Эквадорын Гуяакль хотод зохион байгуулсан жүдо бөхийн өсвөрийн дэлхийн аварга шалгаруулах тэмцээн өндөрлөлөө.
Өсвөр үеийн холимог багийн дэлхийн аварга шалгаруулах тэмцээнээс Монголын баг маань хүрэл медаль хүртэж, эх орныхоо нэрийг дэлхийн тавцанд дуурсгалаа. Монголын шигшээ “D” хэсэгт багтаж, эхний тойрогт Туркийг хүчтэй багийг 4:3-аар ялжээ. Улмаар хэсгийн аваргын төлөө Францыг 4:1-ээр буулган авсан юм. Ингээд хагас шигшээ барилдаанд Бразилд 1:4-өөр ялагдсан ч хүрлийн төлөө ОХУ-ын хүчтэй багийг 4:2-оор ялснаар хүрэл медалийн тавцанд зогсох болзлоо хангасан юм. Ийнхүү Монголын өсвөрийн жүдочид холимог багийн ДАШТ-ээс хоёр дахь хүрэл медалиа хүртэж байна. Монголын баг хоёр жилийн өмнө холимог багийн ДАШТ-ээс анхны медалийг авсан түүхтэй.
Ганцаарчилсан төрлийн ДАШТ-д Монголын өсвөрийн жүдочид нэг хүрэл медаль хүртсэн амжилттайгаар 20-р байрт шалгарчээ. Монголчууд өсвөрийн ДАШТ-ээс 2023 оноос хойш дөрвөн жил дараалан медаль хүртсэн амжилттайгаар энэ удаагийн тэмцээнээ дуусгаж, эх орныхоо зүг хүлгийн жолоо заллаа.
