Улаанбаатар хотоос 19 хоногийн өмнө Ховд аймагт очсон нэг иргэний PCR шинжилгээ эерэг гарч батлагдсан байна. Халдвартай иргэн хаанаас халдвар авсан эх уурхай тодорхойгүй байна.
Тухайн иргэнтэй хамт явсан гурван хүнийг тусгаарлан ажиглаж байна.
Одоогоор халдвартай иргэний орж гарсан долоон байршилд хамгаалалт авч, ойрын хавьтал болсон иргэдийг олж илрүүлэх ажлыг явуулж байна.
Нөхцөл байдалтай холбогдуулан аймгийн онцгой комисс гурав хоногийн хугацаатай хөл хорио тогтоож, аймаг, сум хоорондын хөдөлгөөнийг бүрэн хаажээ.
Мөн сургууль, цэцэрлэгийн үйл ажиллагааг зогсоож, төрийн байгууллагуудын албан хаагчдыг 15 хүртэл хувиар ажиллах шийдвэр гаргасан байна.
