x

Сэргээшийн талаарх холион бантан

Ардын хувьсгалын 98 жилийн ой, Үндэсний их баяр наадмын хүчит бөхийн барилдаанд шөвшөрсөн 16 бөхөөс допингийн шинжилгээ авч, хоёр бөхөөс хориотой бодис илэрсэн талаар баяр наадмыг зохион байгуулах Бөхийн салбар хорооноос наймдугаар сарын 12-нд мэдээлсэн. Эндээ “Шинжилгээнд хамрагдсан 16 бөхийн 14-өөс нь сэргээшийн төрлийн бодис илрээгүй, харин хоёр бөхөөс сэргээшийн төрлийн бодис илэрсэн. Нэг бөхөөс нь дөрвөн төрлийн, нөгөөхөөс нь нэг төрлийн бодис илэрсэн хариу ирсэн” гэсэн юм. Тухайн бөхөөс сэргээш илэрсэн эсэхийг бөхийн салбар хороо бөхчүүдэд мэдээлсэн учраас Улсын аварга Н.Батсуурь, Улсын аварга Ч.Санжаадамба, Улсын аварга С.Мөнхбат, Улсын арслан П.Бүрэнтөгс, Улсын арслан Ц.Содномдорж, Улсын гарьд Б.Гончигдамба, Улсын харцага Б.Бат-Өлзий, Улсын харцага Д.Анар, Улсын начин Э.Энхбат, Улсын начин Б.Орхонбаяр, Улсын начин А.Давааням, Улсын начин Б.Цэрэнсодном, Улсын начин Н.Баярбаатар, Улсын начин Д.Цэрэнтогтох нарын 14 бөх надаас сэргээш илрээгүй хэмээн олон нийтэд зарлаад байгаа.

Ингээд шөвөгт шалгарч үлдсэн 16 бөхөөс начин Ж.Ням-Эрдэнэ, аварга Э.Оюунболд хоёр л таг чиг байтал Улсын начин Ж.Ням-Эрдэнэ наймдугаар сарын 13-ны өдөр цахим хаягаараа “Сайн байцгаана уу. Хөдөө сүлжээгүй газар хэд хоног явж байгаад сумандаа орж ирлээ. Бөхийн салбар хорооноос “Танаас допингийн төрлийн бодис илрээгүй” гэдгийг надад хэлсэн байгаа” гэж мэдэгдлээ.

Ийнхүү өөрөөс нь хориотой бодис илрээгүй тухай мэдэгдэл хийгээгүй ганцхан бөх үлдсэн нь наадмын түрүү бөх аварга Э.Оюунболд.

Гэтэл “Хоёр бөхөөс хориотой бодис илэрсэн” гэж бөхийн салбар хороо мэдэгдсэн. Гэтэл 15 бөх нь хориотой бодис илрээгүй гэх хариу авсан талаараа мэдэгдэл хийгээд байна. Бөхийн салбар хороо нь худлаа ярив уу? Эсвэл дээрх 15 бөхийн хэн нэг нь худлаа ярив уу?

Юутай ч Бөхийн салбар хорооны мэдээлснээр допинг хэрэглэсэн бөхийн нэрийг зарлах хугацаа наймдугаар сарын 19. Допинг хэрэглэсэн бөхчүүд “Б” сорьцын шинжилгээ дахин хийлгэх бол энэ хугацаа дахин 10 хоногоор уртасна.

“Дайны хажуугаар дажин” гэгчээр бөхчүүдийн допингийн асуудал ид яригдаж буй энэ үед хэрүүл маргаан дагуулсан бөхийн холбоод яаж дуугүй өнгөрөх вэ. “Гацуурт” компанийн захирал Л.Чинбатын тэргүүлдэг гэх Монголын Үндэсний бөхийн холбооноос хориотой бодис илэрсэн хоёр бөхийн нэг нь аварга Э.Оюунболд гэдэг нь тогтоогдож байна. Мөн допинг хэрэглэсэн бөхийн нэрийг хуулийн дагуу зарлана гэсэн бөхийн салбар хорооны мэдэгдлийг хууль бус хэмээн үзээд аварга Э.Оюунболдод хариуцлага тооцох тухай есөн зүйл бүхий Үндэсний баяр наадам зохион байгуулах хороонд хаягласан тамгатай шаардлага гаргаснаа цахим орчинд дэлгэсэн юм.

Үүнийг дагаад өнөө хүртэл учраа ололгүй хоёр хуваагдаж тамгаа булаацалдсаар байгаа бөхийн хоёр холбоо сэргээшийн энэ дуулианыг ашиглан хэрэлдэж байна гэх хүн ч байна.

Үүний нэг болох Дархан аварга, УИХ-ын гишүүн Б.Бат-Эрдэнийн тэргүүлдэг холбоо нутгийн бөх Э.Оюунболдыгоо хамгаалж байгаа, тийм ч болохоор өнөө болтол таг чиг байгаа нь энэ гэх шүүмж ч бас цахим орчинд явж л байна.

Нөгөө талд нь Л.Чинбатын тэргүүлдэг гэх холбоо нь Э.Оюунболдын сэргээш хэрэглэсэн нь тогтоогдсон хэмээн яаран зарлаж байгааг үзүүрт үлдэж Э.Оюунболдод унасан Н.Батсуурийг цол нэмүүлнэ гэсэн горьдлого ч байгаа гэсэн бичвэр байна.

Ямартай ч одоогоор хэргийн эзэн хэнгэргийн дохиур болоод буй Улсын аварга Э.Оюунболдын хувьд Монгол Улсад Авто замын салбар үүсч хөгжсөний түүхт 90 жилийн ойн баяр наадамд барилдаж хоёр даваад байснаа тодорхойгүй шалтгаанаар барилдаанаа үргэлжлүүлээгүй төдийгүй одоо хүртэл хориотой бодис илрээгүй гэсэн мэдэгдэл хийхгүй байгаа нь олон нийтийн дунд мань хүн сэргээш хэрэглэсэн байх нь гэсэн хардлага төрүүлээд байна. Юутай ч шинэхэн аварга маань энэ талаар ганц ч үг ган хийхгүй, усанд хаясан чулуу мэт байна.

Хэрэв олон нийтийн таамаг батлагдаж түрүү бөх допинг хэрэглэсэн нь тогтоогдвол хаана хаанаа асуудал дагуулаад буй бөхийн холбоодын маргаан, допинг хэрэглэсэн бөхчүүдэд оногдуулдаг хоёр өөр утга бүхий хуулийн заалтын зөрүү, Ерөнхийлөгч нь гаргасан зарлигаа хүчингүй болгох гээд ар араасаа асуудал дагуулсан бантан хутгасан явдал болох нь дээ.

"Ардчилал таймс" сонин

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iШинэ мэдээ
МИАТ компанид үүссэн нөхцөл байдлын талаар ЗТХ-ийн сайдын мэдээллийг сонсов 10 цаг 27 минутын өмнө Их, дээд сургуулийн багш, ажилчдыг НДШ, ХХОАТ-аас чөлөөлөхийг дэмжлээ 10 цаг 42 минутын өмнө УИХ-ын гишүүн цахим хуралдаанаас хоцорвол үг хэлэх эрхийг нь хасна 11 цаг 30 минутын өмнө Д.Нямхүү: Өнөөдөр шинээр мэдэж буй мэт соргог байж, хяналтаа үргэлжлүүлэх хэрэгтэй 11 цаг 42 минутын өмнө Э.Бат-Үүл нарын 10 хүнд холбогдох хэргийн шүүх хурал товлогдлоо 12 цаг 12 минутын өмнө Ерөнхий сайд ЕБС, цэцэрлэгийн хөл хориог 9 дүгээр сарын 1-н хүртэл сунгах чиглэл өгчээ 12 цаг 20 минутын өмнө Сайн дураараа НДШ төлдөг 186 мянган иргэний даатгалыг төр төлнө 12 цаг 54 минутын өмнө Дархан-Уул аймагт энэ сарыг дуустал архи, согтууруулах ундаа худалдаалахгүй 13 цаг 7 минутын өмнө Унгар улсад тэтгэлэгт хөтөлбөрөөр суралцаж буй оюутнуудын АНХААРАЛД! 13 цаг 46 минутын өмнө Ослын улмаас нас барсан хүүхдийг цагдаагийн байгууллагад мэдэгдэлгүй нууцаар оршуулжээ 13 цаг 52 минутын өмнө Нийслэлийн халамж асрамжийн төвүүдэд ариутгал халдваргүйтгэл хийгдлээ 14 цаг 0 минутын өмнө Тавантолгойн 450 мВт-ын цахилгаан станцыг төрийн санхүүжилтээр барина 14 цаг 34 минутын өмнө Үндсэн хуулийн цэцийн дунд суудлын хуралдаан болно 15 цаг 9 минутын өмнө ЗААВАР: U-Money картаар зорчигчдод НӨАТ-ын сугалааны дугаар олгож эхэллээ 15 цаг 18 минутын өмнө Төрийн олон талт үйлчилгээг гэр хороолын иргэд дэргэдээсээ авна 16 цаг 9 минутын өмнө НИТХ-аас гэр хорооллын газрыг дахин төлөвлөн барилгажуулах төслийн байршлуудыг батлана 16 цаг 57 минутын өмнө Сэлэнгэ аймагт тусгаарлагдсан нэг иргэнээс коронавирус ИЛЭРЛЭЭ 17 цаг 14 минутын өмнө “Еbarimt” программд бүртгүүлсэн дансаар ноогдол ашгийг тараана 17 цаг 18 минутын өмнө Баянхошуунд 11 мянган өрх төвийн дулаанд холбогдох боломж бүрдлээ 17 цаг 26 минутын өмнө Өнөөдөр тусгай үүргийн нислэгээр 200 гаруй иргэн эх орондоо ирнэ 17 цаг 33 минутын өмнө
iИх уншсан
Сайд нараа сэлгэхгүй гэвэл гишүүнээс нь чөлөөлөх гарц бас ба... Д.Цогтбаатар сайд аа, дипломат алба чинь хар тамхи, визний н... Л.Хангай: Монголоор дамжуулан хийн хоолой барих ажил өнөө ма... Коронавирус ба "мораль" Цар тахал ба санхүүгийн хар зах Т.Мэндсайхан: "Давхар дээл"-ийн хязгаарлалт ирэх сараас шууд... Зүв зүгээр байсан цэцэрлэг ... 3,2 тэрбум ... “ЮБ констракшн... Бүрэн зураглалын талаар сэтгэгдэл ХХ зуунд хамгийн их гамшгийг дагуулсан гурван ЦАР ТАХАЛ АН-аас иргэдэд 1,260,000 төгрөгийн тэтгэмж олгох санал гарга... Ирэх л байсан "цохилт" буюу Ерөнхий сайдын "тахал дуудсан" м... Улс орнууд, удирдагчид хүртэл коронагийн хөлөөр янз янзаар я... “Еbarimt” программд бүртгүүлсэн дансаар ноогдол ашгийг тараа... "Хөвсгөл" нуурын мөс цөмөрч, алба хаагч эргүүл хийж байхдаа ... Ц.Элбэгдорж: Эмтэрч санасан нутагтаа, Та нартаа хүрээд ирлээ... НЭХЭЛ: Монголыг хэн ийм болгосон юм бэ? Д.Сарангэрэл: Эрүүл мэндийн салбар коронавирусийг ялна гэдэг... Ослын улмаас нас барсан хүүхдийг цагдаагийн байгууллагад мэд... Туркт суугаа Элчин сайд Р.Болдыг эргүүлэн татах шаардлага үү... Ц.Элбэгдорж маргааш үдэд тусгай үүргийн онгоцоор эх орондоо ...
Top