Чөлөөт бөхийн насанд хүрэгчдийн эрэгтэйчүүдийн 55, эмэгтэйчүүдийн 21 дэх удаагийн Монгол Улсын аварга шалгаруулах тэмцээн өчигдөр өндөрлөлөө.

Тэмцээнд “Аварга”, “Аврагч”, “Алдар”, “Алдартан”, Архангай, “Арслан”, Баянхонгор, “Женко”, Орхон аймгийн “Ирээдүйн одод”, МУБИС, Налайх, “Приус” төв, “Сүлд”, Сонгино хайрхан дүүрэг, “Төгс”, УСУГ, ҮБТДС, “Хангай хүчтэн”, “Хангай хайрхан уул”, “Хангарьд”, “Харгант цамхаг”, “Хасу-Мегастарс”, “Хасу-Хэнтий”, “Хилчин”, “Хүч”, “Цастын барс”, “Эрч” гэсэн 27 байгууллагын 320 тамирчин эрэгтэй, эмэгтэйчүүдийн тус бүр 10 жинд өрсөлдөв.

Монгол Улсын гавьяат тамирчин Г.Мандахнаран, О.Бурмаа ес, Хөдөлмөрийн баатар С.Батцэцэг найм, ОУХМ О.Үйтүмэн долоо, гавьяат тамирчин С.Цэрэнчимэд, ОУХМ Э.Даваачимэг тав, ОУХМ Т.Түвшинтулга дөрөв, Ц.Намуунцэцэг гурав, Э.Цэвэгмид, З.Сумьяабазар, Б.Болортуяа хоёр, Ц.Чинзориг, Э.Тэмүүлэн, Д.Батзул, М.Цогтгэрэл, Ч.Алтангэрэл, М.Лхагвагэрэл, Б.Дөлгөөн, Б.Хонгорзул, З.Болортунгалаг нар анх удаагаа Монгол Улсын аварга хэмээх алдрыг хүртэв. Энэ удаагийн УАШТ-ээс 9 шинэ аварга төрлөө.

Олимпын жингийн улсын аварга тамирчид гуравдугаар сарын 27-29-нд БНХАУ-ын Шиань хотод болох “Токио-2020” зуны олимпын наадмын Азийн эрх олгох тэмцээнд эх орноо төлөөлөн оролцоно.

Сүүлийн өдөр /2020.01.06/ эрэгтэйчүүдийн 92, 97, 125, эмэгтэйчүүдийн 62, 72, 76 кг жингийн медалийн төлөөх барилдааны дүнг МЧБХ-ноос хүргэж байна.

Эрэгтэйчүүдийн 92 кг-д /15 бөх/: 1. Мөнхбаатарын Цогтгэрэл /Хангарьд/  2. Доржготовын Доржсүрэн /Аврагч/  3. Баатарын Нямбаяр /Приус центр/, Баяраагийн Бат-Эрдэнэ /МУБИС/

97 кг-д /17 бөх/: 1. Чинбатын Алтангэрэл /Хилчин/ 2. Баасанцогтын Өлзийсайхан /Хасу-Мегастарс/ 3. Төмөрбатын Мөнгөншагай /Харгант цамхаг/, Балтмөнхийн Бадамдорж /Цастын барс/

125 кг-д /24 бөх/: 1. Мөнхтөрийн Лхагвагэрэл /Хилчин/ 2. Доржхандын Хүдэрбулга /Сүлд/ 3. Нацагсүрэнгийн Золбоо /Хүч/, Пүрвээгийн Өсөхбаатар /Хилчин/

Эмэгтэйчүүдийн 62 кг-д /7/: 1. Сүхээгийн Цэрэнчимэд 2. Пүрвээгийн Номин-Эрдэнэ /хоёул Алдар/ 3. Өлзийсайханы Пүрэвсүрэн /Хүч/

72 кг-д  /6 бөх/: 1. Энхбаярын Цэвэгмид /Алдар/ 2. Доржсүрэнгийн Цогзолмаа /Аврагч/ 3. Цэрмаагийн Хулан /Хасу-Мегастарс/

76 кг-д /8 бөх/: 1. Очирбатын Бурмаа /Женко/ 2. Бадрахын Одончимэг 3. Ганбатын Ариунжаргал /хоёул Алдар/, Гэлэгжамцын Наранчимэг /Хилчин/