Бүсгүйчүүдийг багагүй зовоодог цистит хэмээх энэ өвчнийг Германд “Давсагны ханиад” гэж нэрлэдэг байна. Давсагны салстын үрэвсэлт энэ өвчний шалтгаан олон янз боловч гол төлөв халдвараар үүсдэг.

Ямар ч насны хүмүүс энэ өвчнөөр өвдөж болох боловч насанд хүрсэн эмэгтэйчүүдэд илүүтэй тохиолдоно.

Хүмүүс доороосоо даарснаас болж л цистит тусдаг гэж ойлгодог ч энэ өвчин тусахад бэлгийн ариун цэвэр муу сахих, хар өнгийн дотуур хувцас байнга өмсөх, зориулалтын бус саван, ариун цэврийн хэрэглэл хэрэглэх зэрэг өөр бусад шалтгаан бас нөлөөлдөг байна.

Энэ өвчний шинж тэмдэг бие засахад бэлгэ эрхтэн хөндүүрлэн хорсож, ойр ойрхон шээс хүрэх мөртлөө маш бага булингартай шээс гарах, өвчин даамжирч хүндэрсэн үед шингэн цусархаг идээтэй гарч, толгой эргэн үе үе халуурч илэрдэг.

Хэрвээ танд дээрх шинж тэмдэг илэрсэн даруйхан эмчилгээгээ эхлэх хэрэгтэй. Циститийг эмчлэх уламжлалт болон орчин үеийн анагаах ухааны олон төрлийн аргууд байдгаас энэ өвчнөөс салах хамгийн үр дүнтэй аргуудаас сонирхуулъя.

* Энэ өвчний үед аль болох гэртээ хэвтрийн дэглэм сахивал зүгээр.

* Өтгөн идээ хийж буцалгасан хар цайн дээр суух.

Маш өтгөн, давстай хар цайг буцалган хөтөвчинд хийж дээр нь суугаарай. Мэдээж цайгаа биеэ тvлэгдчихээргvй болсон хойно нь сууна. Цайны халуун уур таны өвдөлтийг намдаана. 10-15 минут буюу цай халуун уураар утахгvй болох хvртэл ууран дээрээ суух хэрэгтэй. Энэ эмчилгээг хэд хэдэн өдөр давтан хийгээрэй.

* Хар даавуугаар жин тавь. Энэ аргыг хэрэглэхэд танд чөмөгний яс, хар даавуу хоёр хэрэгтэй. Чөмөгний ясыг халуун цайнд хийж буцалгаад хар өнгийн даавуунд сайтар ороогоод бэлгэ эрхтэндээ жин тавина. Энэ аргыг ч мөн адил өвчнөө намжтал хэд хэдэн удаа давтах нь зvйтэй.

* Давсаган дээрээ хальстай нь чанаж нухсан төмсийг даавуунд ороон жин тавьдаг аргыг ч бас хэрэглэж болох юм.

Та дээрх аргуудаас аль нэгийг нь сонгон хэрэглэхэд л хангалттай. Тэгэхдээ дээрх аргуудыг хэрэглэхдээ биеэ тvлэхээс болгоомжлоорой! 

Хэрвээ гэрийн нөхцөлд эдгээр аргыг туршаад таны цистит намдахгvй, улам хvндрээд байвал даруйхан эмчид хандах хэрэгтэй. Циститийн үед шингэн зvйл ихээр уух шаардлагатай байдаг. Гэхдээ дандаа бүлээсгэж ууж байх хэрэгтэй. Энэ өвчний үед спиртийн төрлийн ундаа, халуун ногоо, хүйтэн зүйлийг хэрэглэж болохгүй.

Мөн энэ өвчнийг үлдэн хөөхөд тустай хамгийн натурал арга бол 100 хувийн цэвэр сranberry juice, оrange juice болон C vitamin ихтэй бүх төрлийн жимсний шүүс, цэвэр ус уух хэрэгтэй.

Энэ өвчин даамжирвал жирэмслэлт, төрөлтөд хүндрэл учирч, бэлгэ эрхтэний үрэвсэлт эмгэгүүдээр өвдөж, өтгөн хатах, шээс дамжуулах замд сөрөг урсгал үүсэх зэрэг сөрөг үр дагавруудтай.

Эрэгтэй хүмүүст цистит өвчин харьцангуй цөөн тохиолддог ба уг өвчин үүсэхэд түрүү булчирхайн үрэвсэл, түрүү булчирхайн хавдар, бэлгэ эрхтэний бусад өвчнүүд дагалддаг болохыг анхаараарай. 

Урьдчилан сэргийлэх аргууд

Шээсийг давсагт удаан хугацаагаар хуримтлуулахгүй байх, шээс хүрэх бүрт давсгийг суллаж байх, хөвөн даавуун материалаар хийгдсэн сул загвартай дотуур хувцас өмсөх, шингэн зүйл их хэмжээгээр уух, бэлгийн харьцааны дараа давсгийг суллаж байх, бие зассаны дараа бэлэг эрхтний урдаас нь хойш арчиж байх, халдварын голомт, шээс дамжуулах замын саадыг эрт илрүүлж эмчлэх, цистит ойрхон дахилт өгдөг бол урьдчилан сэргийлэх эмчилгээ хийнэ.

Биеийн ерөнхий эсэргүүцэл сайжруулах зорилгоор витамин эмчилгээг хүйтэн сэрүүний улиралд хэрэглэх нь сайн урьдчилан сэргийлэлт болох ба дээрх бэлдмэлийг нэг сараас доошгүй хугацаагаар хэрэглэнэ.

М.ЦОГТ