ШШГЕГ-ын харьяа хорих 461-р ангид цагдан хоригдоод байсан шүүгдэгч, гавьяат хуульч Л.Бямбаа амиа алдсан эмгэнэлт хэрэг гарлаа. Эх сурвалжийн мэдээллээр талийгаач нь өөрийнхөө хөхний даруулгаар хоолойгоо боомилж, амиа егүүтгэсэн байна. Талийгаач нь авлига, албан тушаалын хэргээр АТГ-т шалгагдаж байжээ.

Шүүхийн захиргааны байгууллагад 30 гаруй жил ажилласан гавьяат хуульч Л.Бямбаа нь тэтгэвэртээ гарснаасаа хойш өмгөөлөгчөөр ажиллаж байсан бөгөөд Салхитын мөнгөний ордтой холбоотой хэргээр шалгагдаж, цагдан хоригдоод байсан юм. 

Л.Бямбаа нь 1951 оны арваннэгдүгээр сарын 17-ны өдөр Төв аймгийн Зуун мод хотод төрсөн. Дээд, хуульч мэргэжилтэй. Хууль зүйн ухааны доктор (Ph.D), Монгол улсын гавьяат хуульч байсан бөгөөд шүүх болон шүүхийн захиргааны байгууллагад тасралтгүй 35 жил ажилласан байна.

Түүний ажилласан байдал: 

• 1976-1979 онд Улсын Дээд Шүүх, Нийслэлийн шүүхэд нарийн бичгийн дарга,

• 1979-1986 онд Улсын Дээд Шүүхийн Боловсон хүчний тасагт зааварлагч, ахлах зааварлагч, хэлтсийн даргын үүрэг гүйцэтгэгч,

• 1986-1991 онд ОХУ-ын Петропавловс хотод СПТУ-д хүмүүжүүлэгч багш,

• 1991-1993 онд Улсын Дээд Шүүхийн Иргэний хэргийн коллегид нарийн бичгийн дарга,

• 1993-1998 онд Чингэлтэй дүүргийн шүүхийн шүүгч,

• 1998-2005 онд Нийслэлийн давж заалдах шатны шүүхийн шүүгч,

• 2005-2012 онд Монгол Улсын Дээд Шүүхийн шүүгч,

• 2012-2015 онд Шүүхийн ерөнхий зөвлөлийн Хэвлэл мэдээлэл, олон нийттэй харилцах хэлтсийн дарга,

• Одоо МУИС-ийн Хууль Зүйн Сургуульд гэрээт багш,

• Монголын Олон Улсын болон Үндэсний Арбитрын гишүүн арбитрч

• "Консент” ХХН-ийг байгуулан хуульчаар ажиллаж байжээ