Азийн Триатлоны холбооны (ASTC) конгресс энэ сарын 19-нд БНСУ-ын Гёнжү хотноо хуралдаж, тус холбооны ажлын тайлан төлөвлөгөө сонсож, Азийн Триатлоны холбоог удирдах шинэ бүрэлдэхүүнийг сонголоо.
ASTC-гийн ерөнхийлөгчөөр БНСУ-ын Жастин Пак, дэд ерөнхийлөгчөөр Тайландын Вижит Ситтинавин, Энэтхэгийн Ракеш Гупта, ерөнхий нарийн бичгийн даргаар Японы Шин Оцүка нарыг сонгосон байна. Мөн комисс, хороодын бүрэлдэхүүний сонгуульд Монголын гурван төлөөлөгч ялж, ирэх дөрвөн жилд Азийн Триатлоны холбооны үйл ажиллагааг удирдан ажиллахаар болжээ.
Монголын Триатлоны холбоо /МТрХ/-ны дэд ерөнхийлөгч Д.Жаргалсайхан Хөгжлийн хорооны гишүүнээр, "Ironman" клубийн захирал, олон улсын дасгалжуулагч Э.Уянга Эмэгтэйчүүдийн комиссын гишүүнээр, Олон улсын II зэргийн шүүгч Б.Цагаанбаатар Техникийн хорооны гишүүнээр тус тус сонгогджээ.