Сансрын талаарх хамгийн түгээмэл домог бол үл танигдсан нисэх биет (UFO) буюу олон нийтэд танигдсан нэршлээр “нисдэг таваг”-ийн тухай ойлголт юм. Зарим хүмүүс эдгээр биетийг харь гарагийн иргэдийн хөлөг онгоц гэж итгэдэг. Тэд манай дэлхийд бууж ирдэг, бүр хүнтэй харилцсан гэж мэдүүлдэг тохиолдлууд ч олон байдаг.
Гэхдээ бодит байдал дээр хүмүүсийн харсан “үл ойлгогдох биетүүд” нь ихэнхдээ тайлбарлагдах боломжтой агаар мандлын оптикийн үзэгдэл, пуужингийн хөөргөлт, туршилтын нисдэг төхөөрөмж, хиймэл дагуул, эсвэл ховор цаг уурын үзэгдэл байдаг. Эдгээрийг хүмүүс мэдэхгүй, сонин хэлбэртэй харагдсанаар харь гарагийн зүйл мэтээр төсөөлдөг.
Эрдэмтэд гэрч нарын мэдүүлгийг судалсны дараа эдгээр үзэгдлийг шинжлэх ухааны үндэслэлтэйгээр тайлбарлах боломжтой болдог. Хэдий тийм ч дэлхийн гадна орших амьдралын боломжийг үгүйсгэхгүй гэсэн байр суурь судлаачдын дунд түгээмэл байдаг. Гэхдээ энэ нь дэлхий дээр харагдаж буй хиймэл дагуул, нисдэг төхөөрөмж бүрийг харь гарагийн хөлөг хэмээн үзэх үндэслэл биш юм.
Тиймээс UFO гэдэг ойлголт нь “одоо болтол тодорхойлоогүй нисэх биет” гэсэн утгатай бөгөөд заавал харь гарагийнхантай холбоотой байх албагүй гэдгийг анхаарах хэрэгтэй.
Эх сурвалж: Cambridge Dictionary
