ОХУ-ын Красноярск хотод болох Дэлхийн оюутны өвлийн Универсиад XXIX наадам эхлэхэд 10 гаруй хоногийн хугацаа үлдээд байна. Монгол улсаас анх удаа уран гулгалтын төрлөөр дэлхийн оюутны Универсиад наадамд Г.Марал-Эрдэнэ оролцохоор болжээ.
Тэрбээр Японд суралцаж, бэлтгэлээ хийдэг бөгөөд дэлхийн оюутны Универсиад тэмцээнд оролцохоор бэлтгэж байгаа аж.
Түүний багш дасгалжуулагчаар Япон улсын иргэн Козука Сачико ажилладаг юм байна.
Манай улсаас энэхүү наадамд уран гулгалтаас гадна цана, шорт-трейк, фристайл болон цанын орон зай баримжаалах гэсэн таван төрөлд нийт 13 тамирчин өрсөлдөхөөр болжээ.