Египетийн аялал жуулчлалын хамгийн чухал дурсгалт газрын нэг болох Гизийн пирамидын район засвар шинэчлэлтийн ажлаа ерөнхийд нь дуусгаж, 2025 оны долоодугаар сарын 3-нд бүрэн хэмжээгээр нээх гэж байна. Энэхүү өөрчлөлт, хөрөнгө оруулалтын талаарх мэдээллийг Bloomberg агентлаг онцолжээ.
Засгийн газар энэхүү төслийг хэрэгжүүлэхдээ тэрбумтан Нагиб Савирисийн хамтран ажилласан бөгөөд нийтдээ 30 сая ам.долларын хөрөнгө зарцуулсан байна. Районы шинэчлэлийн хүрээнд хэд хэдэн гол өөрчлөлтүүд хийгджээ.
– Пирамидын ойролцоо суудлын автомашинтай явж, жуулчдад ханддаг тэмээтэй наймаачдыг зайлуулсан байна. Тэд эсэргүүцэл гаргасан ч, тусгай бүс гарган өгч, жуулчдын урсгалд ойр байршилд ажиллах нөхцөл бүрдүүлжээ.
– Пирамид руу чиглэсэн шинэ автобан, асфальттай зогсоолууд тавигдаж, аялал жуулчлалд тулгамдаж байсан ариун цэврийн байгууламж, кафе, амралтын сүүдрэвч, бэлэг дурсгалын дэлгүүрүүдийг шинээр байгуулжээ.
– Одоо бүх жуулчид нэг гол хаалгаар орж, тав тухтай автобусаар пирамид руу хүрч, замдаа амрах боломжтой албан ёсны зогсоолууд бүрдсэн байна.
Жилд дунджаар 2.5 сая жуулчин энэхүү гайхамшгийг үздэг ба үүний тал хувь нь Египетийн иргэд байдаг. Харин орон нутгийн захиргаа уг шинэчлэлээр дамжуулан жуулчдын тоог 40–50 хувиар нэмэгдүүлэх зорилготой байгаа аж.
Мөн өмнө нь мэдээлснээр, Кайрын Египетийн их музейг их засварын дараа долоодугаар сарын 3-нд мөн нээхээр төлөвлөж байна.
Эх сурвалж: Bloomberg, officelife.media.
