Английн эрдэмтэд мөөгнүүдийн хоорондоо ярилцах чадварыг нээжээ. Гэвч бусад эрдэмтэд нь энэ судалгаанд итгэл муутай байгаа аж.

Ердийн завсарт навчит буюу мөөгнүүдийн үгийн баялаг нь 50 орчим үг бөгөөд хоорондоо бүтцээрээ хүний элийг санагдуулах цахилгаан дохионы тусламжтайгаар ярилцаж чаддаг гэсэн байна.

Энэ тухай Лондоны хаантны нийгэмлэгийн сэтгүүлд нийтэлжээ. 

Мөөгнүүд урт утсан хэлбэрийн гиф гэх бүтцээрээ цахилгаан лугшилтыг дамжуулдаг нь шинжлэх ухаанд тодорхой болсон байгаа. Мэдрэлийн нейроныг санагдуулах тэр ургацаа мөөг ус чийг, тэжээл авахад ашигладаг.

Баруун Английн их сургуулийн эрдэмтэн Эндрю Адамацки шинээр дөрвөн төрлийн мөөгний лугшилт хэрхэн дамжуулагддагийг судалжээ. Мицилийтэй ургамлын шөлөнд байрлуулсан бичил электродуудын тусламжтайгаар тэр цахилгаанжуулалтын идэвхийг үзсэн байна. Тэгээд адамацки лугшилтыг дамжуулах тодорхой нэгэн зүй тогтоолыг олжээ. Идэвхижилтийн дэгдэлт нь бүтцээрээ хүний хэл шиг санагдсан ба мөөгний үгийн баялагийг тэр 50 орчим үг гэж үзжээ.

“Хэлний хамгийн сайн чадварыг” өмхөрсөн модны ишэнд амьдардаг завсрын навчит гэх мөөг  үзүүлсэн ба тэр хамгийн ээдрээтэй “өгүүлбэрийг” бүтээж чаджээ. Гэхдээ судлаачид  цахилгаан лугшилт нь чухал мэдээлэл өгдөгүй организмын идэвхийн дагуул бүтээгдэхүүн байж болохыг эрдэмтэд үгүйсгэсэнгүй. Гэхдээ лугшилтын дамжуулалтад тодорхой хэмжээний зүй тогтоол байгаа нь өөрийн зориулалттайг харуулж байна гэсэн юм.

Харин бусад нь "мөөг хэлтэй" гэдэгт итгэхгүй байна.

Энэхүү шинэ судалгаа нь цахилгаан импульст хэмнэлтэй угалзыг гаргасан ба тэдний давтамж нь тэжээлийн дамжилттай холбоотойгоос хэтрэхгүй гэж Эксетерийн их сургуулийн микологч (мөөг судлаач) Дэн Беббер хэлжээ.

Санаа нь сонирхолтой, гэхдээ GoogleTranslate-д “мөөгний хэл” гэж гарч ирэхээс өмнө энэ онолыг судлах шаардлагатай гэж Бербер өгүүлжээ.

М.ЦОГТ