Хавдар судлалын үндэсний төвөөс мэдээлснээр улаанбурхан өвчний халдвар өдөр бүр нэмэгдэж буйг онцлон анхаарууллаа. Өчигдрийн байдлаар лабораториор батлагдсан тохиолдол 688 хүрсэн бөгөөд үүнээс 158 хүн эмнэлэгт хэвтэн эмчлүүлж байна. Мөн улаанбурхантай хавьтсан тохиолдол 11,539 бүртгэгдсэн нь уг өвчний халдварлах эрсдэл хэр өндөр байгааг харуулж байна.

Эрүүл мэндийн байгууллагууд эцэг эх, асран хамгаалагч нарт хандан хүүхдээ цаг тухайд нь улаанбурханы эсрэг вакцинд хамруулахыг уриалж байна. Улаанбурхан өвчнөөс сэргийлэх вакцин нь хүүхдэд 9 сартай болон 2 настайд нийт хоёр удаа хийгддэг бөгөөд энэ нь өвчний хүндрэл, тархалтаас сэргийлэх чухал алхам юм.

Хэрэв вакциныг хугацаанд нь тариулаагүй бол харьяа өрхийн эмнэлэг, сумын эрүүл мэндийн төв, эсвэл дүүргийн эрүүл мэндийн байгууллагад яаралтай хандахыг зөвлөж байна. Улаанбурхан өвчний эсрэг дархлаажуулалт бол хүүхдийн эрүүл мэндийг хамгаалах хамгийн үр дүнтэй арга гэдгийг мэргэжлийнхэн сануулж байна.

Эх сурвалж: Хавдар судлалын үндэсний төв.