Допингийн асуудалд нэр холбогдоод байгаа "Ханжоу-2022" Азийн наадмын аварга, МУГТ Б.Чинзориг өөрийн цахим хуудсаар дамжуулан мэдэгдэл гаргалаа.
Тэрээр "Би 2015 оноос эхлэн боксоор хичээллээд 18 жил болж байна. Энэ жил болсон ДАШТ-ээс мөнгөн медөль авсан. Миний хамгийн том зорилго бол Парисын Олимп. Энэ сард болсон "Ханжоу-2022" Азийн наадмын үеэр өгсөн шинжилгээнээс допингийн эсрэг дүрмийн зөрчил илэрсэнтэй холбогдуулан энэхүү бичлэгийг хийж байна. Анх тэр мэдээг сонсоод шоконд орж, сэтгэл санаа их хүнд, тогтворгүй байлаа. Миний хувьд тамирчны эрхээ хамгаалах үүднээс олон улсын спортын арбитрын шүүхэд хандсан. Надаас болж эрх нь зөрчигдсөн шигшээ багийн тамирчдаасаа уучлал хүсье. Эцсийн шийдвэр гарсны дараа та бүхэндээ мэдээллэх болно" гэлээ.
Энэ асуудалтай холбогдуулан өчигдөр Монголын боксын холбооноос дараах мэдэгдлийг гаргасан юм.
Мөн Олимпын сайд Б.Бат-Эрдэнэ "Ер нь манай улсын допингийн асуудал олон жил ужгирсан. Б.Чинзоригтой холбоотой асуудлаар би Боксын холбооны санхүүжилтийг зогсоохоор албан бичиг илгээгээд байна. Төрөөс буюу татвар төлөгчдийн мөнгөөр допингийн асуудал гаргасан спортын холбоог дэмжихгүй" гэсэн юм.
