Америкийн бизнес эрхлэгч Илон Маск ирэх онд тус улсын хүүхэд бүрт өөрийн эзэмшдэг "SpaceX" компанийнхаа нэгж хувьцааг бэлэглэхээр төлөвлөж байгаагаа мэдэгджээ.

И.Маск компаниудынхаа хөрөнгийг тараах энэхүү аян нь "цаашид хэрэгжүүлэх олон ажлын эхнийх нь байх болно" хэмээн олон нийтийн сүлжээнд бичсэн байна. “Ирэх онд би Америкийн хүүхэд бүрт "SpaceX" компанийнхаа нэгж хувьцааг бэлэглэнэ. Энэ бол олон үйл ажиллагааны эхнийх нь байх болно” гэж тэрбээр “Х” нийгмийн сүлжээнд бичжээ.

Тэрбээр хувьцааг хэрхэн хуваарилахаа тодорхой дурдаагүй байна. Гэхдээ “New York Post” сонинд мэдээлснээр, И.Маск хүүхдүүдэд зориулсан татварын хөнгөлөлттэй хөрөнгө оруулалтын шинэ данс болох Цагаан ордноос хэрэгжүүлж буй “Трампын данс” (Trump Accounts) хөтөлбөрт хөрөнгө хандивлахаар төлөвлөж байгаа бололтой. Энэхүү дансыг 2025 оны нэгдүгээр сараас 2028 оны эцэс хүртэлх хугацаанд АНУ-д төрсөн хүүхдүүд нээлгэх эрхтэй юм.

Одоогоор АНУ-ын 70 орчим сая хүүхэд уг хөтөлбөрт хамрагдаад байна. АНУ-ын Сангийн сайд Скотт Бессент, Татварын ерөнхий газрын дарга Фрэнк Бизиньяно, "Dell Technologies" компанийн удирдлагууд бөгөөд буяны үйлстнүүд болох Майкл, Сьюзан Делл нар, мөн "Altimeter Capital" хөрөнгө оруулалтын компанийг үүсгэн байгуулагч, ерөнхий захирал Брэд Герстнер нар татварын хөнгөлөлттэй энэхүү хөтөлбөрт “түүхэн хэмжээний хандив” өргөсөн тухай Цагаан ордон энэ сарын эхээр  мэдээлжээ.

Kazinform