Нийгмийн  даатгалын сангийн орлого 2024 оны жилийн эцэст   5573.6 тэрбум төгрөг болжээ. Энэ нь  2023 оны мөн үеийнхээс 1255.8  тэрбум төгрөгөөр нэмэгдсэн байна.

Даатгалын сангийн орлого  нэмэгдэхэд: тэтгэврийн даатгалын сангийн орлого 1 131.7 (30.9%) тэрбум төгрөгөөр,
тэтгэмжийн даатгалын  сангийн  орлого  82.1  (27.1%)  тэрбум  төгрөгөөр нөлөөлжээ.
Тус сангийн зарлага 2024 оны жилийн эцэст 5419.3 тэрбум төгрөг болжээ. Энэ нь 2023  оны мөн үеийнхээс 1354.6 тэрбум төгрөгөөр нэмэгджээ.

Даатгалын сангийн зарлага нэмэгдэхэд: тэтгэврийн даатгалын сангийн зарлага 994.1 тэрбум  төгрөгөөр,
үйлдвэрлэлийн  осол,мэргэжлээс  шалтгаалсан өвчний даатгалын сангийн зарлага 293.3 (6.3дахин) тэрбум төгрөгөөр нөлөөлсөн байна.
Тэтгэврийн даатгалын сангаас 2024 оны жилийн эцэст  509.5 мянган хүнд 4 695.8 тэрбум төгрөг олгосон нь 2023 оны мөн үеийнхээс тэтгэвэр авагчид 12.5 мянган хүнээр илүү, олгосон тэтгэврийн хэмжээ 1 044.7 тэрбум төгрөгөөр нэмэгдсэн дүн  гарчээ.

Жирэмсэн болон амаржсаны тэтгэмжийг 2024 оны жилийн эцсийн байдлаар 51.4 мянган хүнд 188.3 тэрбум төгрөг олгосон аж. Энэ нь  2023 оныхоос 9.4  мянган хүнээр буурсан. Харин олгосон тэтгэмжийн хэмжээ 40.6 тэрбум төгрөгөөр их байна.

Халамжийн  тэтгэвэрт  2024  оны жилийн  эцсийн  байдлаар 61 мянган  хүн хамрагдсан. Энэ нь  2023 оныхоос 1.6  мянган    хүнээр буурчээ. Гэтэл олгосон тэтгэврийн хэмжээ 242.6 тэрбум төгрөгт хүрч, 44.8 тэрбум төгрөгөөр нэмэгдсэн байх юм.

Нийгмийн халамжийн тэтгэвэрт хамрагдсан иргэдийн хувьд:

60 хувь нь хөгжлийн бэрхшээлтэй иргэн,
27.7 хувь нь тэжээгч нь нас барсан 18 хүртэлх насны хүүхэд,
12.1 хувь нь ахмад настан, 0.2 хувь нь 16 насанд хүрсэн одой иргэн,
 

Нийгмийн халамжийн тэтгэмжид 2024 оны жилийн эцсийн байдлаар 288.6 тэрбум төгрөг олгосон нь 2023 оныхоос 107.8 тэрбум  төгрөгөөр  нэмэгджээ. 

Нийгмийн халамжийн тэтгэмжид 149.7 мянган хүн хамрагдсаны хувьд:

52.0 хувь нь асаргааны тэтгэмж,
48.0 хувь нь онцгой тохиолдлын болон амьжиргааг дэмжих мөнгөн тэтгэмж авсан иргэд,
Энэ сангийн 2024 оны орлого зарлагийн бүтцийг авч үзэхэд дээрх дүр төрх гарч ирж байна.

Нийгмийн даатгалын сан: Ажил олгогч, даатгуулагчийн хөдөлмөрийн хөлс, түүнтэй адилтгах орлогоос  тэтгэвэр,  тэтгэмж,  төлбөр,  үйлчилгээнд  зарцуулах,  нийгмийн  даатгалын  үйл ажиллагааны  зардлыг  нөхөх  зорилгоор  төлсөн  шимтгэлийн  орлого,  бусад  эх  үүсвэрээс бүрдүүлсэн мөнгөн хөрөнгийг хэлнэ.

Даатгуулагч: Хууль болон гэрээний үндсэн дээр нийгмийн даатгалын санд шимтгэл төлж даатгуулсан, нийгмийн даатгалын сангаас тэтгэвэр, тэтгэмж, төлбөр авах эрх бүхий этгээдийг хэлнэ.

Тэтгэвэр:Даатгуулагчийг өндөр наслахад насан туршид нь, хөдөлмөрийн чадвараа алдсан бол хөдөлмөрийн чадвар нь сэргээгдэх хүртэл, эсхүл өндөр насны тэтгэвэр авах насанд хүртэл, нас  барахад  нь  түүний  асрамжид  байсан  гэр  бүлийн  хөдөлмөрийн  чадваргүй  гишүүнд нийгмийн даатгалын сангаас сар бүр олгох мөнгөн олговор юм.

Тэтгэмж: Хөдөлмөрийн  чадвараа  түр  хугацаагаар  алдах,  жирэмсний, амаржсаны чөлөө эдлэх, ажилгүй болох тохиолдолд даатгуулагч өөрт нь, даатгуулагч  нас  барах  тохиолдолд  гэр  бүлд  нь  хуульд  заасан  болзол, нөхцөлийн дагуу нийгмийн даатгалын сангаас тодорхой хугацаанд буюу нэг удаа олгох мөнгөн олговор байна гэж Үндэсний статистикийн хорооноос тайлбарлажээ