АНУ-ын Ерөнхийлөгч Жо Байден барилгачдын хамгаалалтын малгайг буруу харуулан өмсөөд ажилчдын хамт зургаа татуулав. Тэр зургийг нь Миннесота мужийн сенатор Эми Клобушар олон нийтийн Х сүлжээндээ тавьжээ.
Ерөнхийлөгч ийм малгайг хэзээ ч хэрэглэж үзээгүй юм байна гэж сүлжээний хэрэглэгчид мэдэж авав. Өөр нэг хэрэглэгч ийм зургийг интернэтэд байрлуулах нь “Тэнэгрэлтээр өвчилсөн хөөрхийг олон нийтийн сүлжээгээр харууллаа гэсэн үг болно” гээд зургийг нийтлэхгүй байхыг сенатороос хүсчээ.
Энэ нь Байденгийн эвгүй байдалд орсон анхны тохиолдол биш. Үүний өмнө Висконсины сонгогчдын өмнө өөрийн эдийн засгийн бодлогыг тайлбарлахдаа, professor ба predecessor (өмнөх хүн) гэсэн хоёр англи үгийг хутган Дональд Трампыг өөрийн профессор гэжээ. Тэр алдаагаа тэр даруйд нь засаад удалгүй дахиад коронавирусийн цар тахлыг эдийн засгийн зогсонги байдалтай солин ярьж эхэлсэн байв.
М.ЦОГТ
Сэтгэгдэл (1)