Өнөөдөр 14:00 цагт манай тамирчид Азийн наадмын байт харвааны холимог багийн төрөлд хүрлийн төлөө БНХАУ-ын багийн тамирчидтай хүч үзэж, 6:2 харьцаагаар хожигдлоо.

Эхний үед Хятадын баг 36:32-оор ялж, хоёр дахь сэтэд манай баг тамирчид 36:35-аар илүүрхсэн. Гэвч гурав болон дөрөвдүгээр сэтэд 37:34, 37:34-өөр хожигдож, медалиас мултарсан юм.

Энэ төрөлд Японы шигшээ баг Хойд Солонгосыг 6:0-ээр ялж, аваргалсан юм.

Мөн өнөөдөр өглөө манай улсын эрэгтэй харваачид Б.Адьяасүрэн, Б.Отгонболд, Б.Пүрэвсүрэн нар тус төрлийн эрэгтэй багийн хүрэл медалийн өрсөлдөөнд БНХАУ-ын багтай харваа хийж, 0:6 харьцаагаар хожигдол хүлээгээд байна. Энэ төрлийн алтан медалийг Тайваний баг БНСУ-ыг 5:3-ийн харьцаагаар ялж хүртсэн бол мөнгөн медалийг БНСУ, хүрэл медалийг БНХАУ тус тус хүртлээ.

Манай байт харваачид медалиас мултарсан ч энэ удаагийн Азийн тоглолтонд түүхэн амжилт гаргаж, финаль шат хүртэл өрсөлдөж чадлаа. Ийнхүү Азийн наадамд оролцсон манай байт харваачдын тэмцээн өндөрлөлөө.