ХӨСҮТ-өөс өчигдөр хийсэн мэдээллээр орон нутагт шинээр бүргэгдсэн 59 тохиолдлыг
-Дархан-Уулд 10
-Баянхонгорт 7
-Архангайд 19
-Өвөрхангайд 8
-Орхонд 10
-Говьсүмбэрт 2 бүртгэгдсэн тухай мэдээлсэн билээ. Гэтэл уг мэдээллээс хойш Архангайд 14, Завханд хоёр, Хөвсгөлд коронавирусийн халдварын зургаан тохиолдол шинээр илэрсэн байна.
Архангай аймгийн Хайрхан суманд 3, Эрдэнэбулган суманд 34 тохиолдол бүртгэгдэж, аймгийн хэмжээнд нийт тохиолдол 37 болсон байна. Архангай аймгийн төвд 11 байршилд халдвар бүртгэгджээ.
Нийт батлагдсан тохиолдлууд нь нэг эх үүсвэрээс голомтолсон бөгөөд урьдчилсан байдлаар ойрын хавьтлын иргэдийг илрүүлж, дам хавьтлаар тогтоогдсон иргэдийг дэс дараатайгаар PCR шинжилгээнд хамруулах ажлыг зохион байгуулж байна гэж аймгийн ЗДТГ-аас мэдээлжээ.
Мөн Хөвсгөл аймагт коронавируст халдваруудын батлагдсан тохиолдлын ойрын хавьтлын хоёр дахь удаагийн шинжилгээгээр зургаан эерэг тохиолдол нэмж бүртгэгджээ. Ингэснээр тус аймгийн хэмжээнд Цэцэрлэг суманд 19, Мөрөн суманд 10, нийт коронавируст халдварын батлагдсан тохиолдол 29 болсон байна.
Түүнчлэн Завхан аймгийн Улиастай суманд Улаанбаатар хотоос томилолтоор ирээд буцсан халдвартай иргэдийн ойрын хавьтал 2 иргэний PCR шинжилгээний хариу эерэг гарч, коронавирусийн халдвар авсан нь батлагджээ.
