монголд тоглолтоо хэзээ хийх үү?

-Монгол дахь тоглолт одоохондоо яригдаагүй байгаа. Бид дур мэдэж тоглолт хийх тухай зарлаж болохгүй. Ер нь бол бид ярьж байгаа. 2020 онд тоглоно гэж харахгүй байна, 2021 онд тоглож магадгүй.

-Монгол улсдаа сая жуулчин авчирна гээд зорилго тавьсан явж байгаа. Хамтлагийн тоглолтыг эх оронд нь очиж үзье гэсэн жуулчдын сонирхол ч бас нэмэгдэх болов уу гэж бодож байна?

-Дэлхийн 110 орны 36000 гишүүнтэй "Интернэшнл" клубт "The HU хамтлаг Монголд тогловол үзэх үү? гэсэн асуулга явуулсан. Бараг 90 хувь нь гараа өргөсөн. Хамтлагийн хувьд өмнөх жилээсээ шалтгаалж дараа жилийн төлөвлөгөө гардаг. 2020 онд The HU хамтлаг бүтэн жилийн турш ажил нь төлөвлөгдсөн учраас Монголдоо ямар ч төлөвлөгөө байхгүй байгаа. Бид жуулчдыг татахын тулд эндээ маш их зүйлийг хийх хэрэгтэй. Жижиг зүйлээсээ эхлээд төгс байдлыг бий болгохгүй бол, жуулчдаасаа муу үнэлэлт авч явуулах юм бол тэр нь цаашаа хэдэн сая хүнд тараад дахиж ирэх жуулчин байхгүй болно. Жуулчин татахын тулд маш том бодлого байх хэрэгтэй. Улс өөрөө стандартаа гаргаад, хэрэгжүүлээд, хянаад, сайжруулаад явах ёстой гэж бодож байна.

-Та олон жилийн өмнө МУГЖ цол хүртсэн. Сүүлийн үед шагнал хавтгайрч, үнэ цэнээ алдлаа гэж шүүмжлэгдэх болсон. Ер нь шагналын утга учрыг та юу гэж боддог вэ?

-Шагнал бол тухайн хүний хийсэн зүйлийг үнэлж хүндэлж байгаа нэг хэлбэр юм. Социализмын үед өгч байсан шагнал, одоо энэ цаг үед өгч байгаа шагналын үнэ цэнийн хооронд асар их ялгаа бий болоод байна. Энэ ялгаа нь мөнгөний ялгаа. Социализмын үед шагналыг дагаад 6000 төгрөгийн шагналтай байсан. Тэр мөнгө яг одоо дагаад явж байна. Хуулийн өөрчлөлтүүдийг хийх хэрэгтэй санагддаг. Шагнал болгон өөрийн гэсэн үнэ цэнэтэй, хөдөлмөр зүтгэлийг нь үнэлсэн тодорхой хэмжээний мөнгөтэй байх ёстой.

Жишээ нь, гавьяатад жаран сая, Төрийн соёрхолд зуун сая төгрөг ч гэдэг юм уу. Социализмын үеийн 6000 төгрөг гэдэг тухайн үеэдээ машины үнэ байсан. Гэтэл өнөөдөр нас өндөр болсон хойноо төрөөс шагнал авсан ахмадууд түүнийгээ угаах гэж 12, 13 сая төгрөг зарлагадаж байна. Энэ нь шагнал авсанаасаа эс хүндрэл, дарамт болж хувирдаг. Өнөөдөр төрөөс олгож байгаа шагнал ямар ч үнэ цэнэгүй "төмөр" болсон учраас шагнал ингэж хавтгайраад байгаа юм. Тодорхой хэмжээний мөнгөтэй, арай илүү үнэ цэнэтэй байсан бол ингэж хамаагүй цацахгүй шүү дээ.

-The Hu хамтлаг өмнө нь нийслэлийн “Хангарьд” одонгоор шагнагдсан, сая “Чингисийн одон” авлаа. "Чингисийн одон"-г анх удаа хувь хүнд биш, хамтлагт өглөө. Та хэр сэтгэл хөдөлж байна?

-Хамт олонд өгч байгаа анхны одон юм билээ. Тэр үүднээсээ надад маш их таалагдаж байгаа. Залуучуудад маань маш том ташуур болж байгаа байх. Богино хугацаанд авч байгаа шагнал. Яагаа ч үгүй, болоогүй байна. Нэг жил ч болоогүй. Засаг төрийн дээрээс өгч байгаа үнэлэмж байх, бас бодлого байгаа байх. Зөвхөн Монгол Улсыг дэлхийд сурталчилж байгаа гэдэг үүднээс биш юм. The HU хамтлаг дэлхийд гарч ирснээрээ Монголын залуучууд, Монголын ард түмнийг сэрээж байгаа. Залуучууд үндэсний өв соёл руугаа их хандаж байна. Урьд нь тийм байгаагүй

Эх сурвалж: МҮОНТВ

Тэмдэглэсэн Ц.Байгал

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (5)

  • зочин
    өөрөө хүмүүс нийлүүлээд хамтлаг болгох байтугай ганц хурга ганц ишиг нийлүүлээд тэжээж үзсэн юмуу юу хийхгүй нэт-д буг болж суухаар гэрийн ажилд туслаач
    2019 оны 11 сарын 29
  • hi
    netees angli hel deer gants medee orchyylaad ynshchih chadaltai baij hun myylaach arai l archaagui umaa
    2019 оны 11 сарын 29
  • ИШ ЧАВААС
    дэлхийд ч Монголдоо ч 1 ч хит дуу байхгүй ерөөл магтаал биелгээний аян дээр ардын хөгжмийг рок хэмнэлд оруулсан иймэрхүү хамтлаг Өвөр МОНГОЛД ХАНГАЙ ХАМТЛАГ МЭТ ЗӨНДӨӨ БАДАГ
    2019 оны 11 сарын 29 | Хариулах
    • hi
      netees angli hel deer gants medee orchyylaad ynshchih chadaltai baij hun myylaach arai l archaagui umaa
      2019 оны 11 сарын 29
  • Хм
    ҮНЭН ЮМ УУ ДӨӨ. ЗАЛУУСЫН ӨАРСДИЙНХ НЬ ХӨДӨЛМӨР ЗҮТГЭЛИЙГ ӨАРИЙН БОЛГОЖ БААТАР БОЛОХОО БОЛИМООР ЮМ. ИЧ
    2019 оны 11 сарын 29 | Хариулах
    • зочин
      өөрөө хүмүүс нийлүүлээд хамтлаг болгох байтугай ганц хурга ганц ишиг нийлүүлээд тэжээж үзсэн юмуу юу хийхгүй нэт-д буг болж суухаар гэрийн ажилд туслаач
      2019 оны 11 сарын 29
  • Зочин
    Нөр их хөдөлмөрийг үнэлсэн нүдээ олсон шагнал байлаа. Дэлхийд Монгол хамтлаг хүлээн зөвшөөрөгдөх цагийг бидэнд авчирсан таныг шүтэж явахаас яахав дээ
    2019 оны 11 сарын 28 | Хариулах
iШинэ мэдээ
Зам ашигласны төлбөрт иргэдийн саналыг тусгах чиглэл өглөө 35 минутын өмнө Сэргээш хэрэглэсэн бөхөд Хэнтийчүүд "ХААН ШОНХОР" өгчээ 45 минутын өмнө Хөгжлийн бэрхшээлтэй иргэд УИХ-д нэр дэвших 5 хувийн квот хүслээ 1 цаг 9 минутын өмнө Автозам ашигласны хураамжийг НИТХ-аар дахин хэлэлцүүлэх чиглэл өглөө 1 цаг 30 минутын өмнө "Эрдэнэт" үйлдвэр, Хөгжлийн банкны хэргийн нотлох баримтыг бүрэн, шуурхай олж чадахгүй байна" 1 цаг 50 минутын өмнө Codelco 2028 он хүртэлх хөтөлбөрийн хөрөнгө оруулалтаа 20 хувиар танана 3 цаг 50 минутын өмнө Ким Жөн Унтай маш сайн харилцаатай байгаа хэмээн мэдэгджээ 4 цаг 0 минутын өмнө УИХ дахь МАН-ын бүлэг, АН болон ШИНЭН-ын зөвлөл хуралдана 4 цаг 15 минутын өмнө Д.Эрдэнэбаатар: Хүн улсын соёлын өв дэлхийг “цочоож” эхэлсэн нь тодорхой боллоо 4 цаг 23 минутын өмнө Цасан шуурга шуурч, хүйтний эрч чангарна 4 цаг 44 минутын өмнө Х.Баттулга: Ардчиллыг хэн нэгэн суут хүн, хэсэг бүлэг зоригт хүмүүс авчраагүй 4 цаг 54 минутын өмнө Жолооч нар автомашинтай жагсаал зохион байгуулна 5 цаг 1 минутын өмнө Хөгжилгүй гэсэн гайхшралд өгөх нэг тайлбар 5 цаг 43 минутын өмнө "Moon Dance" хамтлаг гурав дахь удаагаа Дэлхийн аваргын цомын эзэн боллоо Өчигдөр 13 цаг 58 минутад Монгол Улс бүс нутгийн эрчим хүчний интеграцид бодитой оролцох боломж бүрдэв Өчигдөр 11 цаг 07 минутад С.Лувсангомбо: Түүхэн барилга байгууламжаа хадгалж, хамгаалах тал дээр анхаарч ажиллахыг хүсье Өчигдөр 09 цаг 41 минутад Амьдралын хэв маягт тань өөрчлөлт хийж чадах 5 ном Уржигдар 15 цаг 14 минутад Парисчууд тэтгэврийн шинэчлэлийг эсэргүүцэн жагсжээ 2019-12-06 16:20 Сурагчид Шүд угаалтын аваргаа шалгаруулахаар өрсөлдөж байна 2019-12-06 16:11 Х.Галымбек: Хүхрийн хэмжээ одоогийнхоос 16 дахин өсч байж аюул учруулна 2019-12-06 15:44 Л.Энх-Амгалан: Том мажоритари тойрогт 26 хүн дугуйлах өөр хувилбар бий 2019-12-06 15:31 Пауэрлифтингийн дэлхийн аварга Э.Содномпилжээг “Нийслэлийн хүндэт иргэн”-ээр өргөмжлөв 2019-12-06 14:43 Ч.Содномцэрэн: 26 мандаттай нэг тойрогт 900 гаруй нэр дэвшигч саналын хуудсанд бичигдэнэ 2019-12-06 14:34 Мисс М.Цэвэлмаа "Дэлхийн мисс 2019"-ын шилдэг 20-д багтжээ 2019-12-06 14:20 Б.Гүнбилэг: Хэнтийн хүн ам Булганаас 18 хувиар илүү, мандат нь гурав дахин их байна 2019-12-06 14:03 Хууль, шүүхийн байгууллага, улс төрийн намууд авилгад хамгийн их өртсөн байгууллагаар нэрлэгджээ 2019-12-06 13:55 В.Наранцэцэг: Тэмбүү далд хэлбэртэй байх тул шинжилгээ өгөх хэрэгтэй 2019-12-06 13:33 Ирэх Мягмар гаригаас эхлэн Богд уул руу автобус явуулна 2019-12-06 13:22 Сэтгүүлчдийн онц их хурал хуралдуулах Түр хороог байгуулжээ 2019-12-06 13:11 Б.Махбалын шүүх хурал энэ сарын 13-ныг хүртэл хойшиллоо 2019-12-06 13:02 “МАН гэр хороололд засаглаж чаддаггүй” 2019-12-06 12:00 Ач буяныг нь хүртчихээд АРДЧИЛЛЫГ зүхэж суух ч гэж дээ 2019-12-06 10:48 УИХ-ын сонгуулийн тухай хуулийн төслийг чуулганаар хэлэлцэнэ 2019-12-06 10:32 Монгол Улс бүс нутгийн эрчим хүчний интеграцид оролцох боломж бүрдлээ гэв 2019-12-06 10:27 Нийслэлд хөрсний бохирдол буурахгүй байна 2019-12-06 10:20 "Газпром" Монголоор дайрах хийн хоолойн маршрутыг хагас жилийн дотор гаргах ёстой 2019-12-06 10:05 Ц.Ганцэцэг: Тэтгэврийн даатгалын шимтгэлээ сарын 42000 төгрөгөөр тооцож нөхөн төлнө 2019-12-06 09:57 ЗТХЯ-ны ТЗУГ-ын дарга асан Б.Махбалын шүүх хурал өнөөдөр болно 2019-12-06 09:44 Машин жолоодоод баригдсан хүүхдүүд удаа дараа хулгай хийснийг тогтоожээ 2019-12-05 17:30 Ч.Содномцэрэн: Туршилтаар УИХ-ын сонгуулийн саналын хуудас дөрвөн хуудас болсон 2019-12-05 16:58 Оны эхний 10 сард Хятад улс Монголд 662 сая долларын эрчим хүч нийлүүлжээ 2019-12-05 15:38 ЗТХЯ-ны нэрээр иргэдийг БНСУ руу явуулна хэмээн залилах явдал гарч болзошгүйг анхаарууллаа 2019-12-05 15:27 10-12 насны хүүхдүүд автомашин жолоодож хөдөлгөөнд оролцоод баригджээ 2019-12-05 15:17 Д.Сүхбаатарын талбайд “Бидний хот” сэдэвт мөсөн хотхон байгуулах уралдаан зарлагдлаа 2019-12-05 11:31 ХАА-н салбарт 7.9 тэрбумын хөрөнгө оруулалт, дэмжлэг үзүүлнэ 2019-12-05 11:14 Ж.Бат-Эрдэнэ: ЖДҮ-ийн зээл жинхэнэ эзэддээ хүрч чадахгүй байгаа нь ил тод биш байдалтай холбоотой 2019-12-05 11:00 Б.Махбалд холбогдох эрүүгийн хэрэгт бүх насаар нь хорих ял төлөвлөжээ 2019-12-05 10:45 "Өвлийн идэш" махны өргөтгөсөн худалдаа эхэллээ 2019-12-05 10:28 Энэтхэгийн Засгийн газрын 2020-2021 оны тэтгэлэгт хөтөлбөр зарлагдлаа 2019-12-05 10:19 "Эмэгтэйчүүдийн улс төрийн оролцоог дэмжих нь ардчилалын төлөвшилд чухал" 2019-12-05 09:55
iШинэ мэдээ
ЦААШ ҮЗЭХ
iРедакцийн сонголт
Top